نقلی کہیں وی سماج دے وِڳاڑ تے ݙَڈھپ کو نشانہ بݨیندے ۔ اوہ لوکیں دے جیوݨ تے خوش رہوݨ دی تَݙ کوں بحال رکھدے ۔ اوہ لوکیں دے کِھلݨ دی عادت کوں ساہ ݙیندے ۔ اوہ حاکم تے اوندے اداریاں دے دروہ دی نقل ٻݨیندے ۔ اوہ بادشاہ دا تاڄ ، جرنیل دا ٻوٹ تے سرمایہ دار دی عینک پا کے سیکل چلیندے تے لوکی کِھلدن ۔ اوہ چارلی چیپلن وانگوں ہٹلر دے حکم کوں مخول بݨا ݙیندے ۔ اوہ لوکیں کوں اوں ڳالھ تیں کِھلویندے جتھاں ڳالھ کرݨ تیں منہ سِیویندِن ۔ امان اللہ ہک نقلی ہا اوں ساری حیاتی اپݨی نقل وچوں لوکیں کوں سماجی تے سیاسی شعور ݙِتے ۔ ملاں ، قاضی ، حاکم ، جرنیل اِنہاں نقلیاں توں راضی نی ہوندے ۔ حاکم نقلیاں کوں پرائڈ آف پرفارمنس ضرور ݙیندن پر انہاں کٹھے ٹکر نی کھاندے ۔ اوہ انہاں کوں مراثی آہدن تے انہاں توں خوار کھاندن ۔ ٻہوں مہربانی امان اللہ
نقلی آکھیا بادشہی ساݙے ڈر دا ناں
بادشاہ دا بت کھڑا حکم چلیندا پئے
Daily Swail-Native News Narrative
یہ بھی پڑھیے
”ست سہیلیاں دِی کہاݨی، حقیقت یا فسانہ“ (وسیب یاترا :19)||سعید خاور
سکھر تے بکھر دِی کتھا“(وسیب یاترا :18)||سعید خاور
”””عشق ٻاجھوں جیوݨ کوڑ کہاݨی “ (وسیب یاترا :17)||سعید خاور