قیس فریدی سئیں||تعارف احسان اعوان

اصل ناں : مُرید حسین۔۔۔۔

تخلص :قیس فریدی۔۔۔۔۔۔

ولدیت :حاجی قطب الدین

قومیت : سومرو۔۔۔۔۔۔۔۔۔۔

جمنڑ دی تاریخ : ہک دسمبر 1950ء۔۔۔۔۔۔۔۔۔

جمنڑ دی جاہ : وستی سواۓ آہنہ۔ ( کھائ خیر شاہ ) تحصیل خان پور ضلع رحیم یار خان۔۔۔

تاریخ وفات: 3. اگست 2018ء۔۔۔۔۔۔۔

مقام وفات: مئو مبارک ، رحیم یارخان

تعلیم : میٹرک ،فاضل اردو

پیشہ : تدریس۔۔۔۔۔۔۔۔۔۔۔۔

استاد سُخن : انعام اسعدی شاہجہان پوری

چھپیاں کتاباں :۔۔۔۔۔

• ارداس ۔۔۔۔۔۔۔۔۔۔۔۔۔۔۔(1980ء)

ممتاز اکیڈمی بھٹہ واہن ۔

• توں سورج میں سورج مُکھی۔۔

روہی رنگ پبلی کیشنز، خان پور

• نمرو۔۔۔۔۔۔۔۔۔۔۔۔۔۔۔۔۔(1992ء)

جھوک پبلشرز۔ خان پور

• آمشام۔۔۔۔۔۔۔۔۔۔۔۔۔۔۔(1993ء)

جھوک پبلشرز خان پور

• پرکھرا۔۔۔۔۔۔۔۔۔۔۔۔۔( 1995ء )

سرائیکی ادبی مجلس بہاول پور

• گاگھر :۔ ۔۔( کلیات )۔(2015ء)

بزم ادراک خان پور………………

• چند سرائیکی اصطلاحات و مترادفات :

دھریجہ ادبی اکیڈمی، دھریجہ نگر، خان پور

• دیوان فرید : ترتیب و صحت۔(1992ء)

جھوک پبلشرز . خان پور

اعزازات : ۔۔۔۔۔۔

• ماہنامہ “عصاۓ کلیم “اکتوبر 1995ءوچ قیس فریدی نمبر شائع کیتا۔

• اسلامیہ یونیورسٹی بہاولپور “ فرید ایوارڈ “ ڈتا۔

• امان اللہ بزدار2008ء وچ “قیس فریدی فن تے شخصیت “ دے عنوان نال ایم فِل کیتا۔

• جاگ ویلفئیر موومنٹ ۔ رحیم یارخان دی طرفوں “ بزرگ دوست ایوارڈ “ ڈتا گیا۔

• قیس فریدی دا ایف اے، بی اے تے ایم اے سرائیکی دے نصاب وچ کلام شامل ہے۔

منتخب اشعار :

ہُنڑ آہدیں کیں ادب کوں بزاری بنڑا ڋتے۔۔۔۔۔

تیں خود تاں جاہلیں کوں لکھاری بنڑا ڋتے۔۔

رزق ڈوہاں کوں ڈیندے رازق لیکن طور نرالے ہِن

تیڈے ہتھ وچ پھل محنت دامیڈے ہتھ وچ چھالے ہِن

میں بے وفا ہاں منینداں مگر توں اے تاں ڈسا

میں بُکھے پیٹ دا دوزخ بھراں کہ پیار کراں۔۔

اللہ جانڑیں جو کیہاں سوچ دا موسم آگے۔۔۔

سارے نینگر میڈی وستی دے پکیرے لگدن۔۔

ڈکھ ، درد تے سُولیں دا نہ کھپ قیس کھپارا

کھیتی اوہا کیڑھی ہے جتھاں جھار نہ ہووے