گودا سُنڑیج اے جو سرکار اڄکل راجن پور تشریف گھدی امدن …..سرکاری ریکارڈ مطابق ،،ڄامپور ،،وی تہاݙی شاھی پنجاب دا حصہ تے راجن پور دی ھک لا وارث تحصیل اے …رڄ رڄ تے اتھوں ھر گودے سردار ووٹ گھدن تے اقتدار دیاں چساں چاتئین مزاری .لغاری ،دریشک ،گورچاݨی وارے وارے تے سارے گودے ایم پی اے ایم این اے وزیر کنوں گھن ڈپٹی اسپیکر تے صدر پاکستان تک دے عہدے ھنڈ یدے رہ ڳئین. نہری پاݨی دی وارہ بندی وانگوں وت ولا ،،،لمے اُبھے ،،دے سردار کٹھے وی ھِن تے سئیں دی کابینہ دے وزیر وی …پر ایں رُل موئی تحصیل دی سنبھال رکھݨ لیؤں انہاں کنیں وقت کوئے نی ….
اساں گلہ نسے کریندے ،کروں وی کیوں ساݙے سارے گودے شاناں والے طاقت والے اساں 11لکھ لوکی گُنگے ٻاتے سکھڑیاں چیکاں مارݨ تے دھاڑ پٹاڑ جوڳے کیوں جو اساکوں اپڑیں گھانڑیں وات ݙتے .
ساݙا داڄل کیا سارا پچادھ اوی وات ھوندا ھاھُݨ تاں محمد پور کوٹلہ مغلاں کیا خود ڄامپور شہر دا نپرا ناس اے .پہلے قاتل روڈ جیکوں انڈس ھائی وے آھدو ،رت دے ھنجوں روائی پئی اے تے اُتوں چھیواں ݙیہاڑا اے ݙو معصوم ٻال نہر ءچ ٻُݙ ڳئین تہاݙے سلطنت دے پاݨی دے ،،محکمہ اندھار،،، کوں توفیق نہیں تھئی جو نہر بند چاء کرے ھا ..ساݙے کہیں ایم پی اےوزیر صاحب کوں توفیق نہیں تھئی جو انہاں قریشی ٻالاں دے رت روندے ماء پیؤ کوں سکھڑاں حوصلہ چاء ݙیون ھا ….بس گودا ساݙی ھک سرائیکی بلوچ سردار دی حیثیت نال سئیں کنوں ھکا ارداس اے جو جہاز دی جاہ تے دیرے کنوں راجن پور تئیں کار یا جیپ تے سفر چاء کرو تے حضرت سفیر لشاری سئیں دے فرمان موجب ،،،سوھنڑیں دا سہرا سانورا ݙیہدا تاں ونڄ ،جے پیار دے قابل نمہی کوڑھی نظر ݙیہدا تاں ونڄ ،…. .
About The Author
اے وی پڑھو
اسلم انصاری :ہک ہمہ دان عالم تے شاعر||رانا محبوب اختر
موہری سرائیکی تحریک دی کہاݨی…||ڈاکٹر احسن واگھا
فیمینسٹ!!!۔۔۔۔۔|| ذلفی