جیوے جیوے پاکستان ساڈے کینہہ لیکھے؟||اکبر ملکانی

اکبر ملکانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔
جیرھے پاکستان وچ اساں اپڑیں حق حقوق دی گال وی کھل کیں نسے کرسگدے۔جیرھے پاکستان وچ اپڑیں بھوئیں۔دھرتی۔ وطن دی گال کرنڑ وی بغاوت دے زمرے وچ آندی ھووے۔جیرھے پاکستان وچ زبان کوں گونگا رکھنڑ دا وی قومی اسمبلی کنوں بل پاس کرایا گیا ھووے۔جیرھے ملک وچ تھوڈیں کوں سی تیں رکھنڑنڑ دا حکم چلایا ویندا ھووے۔ھوں ملک کوں اسلامی جمہوریہ اے پاکستان اکھنڑ دا کوئی فایدہ ھ تیں ڈسو۔ جیرھے پاکستان وچ ساڈا کوئی حصہ بخرہ وی کئینی۔جیرھے ملک دی اشرافیہ۔کرتےدھرتے۔ملک دے نہ جائز وارث۔وڈکے۔ 8 کروڑ سرائیکیں دی شناخت کوں نہ تسلیم کریندیں ھوئیں انہیں کوں پنجابی اکھن۔ایں کنیں بیا وڈہ ظلم کیا تھی سگدے۔پتہ نئیں سرائیکیں کوں اے پنجابی کیوں اہدن۔ساڈی شناخت دے اے منکر کیوں ان۔ ساڈے وطن سرائیکستان تیں اے جبری قبضہ کیوں کیتی بیٹھن۔اے کت واسطے کیتی بیٹھن۔کجھ بہہ کیں سالوں سمجھانون تیں سہی۔اے سارے ساڈے وسیب دے منتخب نمائندے ساڈے کولھو ووٹ گھن کیں پنجاب دی نمائندگی کیوں کریندن۔جبکہ ہر شئے دا ہر ہر چیز دا انہیں کوں پورا پورا پتہ اے۔کہ سرائیکی بی قوم ان۔پنجابی بی قوم ان۔اخر اے 8 کروڑ سرائیکی کوں پنجابی کیوں اہدن۔کیا اے انڑ پڑھ ان یا پاگل ان۔میکوں ایں گال دی سمجھ نئیں آندی ۔اے سارے ساڈے منتخب نمائندے غا صبیں نال کیوں ونج کھڑدن ۔جبکہ انہیں کوں پتہ اے پنجابی غاصب ان ۔پنجابی قابض ان۔اخر اے ڈسن ساکوں۔ کیا مجبوری اے انہیں دی۔ ڈسیندے کیوں نئیں ساکوں۔ہک ٹکڑے زمین دی گال نئیں۔پورے غصب شدہ وطن وسیب دی گال اے۔ کیا ملک ایویں ایویں آزاد ھوندن یا ایویں چلدن جیویں اے پئے چلیندن ۔انہیں کنوں پچھو توھاکوں کشمیر تیں قبضہ نظردے۔سرائیکستان تیں قبضہ کیوں نئیں نظردا۔بقول توھاڈے کشمیر تیں انڈیا دا جبری قبضہ اے۔چلو جناب دا اے آکھیا اساں تسلیم کرگھندے ہیں۔واقع کشمیر تیں انڈیا دا جبری قبضہ اے۔ول پنجاب دے قبضے ڈڈھپ تیں وی تیں کجھ روشنی سٹ چھوڑو ھا۔ ڈس چھوڑو ھا۔
اے پنجاب تیں سرائیکستان دا کیہاں جھیڑا اے۔کیہاں رولا اے۔کیا اےجبری قبضہ نئیں۔جیرھا پنجاب پوری سرائیکی قوم دے سارے حقوق غصب کیتی بیٹھے۔پورے ہک وطن تیں ناجائز قبضہ کیتی بیٹھے۔اونکوں سچ کوڑ کون اکھسی۔اوندا فیصلہ کون کریسی۔یا جڈاں بھڑ کھڑسوں۔ہک بے دے بندے مریسوں۔نوبت اسلحے تیں اوسی پچہیں کوئی تصفیہ کریسو۔بحر حال ایہا توھاڈی ڈھل گس حالات اے تک پج چکن۔ول پچہیں ایں خانی جنگی دے زمرے وار تساں آپ ھوسو۔ول اے نہ اکھائے جو سالوں بروقت آگاہ کیوں نہ کیتا ھاوے۔میڈی ایں پوسٹ کوں آگاہی سمجھو۔
انڈیا دے خلاف تیں اہدو ہزار سال تک لڑسوں۔کشمیر کوں دشمن دے قبضے کنوں چھڑوا تیں رھسوں۔
جناب اے والا اے جیرھا مقبوضہ سرائیکستان اے۔اے وی تاں پنجاب پاکستان وچ اے۔ پہلے ایں مقبوضہ سرائیکستان کوں تیں پنجاب کنوں آزاد کراوو۔ جتھاں صرف جناب دی ہک انگل د ے اشارے نال سرائیکستان پنجاب دے جبری قبضہ کنوں آزاد تھی سگدے۔جتھاں نہ جنگ دی ضرورت اے۔نہ ہزار سال تک لڑنڑ دی ضرورت اے۔بیرونی یادشمن طاقتیں نال ہزار سال لڑنڑ دی بجائے۔پہلے اپڑیں گھر دا فیصلہ تیں کرو۔گھر کوں صاف کرو۔گھردا جھیڑا مکاوو۔پہلے۔ ایہو پنجاب الا جبری قبضہ تیں ختم کراوو۔جغرافیعے دا مسئلہ حل کرواو۔اجاں تک تاں تساں 73 سال تھیندے پئیں شناخت دے مسئلے کوں کھو وچ لڑکائی کھڑے او۔ 8 کروڑ سرائیکی توھاڈے کولھو جاں تک شناخت دا مطالبہ کھڑے کریندن۔ 23 ضلعیں آلیں سرائیکستان دی تقسیم دا مطالبہ کھڑے کریندن۔اے گال میڈی سمجھ توں باہر اے۔اے جیڈے گھمبھیر قومی جھیڑے کوں کندھ پچھو سٹ کیں تساں پوری قوم کوں اجاں تک ہکو نعرہ کھڑے مرویندے او۔ گھن کیں رھسوں کشمیر۔۔۔۔کشمیر بنے گا پاکستان ۔بیشک کشمیر اپڑیں آزادی دی جنگ لڑدا پئے۔اساں محکوم قوماں دانے درمے سخنے کشمیر دے ایں ڈکھ وچ برابر دیاں شریک ہیں۔اساں کشمیر دے ڈکھ کوں اپڑاں ڈکھ سمجھدوں۔
مگرساریں قومیں کوں سرائیکی قوم دے ڈکھ کوں وی سمجھڑاں چاہیدا اے۔ساڈا ڈکھ وی قومی ڈکھ اے۔ساڈا کزیہ وی سیم کشمیر دے کزیئے الی کار ہک کزیہ اے۔جیندا سمجھنڑ اور سلجھانونڑ وقت دی اہم ضرورت اے۔
سرائیکی قوم ملک پاکستان دے وچ بنہیں قومیں الی کار سرائیکستان دے ناں دی خود مختیار اکائی منگدی اے۔امید اے پاکستان دی حکومت ساڈے نال انصاف کریندیں ھوئیں سالوں یقیننا خود مختیار سرائیکی صوبہ سرائیکستان ضرور ڈیسی۔ساڈی محکوم نسل دی دعا کھٹیسی۔شکریہ
گھن کیں رھسوں۔گھن کیں رھسوں۔سرائیکئی صوبہ گھن کیں رھسوں۔
صوبہ جنوبی پنجاب نہ منظور۔جنوبی پنجاب سیکٹریٹ نامنظور۔بیشک لائق کرو یا نہ کرو کمنٹس وچ جیرھا کجھ مناسب سمجھو او ضرور کریسو۔جناب دی رائے دا منتظر رہساں۔شکریہ

توھاڈا اپڑاں۔محمد اکبر خاں ذات ملکانڑیں۔قوم سرائیکی۔چیرمین پاکستان عوامی سرائیکی پارٹی ۔
سرائیکستان ھاوس دیرہ غازیخاں۔

About The Author

dailyswail

See author's posts