عمران سیریڑ ،جاسوسی ڈائجیسٹ، سسپنیس ڈائیجیسٹ توں حجازی سیریز پڑھدے پڑھدے یونیورسٹی پج گیا ۔ غیر نصابی کتاباں پڑھنڑ شاید نصانی کتابیں پڑھنڑ توں سکھا کم لگدا ہا کیونجو اوندا نہ امتحان دا ڈر ہا نہ نتیجے دا ۔
یونیورسٹی وچ منٹو دی ہک چھوٹا جیہاں افسانوی کتابچہ "منٹو کے دس افسانے” کہیں دوست پڑھنڑ واسطے ڈتے ۔ او منٹو نال میڈی پہلی ملاقات ہائ ۔منٹو دل کوں لگا ۔ مبٹو انسانی ہر ننگ کوں باھر کڈھ تے ڈکھا ڈتا محمد بھائ وچ ہک نیک دل شخص ، طوائف دی ہک نویں شکل ڈکھائ، رشتے دے نویں معنی ڈسیے ، مذہب دے لبادہ وچ بدکردار بدبودار کردار ننگے کر تے سامنڑے رکھ ڈتے ۔ شاید میں کنفیوز تھی گیم کہ منٹو چاہندا کیا ہے ۔ آہستہ آہستہ منٹو کو پڑھنڑ لگ گیم منٹو نامہ ،:منٹو راما، منونما، منٹو کہانیاں، منٹو کی غیر مطبوعہ کہانیاں ۔ جتنا منٹو کو پڑھدا گیا چس دے نال نال منٹو کنفیوز کرییندا گیا ۔ مگر منٹو دی ہک کتابچہ غالباُ” حاشیے” تے لکھے گئے اے فقرے
’’اگر آپ اِن افسانوں کو برداشت نہیں کرسکتے، تو اِس کا مطلب یہ ہے کہ زمانہ ناقابلِ برداشت ہے…… میں تہذیب و تمدن کی اور سوسائٹی کی چولی کیا اُتاروں گا جو ہے ہی ننگی……!! میں اِسے کپڑے پہنانے کی کوشش بھی نہیں کرتا، اس لئے کہ یہ میرا کام نہیں، درزیوں کا ہے……‘‘
میڈا کجھ کم سوکھا کرڈتا ۔ اگر میں اے آکھاں کہ مہرے والا میلہ قوم پرستی دا سبق ڈتا ہا تے منٹو دے افسانے” ٹوبہ ٹیک سنگھ ” میڈی سوچ کوں پختہ کیتا غلط نہ ہوسے ۔ منٹو دے کجھ اقوال میڈے ذہن تے اثر کر گئے
"میرے افسانے تندرست اور صحت مند لوگوں کیلئے ہیں۔ نارمل انسانوں کیلئے جو عورت کے سینے کو عورت کا سینہ ہی سمجھتے ہیں اور اس سے زیادہ آگے نہیں بڑھتے۔ جو عورت اور مرد کے رشتے کو استعجاب کی نظر سے نہیں دیکھتے”
"حقیقت خواہ شکر ہی میں لپیٹ کر پیش کی جائے، اس کی کڑواہٹ دور نہیں ہوگی”
"میں پوچھتا ہوں اگر عورت کی عصمت ہے تو کیا مرد اس گوہر سے خالی ہے؟ اگر عورت عصمت باختہ ہو سکتی ہے تو کیا مرد نہیں ہوتا؟ اگر ان سوالوں کا جواب اثبات میں ہے تو کیا وجہ ہے کہ ہمارے تیروں کا رخ صرف عورت کی طرف ہوتا ہے”
میں منٹو دا حافظ بنڑ گیا ۔ ہاں حافظ نا کہ عالم ۔ میکوں عالم دی تلاش ہائ ہک منٹو شناس دی ۔
یونیورسٹی دے بعد فاضل پور وچ” سوچ” ناں دی ادبی تنظیم رل تے بنڑائیوسے جیندے وچ طاہر عباس ۔۔ جی، ڈاکٹر طاہر عباس نال ملاقات تھائ جیہرا منٹو شناس ہا جیکوں میں عالم منیداں ہاں ۔ اوں منٹو دا سونہا کیتا ، منٹو دی تاریخ پیدائش توں گھن تے مرنڑ تک دیاں گالہیں سنڑوایاں ۔ منٹو دیاں عادتاں منٹو دے معاشی مسائل ہر افسانے دے پچھوں چھپی کہانی کوں ہدھرا کیتا ۔
اج ڈاکٹر طاہر عباس منٹو تے 9 کتاباں لکھ چکیے ۔ اہنڑیاں سب کتاباں منٹو نال محبت دی وجہ توں میکوں دان کیتن ۔
قرنطینہ وچ رہونڑ دی وجہ توں ایں شاندار تحفے دی لذت چکھداں ہیاں ۔ انہیں دی کتاب
یہاں سعادت حسن منٹو دفن ہے ”
شروع کتی ہیاں ۔ او سارے منٹو دے یار، بیلی، دشمن جیندے ناں ڈاکٹر عباس ڈسینداں ہاں سب نال ملاقات تھیندی پائ اے ۔
ناں کافی ان کتاب ضخیم اے ۔ 590 صفحات دی اے کتاب اپنڑے طلسم توں نکلنڑ نہیں ڈییندی ۔
اچھا وت ذال دھاڑ دھاڑ کیتی بیٹھی کہ زاویر خان روندا پے یا سبزی پکا یا ایینکوں سنبھال ۔ جیہڑا وی نمہی کر سگدا کیونجو ہالی کرونا اوترے دا پتہ کائنی کے تئیں شیریں کوں بلی بنڑائ پیا رہسے 😀😀😀
About The Author
اے وی پڑھو
موہری سرائیکی تحریک دی کہاݨی…||ڈاکٹر احسن واگھا
سرائیکی وسیب کے شہر لیہ میں نایاب آوازوں کا ذخیرہ
فیمینسٹ!!!۔۔۔۔۔|| ذلفی