کرونا وائرس: سندھ حکومت نے بڑا فیصلہ کرلیا، کراچی میں پی ایس ایل میچز آج سے بغیر تماشائیوں کے ہوں گے

کراچی: کرونا وائرس کے پھیلاو کے پیش نظر سندھ حکومت نے جمعہ سے پی ایس ایل کے میچز بند اسٹیڈیم میں کرانے کا فیصلہ کیا ہے۔

وزیراعلی سندھ مراد علی شاہ نے ایک اجلاس کی صدارت کرتے ہوئے کہا کہ پی ایس ایل میچز کرارہے ہیں،لیکن مزید رسک نہیں لے سکتے۔

آج نیشنل اسٹیڈیم کراچی میں ایچ بی ایل،پی ایس ایل فائیو کا میچ ہوگا لیکن شائقین کو اسٹیڈیم جاکرمیچ دیکھنے کی اجازت نہیں ہوگی۔ تماشائی صرف ٹی وی اسکرین پر میچ دیکھ سکیں گی۔

وزیراعلیٰ سندھ کہتے ہیں نیشنل اسٹیڈیم میں پی ایس ایل کے میچ کرارہے ہیں۔ مزید رسک نہیں لے سکتے۔

وزیراعلی سندھ نے کمشنر کراچی کو پاکستان کرکٹ بورڈ سے رابطہ کر کے اس فیصلے پر عملدرآمد کرانے کی ہدایت کردی۔

کمشنر کراچی افتخار شالوانی نے اجلاس کے دوران ہی فون کر کے کرکٹ بورڈ کے حکام کو وزیر اعلی سندھ کے فیصلے سے آگاہ کردیا۔

اجلاس میں کمشنر کراچی نے لاہور اور کراچی کے درمیان جاری میچ کے سلسلے میں کئے گئے انتظامات پر بھی بریفنگ دی۔

About The Author

نمائندہ

See author's posts