24مارچ2020:آج پاکستان اور دنیا بھر میں کیا ہوا؟

کورونا وائرس، وزیراعظم کا غریب طبقے کیلئے دو سو ارب روپے کے معاشی پیکج کا اعلان، یوٹیلٹی اسٹورز کیلئے پچاس ارب روپے مختص، برآمدی صنعت کو سو ارب روپے کے ٹیکس ریفنڈ دینے کا فیصلہ، چھوٹی صنعتوں اور زراعت کیلئے ایک سو ارب روپے کا پیکج، گندم کی سرکاری خریداری کیلئے دو سو اسی ارب روپے مختص، دال، چاول، چنے سمیت کھانے پینے کی اشیا پر ٹیکسز میں کمی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حکومت کا پٹرول اور ڈیزل کی قیمت پندرہ روپے فی لٹر کم کرنے کا فیصلہ، بجلی اور گیس کے بلوں میں بھی ریلیف دینے کا اعلان، تین سو یونٹ تک بجلی کا بل تین ماہ کی قسطوں میں لیا جائے گا، دو ہزار روپے تک گیس کے بل پر بھی سہولت دی جائے گی، غریبوں کو فی گھر تین ہزار روپے ماہانہ دئیے جائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے بڑا خطرہ غلط فیصلوں سے ہو سکتا ہے، وزیراعظم عمران خان کہتے ہیں، اٹھارویں ترمیم کے بعد صوبے فیصلے کرنے میں بااختیار ہیں، ملک بھر میں کرفیو کے متحمل نہیں ہو سکتے، غریب افراد کو گھروں میں کھانا نہ دے سکے تو کرفیو کامیاب نہیں ہو گا، کوشش ہے کورونا کے پھیلاؤ کو روکیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شہباز شریف کا پٹرول کی قیمت ستر روپے لٹر کرنے کا مطالبہ، شرح سود تین سے چار فیصد کم کرنے کا مطالبہ، کہا، وزیراعظم فوری طور پر مشترکہ مفادات کونسل کا اجلاس بلائیں، میڈیکل اسٹاف کی تنخواہ میں دو فیصد اضافہ کیا جائے، دو سے پانچ ہزار تک بلوں کی اقساط کی جائی، قومی سلامتی کے معاملے پر سیاست کو لانا گناہ ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب حکومت کے کورونا سے نمٹنے کیلئے گیارہ ارب روپے مختص، عثمان بزدار کہتے ہیں، وفاق کو رمضان سے پہلے زکوۃ کٹوتی کی تجویز دی ہے، اسکولوں کی چھٹیاں بڑھانے اور نجی اسکولز کی فیسیں کم کرنے کی کمیٹی بنا دی، ایک ہفتے میں فیصلہ کریں گے، بلدیاتی الیکشن نو ماہ کیلئے ملتوی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور میں کورونا کا مریض دم توڑ گیا، وائرس سے ہلاکتوں کی تعداد سات ہو گئی، مریضوں کی تعداد نو سو سے بڑھ گئی، پنجاب، سندھ اور بلوچستان میں مکمل لاک ڈاؤن، بازار، شاپنگ مالز، ریسٹورنٹ، نجی، سرکاری دفاتر بند، میڈیکل اور کریانہ اسٹور، بیکریاں اور سبزی کی دکانیں کھلی ہیں، پبلک ٹرانسپورٹ اور ڈبل سواری پر بھی پابندی، خیبر پختون خوا میں جزوی لاک ڈاؤن میں ایک ہفتے کی توسیع، آزاد کشمیر میں بھی تین ہفتے کیلئے مکمل لاک ڈاؤن

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے متاثرہ ملکوں میں پاکستان کا نمبر اٹھائیسواں، اب تک کورونا سے سات افراد کی اموات ہوئیں، چھ مکمل طور پر صحت یاب، سندھ میں کورونا کے تین سو ننانوے اور پنجاب میں دو سو انچاس مریض، بلوچستان سے ایک سو دس اور گلگت بلتستان سے اسی کیسز رپورٹ، خیبر پختون خوا سے اڑتیس، اسلام آباد سے پندرہ اور آزاد کشمیر سے ایک کیس سامنے آیا، لاہور کی کیمپ جیل میں اٹلی پلٹ قیدی میں کورونا کی تصدیق

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وبا سے نمٹنے کیلئے چاروں صوبوں، اسلام آباد، آزاد کشمیر، گلگت بلتستان میں فوج طلب، اسلام آباد میں پولیس، ضلعی انتظامیہ، پاک فوج اور رینجرز کا مشترکہ فلیگ مارچ، ڈی جی آئی ایس پی آر کہتے ہیں، صرف اشیائے خورونوش کی دکانیں اور میڈیکل اسٹورز کھلے رہیں گے، اسکولز، شاپنگ مالز، شادی ہالز، ریسٹورنٹ بند ، پٹرول پمپ اور منڈیاں مخصوص اوقات میں کھلیں گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کی وجہ سے ملک بھر میں ٹرین آپریشن اکتیس مارچ تک معطل ، تمام ٹرینوں کا پہیہ آج رات بارہ بجے تک رک جائے گا، مسافروں کو ٹرین آپریشن بحال ہونے پر ٹکٹ کی رقم واپس ملے گی، مسافروں کی بڑی تعداد کینٹ اسٹیشن کراچی پہنچ گئی، حکومت کی بتائی احتیاطی تدابیر کی دھجیاں اڑا دیں

۔۔۔۔۔۔۔۔۔۔۔۔۔۔۔۔۔

معاون خصوصی صحت ظفر مرزا کہتے ہیں گھر میں رہنے سے ہی کورونا سے بچا جا سکتا ہے، اہم فیصلے لے رہے ہیں، صوبوں کے سخت اقدامات سے کورونا کا پھیلاؤ روکنے میں مدد ملے گی

۔۔۔۔۔۔۔۔۔۔۔۔۔۔۔۔۔۔۔

بلاول بھٹو کی دعوت پر اپوزیشن کی آل پارٹیز کانفرنس ، کورونا وائرس کے حوالے سے قومی بیانیے کی تشکیل پر مشاورت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملکی تاریخ میں پہلی بار گھر کی دہلیز پر پنشن پہنچانے کے عمل کا آغاز ہوگیا پاکستان پوسٹ تیرہ لاکھ بزرگ پنشنرز کو گھر کی دہلیز پرپنشن پہنچائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسکول بندش کے دوران ٹی وی چینلز سے تعلیم کی فراہمی کا فیصلہ، وفاقی وزیر تعلیم شفقت محمود کہتے ہیں، مخصوص ٹی وی چینلز سے تعلیم فراہم کی جائے گی، امید ہے آئندہ ماہ سے سلسلہ شروع ہو جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سپریم کورٹ کے پچاس سال سے زائد عمر اہلکاروں اور خواتین کو گھر سے کام کی اجازت دے دی گئی، ترجمان سپریم کورٹ کہتے ہیں سپریم کورٹ ریاست کے جوڈیشل ستون  کے طور پر آئینی ذمہ داریاں ادا کر رہی ہے، لوگوں کے حقوق کا تحفظ عدالت عظمی کی آئینی ذمہ داری ہے، کورونا سے بچاؤ کی احتیاطی تدابیر پر عمل کیا جا رہا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم کہتے ہیں، سی پیک منصوبہ پاکستان کی ترقی کے لئے ناگزیر ہے، چین پاکستان راہداری سے ملک میں روزگار اور معاشی ترقی کے نئے مواقع پیدا ہوں گے، چیئرمین سی پیک اتھارٹی عاصم سلیم باجوہ کی بریفنگ، سی پیک کے تجت توانائی کے بائیس منصوبوں میں سے نو،، پر کام شروع ہو چکا، عمران خان نے کہا، چین نے ہمیشہ مشکل وقت میں پاکستان کی مدد کی، منصوبوں کا بروقت مکمل ہونا ملکی مفاد میں ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاؤن کے دوران راشن کی ضرورت ہے تو سندھ حکومت سے رابطہ کریں، راشن آپ کے گھر پہنچایا جائے گا، بلاول بھٹو کا ویڈیو پیغام، کہتے ہیں ، مخیر حضرات سندھ حکومت کا ساتھ دیں تا کہ غریبوں کا خیال کیا جا سکے، بلاول بھٹو کی عوام سے بھی لاک ڈاؤن کے فیصلے پر سندھ حکومت سے تعاون کی اپیل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر خارجہ شاہ محمود قریشی کا فرانسیسی اور ہسپانوی ہم منصب سے ٹیلی فونک رابطہ، کورونا وائرس سے نمٹنے کیلیے تعاون کے فروغ پر تبادلہ خیال ،، شاہ محمود قریشی کا کورونا سے فرانس اور اسپین میں جانی نقصان پر افسوس کا اظہار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان اسٹاک مارکیٹ میں  شدید مندی،، ہنڈرڈ انڈیکس میں دو ہزار ایک سو دو پوائنٹس کمی، انڈیکس انتیس ہزار کی نفسیاتی حد سے نیچے آ گیا، اسلام آباد چیمبر آف کامرس یکم اپریل تک بند

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسٹیٹ بینک کی ماتحت بینکوں میں آنے والے کرنسی نوٹ وائرس سے پاک کر کے آگے منتقل کرنے کی ہدایت، اسٹیٹ بینک کے مطابق ملک بھر میں تمام بینک کھلے رہیں گے، اسٹاف کو محدود کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی نائب معاون وزیر خارجہ ایلس ویلز کا کورونا سے جاں بحق پاکستانی ڈاکٹر اسامہ ریاض کے انتقال پر اظہار افسوس، ٹوئٹر پیغام میں کہا اپنی زندگیاں داؤ پر لگا کر کام کرنے والے بہادر میڈیکل ورکرز کو سلام

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس سے دنیا بھر میں سترہ ہزار سے زائد اموات، تین لاکھ بانوے ہزار سے زائد متاثر، صحت یاب ہونے والوں کی تعداد ایک لاکھ سے بڑھ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔

سیکریٹری جنرل اقوام متحدہ انتونیو گوتریس کی عالمی سیز فائر کی اپیل، ٹوئٹر پیغام میں کہا دنیا کو مشترکہ دشمن کا سامنا ہے، یہ وقت آپس میں لڑنے کا نہیں، وائرس کے خلاف جنگ کا ہے، مشترکہ کوششیں کئے بغیر اسے شکست دینا ممکن نہیں

۔۔۔۔۔۔۔۔۔۔۔۔۔۔۔۔۔۔۔۔۔

اٹلی میں کورونا سے ایک دن میں چھ سو سے زائد اموات، ہلاکتوں کی تعداد چھ ہزار سے بڑھ گئی، مجموعی طور پر چونسٹھ ہزار کے قریب کیسز آئے، سات ہزار صحت یاب

۔۔۔۔۔۔۔۔۔۔۔۔۔۔۔۔۔۔۔۔۔

کورونا سے یورپ میں نو ہزار سے زائد ہلاکتیں، اسپین میں مرنے والوں کی تعداد ستائیس سو تک پہنچ گئی، فرانس میں آٹھ سو ساٹھ ، جرمنی میں ایک سو تیس، سوئٹزرلینڈ میں ایک سو بائیس اور ہالینڈ میں دو سو تیرہ ہلاکتیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں ایمرجنسی کا اعلان، وزیر اعظم بورس جانسن کی عوام سے گھروں میں رہنے کی اپیل، ملک میں کورونا سے ہلاکتوں کی تعداد تین سو پینتیس ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں کورونا سے مزید انتیس افراد ہلاک، تعداد پانچ سو بیاسی ہو گئی، چوبیس گھنٹے میں چوبیس سو سے زائد کیسز سامنے آئے، امریکی صدر ڈونلڈ ٹرمپ کہتے ہیں کورونا کی ویکسین بنانے کے لئے آٹھ ارب ڈالر مختص کئے ہیں، وبا پر جلد قابو پا لیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔

پشاور ہائیکورٹ کا اٹھائیس مارچ تک تمام عدالتیں بند کرنے کا حکم،  ہر ضلع میں ایک جج ، سول اور سیشن کورٹ میں ڈیوٹی دے گا

۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد ہائی کورٹ نے کورونا کے باعث چار سو آٹھ قیدیوں کی مشروط ضمانت منظور کر لی، قیدیوں کی جانب سے اسلام آباد ہائیکورٹ کی تشکیل کردہ کمیٹی کو مطمئن کرنا ضروری ہو گا،، کمیٹی میں انتظامیہ، پولیس اور اے این ایف کا ایک ایک نمائندہ شامل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اساتذہ کو قرنطینہ سینٹرز پرڈیوٹی کیلئے کیوں بلایا گیا؟ چیف جسٹس لاہور ہائیکورٹ کا اظہار برہمی،  کہا، کیوں نہ چیف سیکریٹری کو ابھی طلب کرلیں،، عدالت کی تفتان سے آنے والی بسوں کوچیک کر کے کورونا کلیئرنس سرٹیفکیٹ جاری کرنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔

عوام حکومت کی بتائی احتیاطی تدابیر پر عمل کریں، پاکستان علما کونسل نے امام حرمین شریفین، شیخ الازہر اور قاضی القضاۃ فلسطین کےپیغامات جاری کر دیئے، کہا، عوام اجتماعات سے دور رہیں، مصافحہ سے اجتناب کریں، گھروں میں ذکر و اذکار کریں۔۔

۔۔۔۔۔۔۔۔۔۔۔۔۔۔۔۔۔۔

سابق وزیر اعلیٰ مقبوضہ کشمیر عمر عبداللّٰہ کو سات ماہ حراست میں رکھنے کے بعد رہا کر دیا گیا، کہتے ہیں، قرنطینہ میں رہنے کے بارے میں جاننا ہے تو میرے پاس کئی ماہ کا تجربہ ہے

۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد اور لاہور سمیت ملک کے مختلف شہروں میں بارش، وادی نیلم میں بارش اور پہاڑوں پر برفباری، بورے والا میں موسلادھار بارش سے گندم کی فصل کو نقصان، ہرنائی میں طوفانی بارش کے بعد ندی نالوں میں طغیانی، کئی علاقے زیر آب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

موسم بہار میں برستے بادلوں نے اسلام آباد کی خوبصورتی کو چار چاند لگا دیئے، درخت دھل کر اور بھی نکھر گئے، بادلوں نے مارگلہ کے پہاڑی سلسلے کا حسن بھی دوبالا کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے بچنا ہے تو صرف انتہائی مجبوری میں گھر سے نکلیں، ہاتھ صابن سے دھوئیں، غیر ضروری اشیا کو ہاتھ نہ لگائیں، چہرے کو نہ چھوئیں، دروازہ ہاتھ کی بجائے کہنی سے کھولیں، ماسک پہنتے اور اتارتے وقت بھی ہاتھ چہرے کو نہ چھوئیں

۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے بچاؤ کے لیے احتیاط ضروری،، خود کو دوسرے افراد سے علیحدہ کرلیں، بخار ، کھانسی ، سانس لینے میں دشواری اور جسم میں درد جیسی علامات ہوں تو اپنے قریبی طبی مرکز جائیں یا ڈبل ون ڈبل سکس پر رابطہ کریں

۔۔۔۔۔۔۔۔۔۔۔۔۔۔۔۔۔۔۔۔۔۔۔

رابرٹ ڈی نیرو سمیت کئی ہالی ووڈ اداکاروں نے خود کو آئسو لیٹ کر لیا، شہریوں سے گھر میں رہ کر کورونا کا مقابلہ کرنے کی اپیل، ہالی ووڈ فنکاروں کا کہنا ہے گھر میں رہیں اپنی اور اپنے پیاروں کی زندگی کو محفوظ بنائیں

۔۔۔۔۔۔۔۔۔۔۔۔۔۔۔۔۔۔۔۔

اپنے ہاتھوں اور جسم کے ساتھ ساتھ گھر کو بھی صاف رکھیں، اداکار و ہدایتکار یاسر نواز اور ندا یاسر نے اپنا گھر صاف کیا، ویڈیو بھی شیئر کی

۔۔۔۔۔۔۔۔۔۔۔۔۔۔۔۔۔۔۔۔

آئسولیشن ہی کورونا سے بچاؤ کا طریقہ ہے، پاکستانی اسٹارز کی شہریوں سے گھروں میں رہنے کی اپیل، ماہرہ خان، آمنہ شیخ، میشا شفیع، احسن خان اور عدنان صدیقی کہتے ہیں احتیاطی تدابیر پر عمل کرنا بہت ضروری ہے

۔۔۔۔۔۔۔۔۔۔۔۔۔۔۔۔۔۔۔۔

انقلابی شاعر حبیب جالب کی سالگرہ، حبیب جالب نے زندگی بھر آمریت اور ظلم کے خلاف مزاحمت کی، جیل کی ہوا بھی کھائی

۔۔۔۔۔۔۔۔۔۔۔۔۔۔۔۔۔۔۔۔

سپر اسٹار شان کی فلم کے ٹریلر نے دھوم مچا دی، فل ایکشن تھرلر فلم ’’ضرار‘‘ اسی سال ریلیز ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سوہنی دھرتی کے جینے کی دعائیں کرنے والی آواز کو خاموش ہوئے ایک برس بیت گیا، شہناز بیگم کی پہلی برسی، سریلی آواز آج بھی کانوں میں رس گھولتی ہے

About The Author

ویب ڈیسک

See author's posts