ہادی بلوچ تے ٹیم دی ٹیکنالوجی تیں اہم کاوش||اکبر ملکانی

اکبر ملکانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔

پاکستان عوامی سرائیکی پارٹی طلبا ونگ دے مرکزی صدر عبدالھادی خاں گاڈی بلوچ تیں اوندی ٹیم دی ہک ٹیکنالوجی تیں اہم کاوش۔
۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔
پاکستان عوامی سرائیکی پارٹی طلبا ونگ دے مرکزی صدر عبدالھادی خاں گاڈی بلوچ رفاہ انٹرنیشنل یونیورسٹی لاھور کیمپس وچ 4 سالا انجیرننگ مکمل کرنڑ دے بعد اللہ سئیں دے حکم نال گھر دیرہ غازیخاں واپس اگئین۔پاکستان عوامی سرائیکی پارٹی سئیں ھونریں کوں انجیرننگ دی ڈگری حاصل کرنڑ تیں 9 لکھ مبارخاں پیش کریندی اے۔
عبدالھادی خاں گاڈی بلوچ نیں ڈسائے۔اساں یونیورسٹی وچ سپر وائزر انجینیر تحسین الہی دی سپر ویئن وچ ہک پراجیکٹ ترتیب ڈتے۔جیندے وچ میں عبدالھادی گاڈی بلوچ۔اخنوع ظہیر لاھور۔حسیب الرحمن ھارون اباد۔احمد جمال فیصل اباد۔احمد نواز لاھور نیں بجلی تیں چلنڑ الی نویں ٹیکنالوجی دریافت کیتی اے۔فیول دی نسبت جیندی رننگ کاسٹ انتہائی کم اے۔ہک دفعہ فل بیٹری چارج تھیونڑ نال 50 کلومیڑ دا سفر خشی نال طئے کر سگدی اے۔کار دی زیادہ توں زیادہ سپیڈ 70 کلومیٹر فی گھنٹہ اے۔پٹرول تیں ڈیزل الی ٹریفک دی وجہ نال فضا بہوں الودہ رہندی اے۔جیندے نال انسانی زندگی بہوں متائثر تھیندی اے۔
اے ٹیکنالوجی ماحول دوست اے۔ایں کار تیار کرنڑ تیں تقریبن 2 لکھ روپے لگ چکن۔جیرھی حالی ٹیسٹنگ سٹیج تیں ھ۔اور کامیاب رہی اے۔
ہک اندازے دے مطابق ایے کار 9،8 لکھ وچ ہک فل فنگشنل کار تیار تھی سگدی اے۔جیرھی کہ ہیبرڈ کار دے مقابلے وچ انتہائی کم قیمت اے۔
ساڈے سرائیکی وسیب وچ ٹیلنٹ دی کوئی کمی کئینیں۔نوجوان طلبا اور یوتھ کوں صرف پلیٹ فارم دی ضرورت اے۔ساڈے وسیب دے انجینیر نوجوان طلبا وچ خدا داد صلاحیتاں موجو ان۔جیندا فایدہ او اپڑیں پورے ملک کوں پچا سگدن۔
جبکہ اپڑیں پورے وسیب وچ یو۔ای۔ٹی یونیورسٹی اف انجریننگ اف ٹیکنالوجی کتھائیں وی کہیں حکومت نیں بنڑانونڑ مناسب نہیں سمجھی۔
اے الزام میں اپڑیں وسیب دے فیوڈل لارڈ۔ایم۔این۔اے۔ایم پی اے تیں ایں گالھوں نہیں لانونڑ چاہندا جو انہیں دے بال جتھاں پڑھدن۔اتھاں اے ساریاں یونیورسٹیاں ہن پیاں۔ایں پورے سرائیکی وسیب وچ کوئی کتھائیں کیڈٹ کالج دی نشان دہی کر ڈیوے او انعام دا حق دار ھوسی۔ ایندے برعکس بلوچستان دے پسماندہ ترین اور وستیں ٹٹھیں دیہاتیں وچ 11 کیڈٹ کالج موجود ان۔جیرھی جو بہوں اچھی گال اے۔بلوچستان دا جغرافیہ قبضہ گیری دی وجہ نال بہوں وڈا علاقہ اے۔اتھاں مزید کالج یا کیڈٹ کالج بنڑنڑ ساکوں کوئی اعتراز نئیں۔کیونکہ اتھو دے لوک وی جاگدن۔ایم این اے۔ایم پی وی جھڑکل ان۔تہوں حکومتاں اتھاں خوفزدہ رہدین۔ادھ الا تیں حد کنوں زیادہ کم کریندن۔اتھاں فنڈ دی کمی پنجاب دا بلوچ وزیر اے اعلی سردار عثمان خاں بزدار وی کئینی کریندا۔جمعے خمیس گیا وی کھڑا ھوندے۔اے وی چاہندے۔دیرہ راجن پور جیرھی اوندی دلی خواہش اے۔اے ڈو ضلعے اگر بلوچستان وچ شامل تھیونڑ دی صرف خواہش ظاہر کرن ھا چا۔میں پورے پنجاب دے فنڈ دیرہ غازیخاں تیں لا ڈیواں ھا۔مگر خواہشاں تیں اللہ سئیں نیں پوریاں کرنڑاں ھوندین۔
جتلا ظلم ساڈے محکوم۔ مظلوم ۔محروم سرائیکی وسیب نال پیا تھیندے۔اوندا نہ کہیں کوں احساس اے نہ افسوس اے۔
کیوں جو ساڈا ایم این اے۔ایم پی اے ساڈے نال صرف ووٹ گھننڑ دی حد تک محدود اے۔ صرف ساڈے کولھو ووٹ گھننڑ اندے۔وگرنہ 4 سال 6 مہینے لاھور اسلام اباد رہندن۔اتھائیں انہیں دے اصلی گھر ان۔پوری زندگی ساکوں مطالبات پیش کرنے دی عادت اے۔انہیں کوں وی صرف سنڑنڑ دی عادت اے۔انہیں دا وی کوئی قصور نہیں ساڈے مہان اگوانڑ قوم پرست سارے تقریبن جڈاں الیکشن دا سیزن اندے ساڈے تقریبن ساڈے سارے مہان۔اگوانڑ۔قوم پرست الیکشن وچ ہنائیں دی وکٹ تیں کھڑے کھیڈے ھوندن۔جنہیں مزاحمت کرنڑیں ھوندی اے۔جنہیں شیشہ ڈکھالنڑاں ھوندے۔او تاں اوں ویلے انہیں دی کمپین تیں ودے ھوندن۔ظاہر اے وک گئے ھوندن۔انہیں دے اگھ مل لگ گئے ھوندن۔چنگیں اگھ لگ چکے ھوندن۔اگر بد قسمتی نال کوئی گال کرے وی چا۔ایہے ساڈے قوم پرست اہدن۔تساں جمہوریت دے دشمن او۔شرپسند او۔ہر کہیں نال توھاڈی مخالفت صوبہ ایویں گھنسو۔صوبہ نہ بنڑنڑ دی سبھ کنیں وڈی وجہ تساں اپ اور
ایکھاں ڈیکھ گھنائے کیرھے قوم پرست تحریک اے انصاف دے کچاوے تین سوار ان۔کیرھے قوم پرست پیپلز پارٹی دی بگھی تیں سوار ان کجھ ن لیگ کڈا زیڑھے تے سوار ہوسن. ۔کون قوم پرست ان جیر ھے اے نعرے مریندے ودے ھوسن۔میاں دے نعرے وجنڑ گے۔کیرھے ان جیر ھے مزاری۔دریشک۔خواجے۔گورچانی۔لنڈ۔لغاری۔کھوسے۔قیصرانی۔کھتران۔جتوئی۔نواب۔کھر۔سیال۔قریشی۔گیلانی دی ذاتی تعلق اکھ کیں ووٹ نہ ڈیونڑ الے جرات مند انسانیں دیاں پٹکیاں ودے لہیندے ھوسن۔اوں وسیب دیں محرومیں دی گال وی انہیں کوں بھل گئی ھوسی۔کیونکہ اگھ لگے بندے دی کوئی اوقات نہیں ھوندی۔
ایہا وجہ اے جیندی وجہ نال سرائیکی خطہ اپڑیں حق حقوق اور شناخت کنوں محروم اے۔

متاں کہیں کوں یاد ھووے۔وزیر اے اعلی نیں دیرہ غازیخاں ڈویثرن وچ انجیرننگ یونیورسٹی دا ہک اعلان کیتا ھا۔اوندا اجنڑ تک ائیرا وی نہیں کھٹیا۔بلکہ اجنڑ تک پی ای سی پاکستان انجیرننگ کونسل کولھو رجسٹریشن وی کئینیں تھئی۔اے واحد دیرہ غازیخاں دی یونیورسٹی اے۔جیرھی اجاں تک ڈگری دی جاہ تیں ڈپلومے کھڑی ڈیندی اے۔جیرھی بے شرمی دی انتہا اے۔اور بڈ مرنڑ دا مقام اے۔اگر ایویں کہیں یونیورسٹی دا پنجاب دے کہیں شھر دا اعلان تھیا ھووے ھا۔ہنڑ تک بنڑ وی گئی ھووے ھا۔داخلے وی شروع تھی گئے ھونون ھا۔ڈگریاں وی ملنڑ شروع تھی گیاں ھونون ھا۔
او وسیب دے سارے لوک رل کیں سانجھا مطالبہ کروں۔ اے ڈو بال عبدالہادی خاں گاڈی بلوچ جیندا تعلق وسیب دے حساس تین وڈے شھر دیرہ غازیخاں دے نال اے۔ڈوجھا نوجوان حسیبب الرحمن جیندا تعلق وسیب دی اھم تحصیل ھارون اباد دے نال اے۔اے او ڈو بال ان۔جنہیں دا تعلق غریب گھر نال اے۔جنہیں بے سرو سامانی دے عالم وچ لاھور وچ ٹیوشناں پڑھا پڑھا کیں ڈگریاں حاصل کیتین۔پاکستان عوامی سرائیکی پارٹی تین وسیب دے لوک انہیں ڈونہائیں نوجوانیں دا ادر کریندن۔پورا وسیب حکومت اے پنجاب نال مطالبہ کریندے بجلی تیں چلنڑ الی کار بنڑانونڑ الی پوری ٹیم کوں باوقار روزگار فراہم کرے۔انہیں نوجوانیں دی صلاحتیں دا استفادہ حاصل کرنے

ھ کوئی ساڈا ایم این اے۔ایم پی اے جیرھا انجیرننگ دی ڈگری حاصل کرنے والے دھرتی جائے اپڑیں بھوئیں دا مقدمہ لڑنڑ الے قوم پرست پاکستان عوامی سرائیکی پارٹی طلبا ونگ دے مرکزی صدر سئیں عبدالھادی خاں گاڈی دی اواز کوں چیف ارمی سٹاف۔وزیر اے اعظم۔گورنر۔وزیر اے اعلی پنجاب۔چیف سیکرٹری پنجاب تک پجا سگے۔ شکریہ۔

توھاڈا اپڑاں۔محمد اکبر خاں ذات ملکانڑیں۔قوم سرائیکی۔چیرمین پاکستان عوامی سرائیکی پارٹی ۔
سرائیکستان ھاوس دیرہ غازیخاں۔

About The Author

dailyswail

See author's posts