ظفر اقبال کا آفتابہ||یاسر جواد

افتخار عارف صاحب فصیح البیان، وسیع المطالعہ اور بہت اچھے دوست بھی ہیں۔ ایک بار اُنھوں نے میرے عالمی انسائیکلوپیڈیا کی تقریب رونمائی میں کہا: ’’یاسر جواد اور ہی طرح کے آدمی ہیں۔‘‘ یہ بات مجھے ہمیشہ یاد رہے گی۔ اِس ’’اور ہی طرح‘‘ میں اُنھوں نے سب کچھ کہہ دیا تھا۔ تقریب کے آخر میں اُنھوں نے مجھ سے پوچھا کہ کیا میں کچھ کہنا چاہتا ہوں؟ میں نے کہا، نہیں سر اتنی اچھی تقریب ہوئی ہے، خود ہی بول کر اِسے کیوں خراب کروں۔

آج وہ اسلام آباد سے جہلم گئے تو بک کارنر پر اُن کی موجودگی کی اطلاع ملی، جس پر میں نے امر شاہد سے درخواست کی کہ ’’نظریات کی مختصر تاریخ‘‘ اُنھیں پیش کر دیں۔

ہمارے معاشرے میں ہر بڑے آدمی کے بہت سے دشمن ہونا فطری بات ہے۔ افتخار عارف کے بھی ہوں گے۔ وہ کیسے بڑے آدمی ہے، یہ میں جانتا ہوں، نہ کہ اُن کے کام چور ماتحت ’افسران۔‘ آپ کو بھی شاید اُن سے اختلاف ہو۔ لیکن میں اُن کی مخالفت میں کوئی بات نہیں سنتا، وہ اتنے اچھے دوست ہیں کہ میں خود اُن کی مخالفت میں بات کر لوں گا، اگر کبھی ضرورت پڑی۔

اُن کا دم غنیمت ہے۔ اُنھیں اور اُن جیسے تین چار دیگر کو منفی کر کے ذرا منظر کا جائزہ لیں تو پیچھے مشاعرہ باز، پھیکے، جاہل، لاعلم، عقلی طور پر بدنما شاعر ہی ملیں گے۔

آرزو ہے کہ وہ اپنی آپ بیتی لکھیں یا ریکارڈ کروائیں، لیکن سوالات میں پوچھوں۔

۔۔۔۔۔۔۔۔۔۔۔۔۔۔