استاد حسن ظفر عارف سے آخری ملاقات||عامر حسینی

آخری مرتبہ اپنے استاد ڈاکٹر حسن ظفر عارف سے میری ملاقات اُن کی موت سے ایک ماہ قبل دسمبر میں میٹروپول ہوٹل کی بلڈنگ کے سامنے ہوئی – ڈاکٹر ریاض احمد کے ساتھ انہوں نے ہمیں وہیں ملنے کو بلایا تھا – جب وہ اور کنور مومن خان جیل میں تھے تو لیفٹ میں ڈاکٹر ریاض احمد اُن گنے چُنے لوگوں میں سے ایک تھے جو ان دونوں بزرگ ساتھیوں کی رہائی کے لیے سرگرم تھے – ڈاکٹر ریاض احمد نے کراچ پریس کلب میں اُن کی رہائی کے لیے پریس کانفرنس کرنے کا اعلان کیا تھا تو انہیں کراچی پریس کلب پہنچنے سے پہلے ہی رینجرز کے انٹلی جنس ونگ نے اٹھایا اور اُنپر بہیمانہ تشدد بھی کیا تھا- ڈاکٹر حسن ظفر عارف اَن کا شکریہ ادا کرنا چاہتے تھے، وہ یہ بھی نہیں چاہتے تھے کہ اُن کی وجہ سے دوبارہ ڈاکٹر ریاض احمد کو تکلیف نہ پہنچ جائے کیونکہ اُن کا گھر پوری طرح سے ایجنسیوں کی نگرانی میں تھا – انھوں نے انٹیلی جنس والوں کو چکما دیا اور میٹروپول کی بلڈنگ کے سامنے ہمیں ملنے کو بلایا – میرے اور ڈاکٹر ریاض احمد کے وہم و گمان میں بھی نہیں تھا کہ یہ اُن سے ہماری آخری ملاقات ہوگی –