صحراۓ چولستان کی صدائیں||گلزار احمد

پاکستان میں جہاں اس بات پہ مقابلے شروع ہیں ۔۔۔کہ کون بنے گا کروڑ پتی ۔۔۔ وہاں ملک کی خوبصورت ترین دھرتی چولستان میں انسان اور جانور پیاس سے مر رہے ہیں مگر کوئ توجہ نہیں دے رہا ۔اس سے ظاہر ہوتا ہے کہ ہمارے سیاسی لیڈر اور حکمران عوام سے الگ ایک بورژوا کلاس ہے جن کا دُکھ بھوک پیاس نہیں بلکہ صرف ہوس اقتدار ہے ۔انہوں نے اپنی رہائشی کالونیاں ۔سکول ۔ہسپتال ۔ہوٹلز علیحدہ بنا رکھے ہیں اور پاکستان کی 90% عوام سے اگر رشتہ ہے تو ووٹ لینےاور خدمت لینے کا۔ سمجھ نہیں آتی ہمارے ملک کی NGOs کہاں چلی گئیں جو بات بات پر ۔۔۔بتیاں بجھائ رکھدی دیوا جلے ساری رات ۔۔۔کرتی رہتی ہیں ۔آج عبدالستار ایدھی مرحوم بہت یاد آ رہے ہیں ۔ وزیراعظم شھباذ شریف کو فرصت نہیں کہ وہ توجہ دے اور عمران خان مصروف ہے کہ غریبوں کا حال معلوم کرے۔ خادم اعلی پنجاب بھی بزی busy ہے ۔ ڈیرہ کے عوام سردار علی امین خان گنڈہ پور سے درخواست کرتے ہیں کہ وہ KPK سے ضروری امداد لے کر چولستان پہنچائے ۔

صحرائے زندگی میں کوئی دوسرا نہ تھا.

سنتے رہے ہیں آپ ہی اپنی صدائیں ہم۔