خان پور کٹورہ وچ سرائیکی تحریک دا پندھ||اکبر ملکانی

اکبر ملکانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امیر عباس ھاشمی دی پوسٹ۔خان پور کٹورہ وچ سرائیکی تحریک دا پندھ۔
۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔
ریاست قصبہ خان بیلہ دے بھوکڑی۔بکھے ۔ننگے۔پنڑ دے عادی امیر عباس ھاشمی نیں فرمائشی پروگرام دے تحت مزاحمت دے سرخیل۔جدو جہد دا ممبہ جیرھا سرائیکی دے دشمن نمبر ون طارق بشیر چیمہ۔خسرو بختیار دے خلاف عملی جدو جہد کرنڑ الے مرد اے مجاھد راشد عزیز بھٹہ دے حق وچ ہک پوسٹ لاکیں اوندے عمل کوں اپریشیٹ کریندیں ھوئیں لکھیئے۔طارق بشیر چیمے۔خسرو بختیار دے خلاف پورے وسیب وچ صرف راشد عزیز بھٹے دا کم نمایاں اے۔بے سارے نکمےہن۔راشد عزیز بھٹہ لانگ مارچ دی کال ڈیندے۔ایندا جواب کوئی نہیں ڈیندا۔
خواجہ غلام فرید کوریجہ۔کرنل عبدالجبار عباسی۔ظہور دھریجہ۔اکبر خاں ملکانڑیں۔مجاھد جتوئی ۔رانا فراز نون اے سارے جھمر پارٹی ہن۔اے سارے وڈے قومی رہنما ہن۔پوسٹ لکھنڑ الے امیر عباس ھاشمی کوں اپڑیں لیول دا بندہ نہ سمجھدیں ھوئیں امیر عباس ھاشمی کوں پوسٹ دا جواب ڈیونڑ مناسب نہیں سمجھا۔کیونکہ میں چھوٹا بندہ ہم۔چھو ٹا بندہ ہمیشہ احساس اے کمتری دا شکار ھوندے۔
تہوں اپڑیں سمیت سارے قومی رہنمانویں دی اے تذلیل میڈے کولھو برداشت نہیں تھئی۔پوسٹ پڑھنڑ دے تھوڑی دیر بعد امیر عباس ھاشمی تین میں کھاڑے وچ ھاسے۔تحریریں دے ذریعے جیرھی سوالی جنگ چھڑی اے۔او ہر کہیں دے سامہڑیں ھے۔اوں کیا کیتا میڈے نال تیں میں کیتا اوندے نال اے تاریخ فیصلہ کریسی۔قصہ مک نہیں گیا ھاشمی نال۔قصہ ہنڑ ٹرسی۔ھاشمی نیں جیرھی قومی رہنمانویں دی تذلیل کیتی اے۔اج دے بعد ھاشمی ایں گال دا جواب دہ رہسی۔اوندے وڈے جواب ڈیسن۔اے پوسٹ یا اے فرمائشی پرو گرام جیندے اکھیئے تیں کیتے۔یاجرم قبول کرے۔سزا چاوے۔یا پیرے کوں اگوں تیں ٹورے۔اے چھوٹی موٹی گال نہیں جینکوں ویندا کروں۔
ھاشمی دے نال دست و گریبان ھاسے وچ جناب نور تھیم ایڈوکیٹ صاحب دی کال ائی اے۔اوں نیں میکوں اکھیئے چھوڑو ملکانڑیں صاحب اے سارا فرمائشی پرو گرام اے۔
مقصود دھریجہ دھرتی ما دا حلالی پتر اے۔اوں ایں جگ جہان دے لالچی اور جھوٹے سید دا منہہ بند کیتے۔بیا حرام جو کہیں الایا ھووے۔
میں شکر گزاراں پیپلز پارٹی دے جیالے دانشور جناب نعیم الحسن شاہ صاحب جئیں سچ الا کیں دلیل دے نال میڈے موئقف دی حمایت کیتی اے اور سید نیں سید کوں ڈو ٹوک جواب ڈتے۔ایندے بعد اوں کوڑے سید دا شئیت مونہوں بند تھئے۔کجھ میڈیں انتہائی قریبی دوستیں ملک سلیم بھٹہ ایڈوکیٹ۔بیرسٹر صغیر خاں احمدانی ۔سردار جضور بخش خاں گلفاز نیں وی امیر عباس ھاشمی دی پوسٹ کوں ایپریشیٹ کیتے۔انہیں دی اپڑیں سوچ اے۔حالانکہ میکوں یا میڈے عمل کوں انہیں کنوں بہتر کون سمجھدا ھوسی۔ھو سگدے پوسٹ کوں پڑھیئے بغیر کمنٹس کر ڈتے ھونیں۔مگر ایں تھی نہیں سگدا۔حالانکہ بہوں سیانڑیں سوڈھے سوچ شعور رکھنڑ الے دوست ان۔
چلو خیر اے۔ویندا کرو ایں گال کوں
جیرھا سوال ہنڑ اور ایں وقت توجو طلب اے۔او اے ھ ۔اے جیڈی اھم پوسٹ کوں ڈیلیڈ کیوں کر ڈتا گئے۔
ایندے وچ وی ڈو گالہیں ان۔یا ھاشمی صاحب نیں پوسٹ غلط لاتی اے۔جیندا اونکوں بعد وچ ادراک تھئے۔اندرو دے انسان نیں اونکوں ملام کیتا ھووے۔اوں پوسٹ کوں ڈیلیڈ کر ڈتا ھووے۔
ڈوجھی گال بقول نور تھیم صاحب دے اے سارا فرمائشی پرو گرام ھا۔ اے کیس اتھا ئیں مکا۔
راشد بھٹہ دی جدوجہد مزاحمتی کردار کنوں کوئی قوم پرست انکاری کئینی۔
اے گال ہر زبان تیں زدا اے عام اے۔راشد بھٹہ اپڑیں بالیں بچیں سودھا ہر وقت حالت اے جنگ وچ اے۔طارق بشیر چیمے تیں خسرو بختیار دے خلاف لازوال جدو جہد آے۔
میں اے نہیں پیا اہدا راشد بھٹے دی پچھلی زندگی دے وچ کوئی لغزش نہ تھئی ھوسی۔غلطیاں ہر کہیں وچ ھوندین۔غلطیاں انسانی فطرت وچ شامل ھوندین۔غلطیاں ساڈے وچ وی تھیاں ھوسن۔ایندا مقصد اے وی نہیں بنڑدا۔اگلے دیاں اگلیاں چنگایاں کھوہ وچ چا سٹو۔اے ٹھیک نہیں ھوندا۔ایں وقت قربانیں دے حوالے نال راشد بھٹہ خانپور وچ سر اے فہرست کھڑے اور نشابر نظردا کھڑے۔جائیداد خرچ کرنا دے معاملے وچ روزانہ اپڑیں بالیں دے گل وچ خان پور دے کہیں نہ کہیں چوک وچ طوق پوائی کھڑے۔ہتھ وچ ہتھکڑیاں لوائی کھڑے۔نکے بال وڈی خود اعتمادی نال اہدے کھڑن۔اساں باغی تخت لاھور دے۔اساں باغی تخت لاھور دے۔
پوری روہی۔چولستان دے وچو کتھاو جو دھاڑ دی کن وچ پڑڈو پئی اے۔راشد عزیز بھٹہ ڈوجھی دھاڑ کنوں پہلے اتھ پہنچا کھڑا ھا۔راشد عزیز بھٹے دا ہیڈ راجکاں دا کردار کیڈیں کروں۔
خان پور دی تحریک وچ دھریجے نگر دا کردار کوئی گھٹ اے۔دھریجہ نگر وچ مادے پیٹ وچ تحریک سانگے بال دی تربیعت کیتی ویندی اے۔دھریجے نگر دا کردار تاریخ دے مکھ پنے تیں سنہری حروف نال لکھیا ویسی۔ظہور احمد دھریجہ۔مقصود احمد دھریجہ۔حاجی عید احمد دھریجہ۔شاھد دھریجہ۔یسین فخری دھریجہ۔جمشید دھریجہ۔اصف دھریجہ۔زبیر دھریجہ نیں انہیں ساریں تحریک وچ اپڑیں حیثیت کنوں ودھیک حصہ پاتے۔جتھاں سرائیکی تحریک دا ناں اوسی۔اتھاں دھریجہ نگرظہور دھریجے ناں ضرور اوسی۔دھریجہ نگر نیں تحریک وچ اپڑیں حصے دیاں گرفتاریاں وی پیش کیتین۔اج وی دھریجہ نگر یکسوئی نال تحریک نال جڑیا کھڑے۔

خان پور دی شہرت سنجانڑ وچ اللہ سئیں دی بہوں خاص مہربانی اے۔جتھاں ولی اے کامل ریشمی رومال تحریک دا مرد اے قلندر مرحوم مولانا عبیدا للہ سندھی دین پور شریف دے قبرستان وچ ارام فرما ان۔مولانا سراج احمد دینپوری دا تعلق وی ہیں شھر نال اے۔
ڈاکٹر فیض الحسن جگ مشہور ڈاکٹر بگا تیں اوندا پتر سئیں ریاض ھاشمی جیرھا اوں وقت سپریم کورٹ دا بہوں وڈا وکیل ھا۔ذوالفقارعلی بھٹو دا قانونی مشیر اور ذاتی دوست ھا۔تحریک دے وڈے انسان سجاد رحمانی۔مفکر اے سرائیکستان بابا مرید حسین خاں راز جتوئی جئیں سرائیکستان دا مقدمہ ایں طرحاں دا لڑیئے۔مساوات اخبار کنیں گھن اپڑیں ہتھیں دے لکھیئے ھوئے پمفلٹ اپڑیں ہتھیں نال گھر گھر پچانونڑ اپڑیں مکمل ڈیوٹی سمجھدے ہن۔ابھردے کنیں گھن لہندے تک صرف صرف سرائیکی سرائیکی کریندے ہن۔جہاں تک اے کم دا مسئلہ او راز سئیں نیں نیں اپڑیں کم وچ اپڑیں جیندیں رتی بھر دی کمی نہیں کیتی. بلک راعی بھر دی وی کمی نہیں کیتی۔بھلا انسان ھا۔راز سئیں دی محنت نال سرائیکی تحریک نیں اپڑیں وسیب وچ کافی اسرگی پکڑی اے۔قبر ستے راز جتوئی سئیں تیں سستی الس دا قطرے تلا وی الزام کوئی نہیں لا سگدا۔راز سئیں دے کم کاوشیں دے پیش اے نظر مہرے الے دے ادبی میلے ۔مشاعرے دے مہان اگوانڑیں راز جتوئی سئیں دے سر تیں سونے دا تاج پوائے۔قوم نیں راز سئیں دی بہوں قدر شناسی کیتی اے۔اے بی گال اے اوندا اولاد نال جو کجھ کیتے۔۔۔۔۔۔۔۔۔۔۔۔۔۔۔۔۔۔۔۔ ایں وقت وی قبریں ستے مولانا عبیدا للہ سندھی ۔ڈاکٹر بگا سئیں۔ریاض ھاشمی۔مرید حسین خاں راز جتوئی سئیں۔سجاد رحمانی صاحب ھونریں سرائیکی تحریک کوں ہنڑ وی کہیں نہ کہیں پسانویں سپورٹ فرمیندے پئین۔
مجاھد جتوئی جئیں سرائیکی دانشور ان۔لکھاری ان۔دیوان اے فرید بالتحقیق دے زمے واری نال خالق ان۔پہلے مکمل تحریک نال وابستہ ھا۔ایس کیو ایم وچ جناب مرکزی جنرل سیکٹری ہن۔میں مرکزی چیف ارگنائزر ہم۔کٹھے کم کریندا ھاسے۔مجاھد جتوئی کوں میڈے کولھو بیا کون زیادہ جانڑدا ھوسی۔گرفتار کٹھے تھئے ھاسے۔کئی واری پورے وسیب وچ دیرہ اسماعیل خاں تک طاقتور طریقے نال بھرپور احتجاج کیتن۔بیشک ہنڑ وی ادب دی خدمت اپڑیں جاہ۔لیکن سیاسی سوجھ بوجھ رکھنڑ الا تحریکی رہنما اے۔میڈے نظریں اج وی مجاھد جتوئی طاقتور تحریکی رہنما اے۔
ظفر اقبال خاں جتوئی۔قمر اقبال خاں جتوئی تحریک وچ اپڑیں حصے دے کم بہترین طریقے نال کم کریندا کھڑن۔اے راز صاحب دے تریئے پتر روزانہ دی بنیاد تین راز صاحب دے مزار تیں عہد کریندن۔تیڈا پندھ اساں کہیں صورت کانڑاں نہ تھیونڑ ڈیسوں۔
ایں شھر خان پور کوں کہیں ولی دی خاص دعا ھ۔جتھاں نور تھیم جیہاں دیانتدار پولیٹکل سوچ رکھنڑ الا ورکر موجود ھووے۔سچ مونہنہ تیں الاوے۔ہمہ وقت سچ دے سفر دا پاندھی ھووے۔اے او ور کر اے۔جیرھا کہیں جماعت دا محتاج نئیں۔ہتھو جماعتاں ایندیاں محتاج ھوندین۔
میں اے اہداں اے خان پور مکمل سونے سواں شھر اے۔جیندے وچ پی ایس یا این ایس ایف دے پلیٹ فارم توں پولیٹیکل ایکٹوٹییز شروع کرنڑ الا جذباتی نوجوان عبید خواجہ دا تعلق وی ہیں شھر نال اے۔ دوران اے تعلیم عبید خواجہ دے خلاف کجھ ایف اراں درج تھیاں۔جیندی وجہ نال اے عبید خواجہ اپڑاں ماکھی سواں وطن وسیب چھوڑ کیں امریکہ چلیئے گئے تیں ول اتھاو دا تھی تین رہ گئے۔لیکن وسیب وسبے دی محبت کوں نہیں بھلیا۔وسیب دے دے لوکیں کوں مثبت تجویزاں ڈیندے رہ ویندن۔وچو ہک ڈو ڈیہنہ پہلے مرشد حیدر جاوید سید دو ایں عبید خواجے دا سرائیکی دا کوئی رل بہنڑ دا خط ائے۔مرشد حیدر جاوید سید نیں اوں خط کوں بطور پوسٹ دے فیس بک تین لائے۔اچھی صلاح اے۔پوسٹ کوں دوستیں اچھا انر ڈتے۔ھو سگدے کوئی اچھا حل نکل اوے۔بیشک اساں تلواں پتر جوار دا ہیں۔مگر نال ہیں۔
ہیں تحصیل دے وچ ہک حاجی نزیر احمد کٹپال رہندے۔کمال ادمی اے۔سردار گڑھ وچ مین روڈ تین ہک وڈا ودھایا پٹرول پمپ اے۔موقعے محل دا پٹرول پمپ اے۔مگر سرائیکی قوم دا ہک دیرہ ھ۔وساخ اے۔لوک ھوندن۔رش ھوندے۔نیلیاں اجرکاں ھوندین۔اجرکیں دی بہار ھوندی اے۔سارا ڈیہنہ سرائیکی سرائیکی پئی تھیندی اے۔حاجی نزیر کٹپال دے سینگے جوان نکم دے بہانے تیں اے۔سی الیں مسیتیں وچ اللہ اللہ لئی پئین۔ایڈو کلھا حاجی نزیر کٹپال اے۔جیرھا اللہ سئیں الا کم وی پنج وقت کریندے۔مابولی دی ڈیوٹی وی مکمل ادا کریندے۔ایہو سنڑدوں ڈیہنہ کوں حاجی صاحب ملتان اے۔پچھلے ٹائم پتہ لگدے حاجی صاحب دیرہ غازیخان وچ اے۔ول شام کوں سنڑدوں بہاولپور گیا بیٹھے۔ایویں لگدے جیویں کوئی لوھے دا بنڑیا ھویا انسان اے۔سرائیکی تحریک دے ہراول دستے دا موہری موھاندرا ھووے۔جیوے ھووے انڑ تھک انسان اے۔
ویے خان پور دا ہر ادمی ریشمی رومال دی کار اے۔ساڈا مرزا حبیب سرائیکی تحریک وچ تیں ویسے وی ریشمی رومال اے۔دانشور اے لکھاری اے۔محبت کرنڑ الا نفیس مزاج انسان اے۔گال کریندے نال دلیل دے۔الیندے تیں پھل غلاب دے کردن۔انتہائی معصوم نمانڑاں چہرہ الیندا بہوں دیر نال اے۔الیندا بہوں چنگاں اے۔اہل علم ادمی اے۔علمی گفتگو کریندے۔ایں بندے دا جیرھا وڈا اعزاز اے۔او اے ھ۔بزم اے راز کچاری دا جنرل سیکرٹری آے۔ظاہر اے راز سئیں دے راز رموز جانڑدے تاں تہوں جنرل سیکٹری ھ۔
بڑی مشکل نال چمن وچ تھیندے دیدہ ور پیدا۔

خان پور دا ذکرتھیوے تیں امان اللہ ارشد دا ذکر نہ تھیوے۔ایویں سمجھو نہ دین پور اے نہ خان پور اے۔قومی شاعر دا درجہ تیں قوم امان اللہ ارشد کوں ڈے چکی اے۔اور او ھ۔اور اوں اپ کوں منوائے۔میں کوہ ہمالیہ شاعرھاں اور اساں منیے۔اچھے شاعر اپڑیں وطن دی سنجانڑ ھوندن۔امان اللہ ارشد پورے خان پور دی سنجانڑ اے۔خان پور امان اللہ ارشد دی سنجانڑ اے۔امان اللہ اپڑیں وطن دی شاعری کریندے۔محکوم۔مجبور۔مظلوم لوکیں دی شاعری کریندے۔ستی قوم کوں دھندھولے ڈے ڈے کیں جگویندا کھڑے۔
امان ارشد سرائیکی قوم دا اثاثہ اے پراپرٹی اے۔ترکہ اے۔جائیداد اے۔اینکوں سوگھا۔سینکا۔سنبھال کیں رکھنڑ ساڈا فرض اے۔ اینجھے لعل نال نصیب دے پیدا تھیندن۔شکریہ
اے ڈو چار گندے چنگے اکھر خان پور دی بار گاہ وچ پیش کرنڑ دی کوشش کیتی اے۔اگر پسند نہ انون۔سئیں دے معیار تیں پورے نہ اترن۔میڈی کم علمی دی وجہ نال میکوں معاف فرمیسو۔
خان پور اہل علم لوکیں دا شھر اے۔لکھنو اے۔سرائیکی تحریک دے نامور لوکیں دا شھر اے۔گڑھ اے۔
میڈی ایں غلط تیں بھانویں صحیح پوسٹ کوں جے اگر تھوڑ جیہاں رسپانس وی مل پیا۔ول پچہیں اگلی قسط جیرھے دوست سرائیکی تحریک واسطے کم کریندے پئین۔او لسٹ بہوں جلدی جناب دے سامھڑیں ھوسی۔شکریہ

اگر مناسب ھووے یا مناسب سمجھو پوسٹ کوں شئیر ضرور کریسو۔
بیشک لائق کرو یا نہ کرو کمنٹس وچ جیرھا کجھ مناسب سمجھو او ضرور کریسو۔جناب دی رائے دا منتظر رہساں۔شکریہ

توھاڈا اپڑاں۔محمد اکبر خاں ذات ملکانڑیں۔قوم سرائیکی۔چیرمین پاکستان عوامی سرائیکی پارٹی ۔
سرائیکستان ھاوس دیرہ غازیخاں۔

dailyswail

See author's posts