اکتوبر 28, 2021

ڈیلی سویل۔۔ زمیں زاد کی خبر

Daily Swail-Native News Narrative

سینے جھوکاں دیدیں دیرے سرائیکی وسوں دے جگ مشہور صحافی تے دانشور سئیں نذیر لغاری دی پندھ وہانی ہے قسط وار ڈیلی سویل دے قارئین دی نذر
نذیر لغاری
۔۔۔۔۔۔۔۔۔۔۔۔۔۔۔۔۔۔

اینڈی بروکس نال گالھ مہاڑ’

سویلے اٹھی تے ڈوترئے میل ٹریاں درکیاں بھڄیاں کسرت کیتی ہم لندن اچ ٹرݨ داڈھیر وجھ ملدے ڈڈھ لہہ گئے ہر ویلھے اباسیاں نہیں آندیاں چارلٹن کورٹ کنوں نکل تے لمے تے چامنہ کیتم اتے درک پیاں ہک میل ونج تے پچھوں تے بھناں ہݨ ابھے تے بھڄدا وینداں پچادھی پاسوں ہک پارک ہے پارک دے گھاتے درکݨ شروع کیتم اتھاں گدری جھمرلگی کھڑی ہے میماں کچھے پاتے بھڄدیاں ودین لگدا ایویں ہا جیویں کوئی درکائی ودا ہووے یاول مامے وسائے دی رڑھ اچ ونج پیاں ہوسن ۔اج برطانیہ دی نویں کمیونسٹ پارٹی دے سیکرٹری جنرل اینڈی بروکس نال ملاقات تھیوݨی ہے اتھاں کمیونسٹ پارٹی ڈوبھانگیں اچ ونڈیج گئی ہے کیتھولک پروٹسٹنسٹ شیعہ سنی برہمن کھشتری بالشویک مینشویک ونڈولھاتھیندی آئی ہے تھیندی رہسی ونڈولھاجھیڑا ٹھاہی ول جھیڑا ول بھڑاندہا بیل تے قابیل ابراہیم تے نمرودموسی تے فرعون اے جھیڑا تے بھڑاندجدلیاتی عمل ہے لوک جھیڑالیندے رہسن بھڑدے رہسن بھڑدے رہسن ول ٹھاہیاں کریسن تھیتسن انٹی تھیس سن تھیس اینڈی بروکس لاشاری صیب دے گھر آوݨے اوترئے وڄے کیتھرین روڈ تے پڄیا تاں اوندی تانگھ تنگھیندا ٻیٹھاہم اݨ سونہاں نہ لڳا اینکوں پہلے کتھاں ڈٹھاہم جے پہلے نہ ڈٹھا ہم تاں ول سونہی شکل کیوں پئی لگدی ہے ۔۔۔ہا یاد آیاایندی شکل ڈاکٹر فیروزنال ملدی ہے ہائے ہائے ڈاکٹرفیروز مرگئے میڈا دلبریارامریکہ دی ہاورڈ یونیورسٹی دا پروفیسرہا پردیس اچ مرݨ توں پہلے کراچی آیا سرائیکی عوامی سنگت دی مرکزی کمیٹی دے رکن تے اپݨے لکھیݨے یار عبدالشکوردے گھر ٹکر کھٹے کھادا ہا سے اتے اوندے امریکہ ونجݨ آلے چھکیڑی ڈینہہ اتے چھیکڑی شام کٹھے رہ گئے ہاسے شام ویلھے خداکی بستی دے خالق اتے بزرگ شوکت صدیقی دے گھر گئے ہاسے ادب فلسفہ تاریخ سیاست گالھیں تھیندیاں رہ گیاں چھیکڑ اچ اونکوں سولجر بازاراچ اسمعیلی جماعت خانے دے نال اوندے گھر گھن آیاہم اتے وت مکلاتے ٹرپیاہم چھیکڑی وار۔۔۔۔۔اڈباز گیوسے نہ ملیوسےنہ ملیوسے اینڈی بروکس چین ابھے کوریا تے ویت نام دا پندھ کیتی ودے کوریادے انقلاب دے اگواݨ کما ال سنگ نال سنگت ہس اینڈی بروکس ڈسیا جو ہک ویلھا اوہا جڈاں برطانیہ دی کمیونسٹ پادٹی دی ممبر شپ ۴۰ ہزار کنوں ودھ ڳئی ہئی پرہݨ ٻہوں ڳھٹ ڳئی ہے اوایران دے انقلاب کوں قومی انقلاب منیندے ۔اولھہدے برطانیہ اچ انقلاب ایں ڳالھوں نہیں آیا جو اے ملک سامراج دا سبھ توں وڈانمائندہ ہا اینڈی بروکس وی کیتھ بینٹ وانگوں یورپ دئیں کمیونسٹ پارٹئیں کنوں ناراض ہا اواہدے جو یورپ دیاں کھٻاڑی پارٹیاں امریکہ دیاں پچھلگ ہن امریکہ ڈینہہ آکھے تاں ڈینہہ اہدین امریکہ آکھے رات ہے تاں اے رات اہدین ۔انھیں پارٹئیں کوں تساں سوشیل ڈیموکریٹ آکھ سگدے وپربرطانیہ دی لیبرپارٹی یورپ دئیں بنھیں پارٹئیں کنوں ول وی چنگی ہے اوں ڈسایا جو اساں نویں لوک کٹھے کریندے پیوں ہݨ ولاکم ودھداپݨے اوندی فلسطین دے کھٻاڑی اگواݨ جارج حباش نال وی سنگت ہے اتے کمپوچیااچ وی اوندے ڈھیر سنگتی ہن اچھا اے ڈسوسوویت یونین کیویں ترٹے اتھاں نظریہ فیل تھئے اگواݨ ناکام تھئن یا پارٹی ویلھا نہیں سنڄاݨ سگی ایویں ڈہدئیں ڈہدئیں کیمونزم داست ماڑڈھہہ پئے
اے سارا کم دھوتی کیتے گوربا چوف سازشی ہا اصل گندخروشچیف وتھیریا ہا ۲۰ ویں کانگریس اچ مسئلے پیداتھئے خروشچیف بےایمان ہا کرپٹ ہا چٹ ہا ردی ہا نااہل ہا ناکارہ برژنیف وی مانداتے ہاں ہٹ کیتا چین نال بھڑ انددا ذمہ وآر برژنیف ہا نینا ڈرائیوا سیاݨی مائی ہے اوں ڈسائے جواساں سارے گوریا باچوف دی پٹھ بھرائی پئے کریندے ہاسے اوندی تڈ بݨئیے کھڑے ہاسے اساں اے سجھی کھڑے ہاسے جو گورہا باچوف گزران دے مسئلے حل کرن چاہندے پراونداتاں ایجنڈاہی بیا ہا جے اوندی واٹ سدھی ہووے تاں اوچین دومنہ کرے ہا ۱۹۷۴ اچ چین وی ایویں ڳزران دے گیڑیں اچ پھسیا کھڑاہا پر چین گیڑیں توں

جند چھڑوائی ہے ہک دے پچھوں بیا گیڑ سرچا کھڑداہا پر چین انقلاب کوں سوگھا کیتے چین سوشلزم دی اگواݨی کریندارہ گئے گوربا چوف تاں ڳیڑ کنوں چیل چھڑواوݨ دا کم کریندا ہی کائنا پیا ہا او تاں آپ گیڑ بنیا کھڑآہا سوویت یونین وچوں کمیونسٹ پارٹی دا تڈاویڑھݨ ڳورباچوف دا شعوری ایجنڈا ہا اے غلطی نہ ہئی اینکوں تساں غلطی نوھے آکھ سگدے گورباچوف جو کجھ کیتے اوسازش ہئی برطانیہ اچ تساں ونڈیج تاں ڳیوہݨ دنیا اچ تہاکوں کوئی منیندا ایں ھے یا کائنا ؟برطانیہ دی نویں کمیونسٹ پارٹی دے بنھیں ملکیں دیئیں کھٻاڑی پارٹئیں نال کوئی میت مرڄات وی ھے یا کائنا
۱۹۹۰اچ اساں افغانستان کیوبا ویت نام کوریا اچ آونڄ دا منڈھ ٻدھے میں کنوں پہلے ایوک پارٹی دا سیکرٹری جنرل ہا اودرک بھڄ کیتی رہ گئے ۱۹۹۶ اچ میں سیکرٹری جنرل بݨیاں ایوک تے میں ڈوھیں کم ال سنگ نال سنگت بݨائی رہ گیوں ’میں نیپال ڳیا ہم اتھاں من موہن ادھیکاری ‘[نیپالی کمیونسٹ پارٹی دا مرکھٹڑا سیکرٹر ی جنرل تے نیپال دا سابق وزیراعظم میڈاوی مہربان ہا کراچی اچ اوندے نال رڄ ڳالھیں کیتیاں ہانسے نیوکمیونسٹ پارٹی نیپال دی سوشلسٹ ورکرز پارٹی دی سونہی تھئی او ٹراٹسکائز ہن ہݨ اوگارتھی گئن پتہ نہیں کن تے گئن ۔۔۔ساڈے پاسے کھٻاڑی ہݨ اسٹالن دے پچھوں دڳا چاتی ودن کیاتساں وی اے منیندو جو اسٹالن سدھ واٹ توں چکدارہ گئے کیا اوں کنوں وی چکاں تھئن؟
چکاں تاں کہیں کنوں وی تھی سگدین اوندے ویری اہدن جواوگا ہلاہا پاگل ہا میں اے تاں منینداں جواسٹالن کنوں چکاں تھئن پراوں جرائم کائنی کیتے پچادھ دھاڑدھاڑ کیتی پٹکا گھتی رہ گئے جواسٹالن لکھاں بندے مارین کئی کئی لوک تاں حداں ٹپ پوندن اہدن جو اسٹالن ہک کروڑ بندہ مروا ئے ایہ سبھ کوڑہے دروھہہ ہے اسٹالن دی ڳچی اچ گیڑ ڈھیرہن ملک گھر دی بھڑاندبھوگی کھڑاہا اوں ڈھیر کم کیتے ڈھیر کم کریجے تاں بھل چک تھی ویندی ہے اوہک چنگا مارکسسٹ لیئسٹ ہا میں غلطیاں کرسگداں میں کنوں بھل چک تھی سگدی ہے پر میکوں اپݨی غلطئیں کنوں سکھݨا چاہیداہے اسٹالن جیرھا کجھ کھٹے اوڈھیر ہے ہک پاسوں نازئیں نال بھڑانداچ سوبھ تے ڈوجھے پاسوں تعلیم تے انڈسٹری دی اگونھیں کوئی وات دا گرانہہ نئیں او ڈھولݨ ہا جے اسٹالن نہ ہوندا شئت سوویت یونین بھڑاندنہ کھٹ سگے ہا
اے تاں ڈسو مارکس اپݨی حیاتی دے ۳۱ سال جرمنی تے فرانس گزاریئے اتے ۳۴سال برطانیہ اچ گزاریئے اواے وی اہداہا جو انقلاب پہلے یورپ اچ آوسی بھلااے تاں ڈسوجو اتھاں انقلاب کوں کہیں رنڈک پئے ڳئی ۔۔میں برطانیہ دی گالھ کریساں اول تاں اے ھے جو برطانیہ سبھ توں وڈا سامراجی ملک ہا مارکس دے زمانے اچ تاں برطانیہ لنگائی تے برائی دا منڈھ ہا ول اتھاں ورکنگ کلاس کوں بتاوے ڈتے گئے پورھتیں کوں چپ کراوݨ سانگے دھن ونڈیا گئے سارے جگ جہان اچ جیرھی لٹ مارتھیندی ہئی اوندا کجھ نہ کجھ حصہ پاترا اتھوں دے لوکیں کوں وی ملدا ہا ھیں سانگے لوک پھن ماری رہ گئن مارکس تاں اتھوں دی ٹریڈ یونین تحریک کوں وی ڈھیر پݨئے مارکس تے اینگلز آپ وی اتھاں چھوٹے چھوٹے گروپ بݨائی ودے ہن کوآپریٹوموومنٹ سوسال پہلے وی ہئی پئی یوٹوپیا سوشلزم وی ہئی پئی پورھتیں سوشل ڈیموکریسی نال سانگا جوڑ ڳھداہا اتھاں لوکیں کنوں ٹی وی ڈش تے گھر بارھے پیا اوحیاتی دیاں ساریاں چساں چیندن جتھاں اساں رہندوں اتھاں لوکیں کنیں کاراں کوٹھیاں آپݨیاں ہن اتھوں دے پورھیت لیبرپارٹی دوڈہدن۔۔۔۔لیبرپارٹی پورھتیں دا پاسہ گھندی ہے؟
No photo description available.
تھیا ایں جو پہلی وڈی بھڑاند[۱۹۱۳کنوں ۱۹۱۹تائیں ]توں ذراپہلے لیبرپارٹی بݨی ہئی ایندا پہلا اگواݨ کیئر ہرڈی Kier. Hirdi ہا پورھتییں دئیں تنظیمیں سٻدھ کرتے ہک کونسل چا جوڑی ول چوݨ اچ نپا چاماریونے لیبرپارٹی دا ممبربندہ نہ بݨداہا پورھیت تنظیم لیبر پارٹی دی ممبر بݨدی ہئی ۱۹۲۰ اچ لیبرپارٹی کمیونسٹیں سانگے در درازے کھڑکیاں تاکیاں بند کرڈتیاں
اتھاں کمیونسٹ پارٹی وی کڈاہاں چوݨ کھٹی یا کائنا؟
سکلی ویٹی پہلا کمیونسٹ ہاجیں چوݨ کھٹی ۱۹۴۹ اچ ڈوکمیونسٹ فل پیرٹین اتے جیلیغرالیکشن کھٹیا گالھ اے ھے سائیں جو انقلاب انقلابی پارٹی انیندی ہے انقلاب پورھیت انیندن یورپ اچ تاں انقلاب دا لکھݨ تھیا ناں اتھاں وزبر کرسی کوں چنبڑ یا رہ گئے ۱۹۱۹ اچ جرمنی ہنگری تے کئی نھیں ملکیں اچ انقلاب دا آوݨ سوکھاپیا نظر دا ہا پر اوں ویلھے پارٹیاں بھڑپیاں آپت دی چاپت کامریڈ ہک ٻے دے پچھوں لگ پئے حکمرانیں سوشیل ڈیمو کریسی دی ٹیک گھدی فرانس جرمنی تے کئی بنھیں ملکیں دیاں فوجاں انقلاب سانگے أپردیاں پیاں ہن تاں وڈی بھڑانداچ پھس گیاں ڈوجھی بھڑانددے بعدرتی فوج دے تراݨ تےسوشلزم آیا پراٹلی تے فرانس دیاں کمیونسٹ پارٹیاں سوشل ڈیموکریسی دے گھا پھٹے دیاں ہیلک تھی گیاں ’اٹلی تے فرانس دے پورھیت سوشلسٹ نظریے دے پچھلگ ہن پر فرانس دی سوشلسٹ پارٹی اٹلی دی کمیونسٹ پارٹی اتے برطانیہ دی لیبر پارٹی اے ساریاں سوشل ڈیموکریٹ ہن اٹلی تے فرانس دیاں پارٹیاں انقلابی تاں ہن ہی کائنا اساں انھیں کوں کمیونسٹ نسے اہدے ڈیموکریٹ لیفٹسٹ اہدوں
No photo description available.

کیا ہݨ ایں ڳالھ دا پک تھی گیا جو امریکہ بھوئیں تے بھانہ ملݨ ڈیسی کہیں کوں ساہ نہ پٹݨ ڈیسی ہݨ تاں اہدن ساری دنیا ہکاوستی تھی گئی ہے اتے ایں وستی دی ہدھی چھوڑی امریکہ دے ہتھ اچ آگئی ہے نیوورلڈ آرڈر ہک ایٹمی دہکے دی ڈیوائس بݨائی ہے تاں جو ساری بھوئیں ہوندے وس اچ آونجے ہر شئے ولھٹیج تے اوندے پیریں اچ آپووے اے صورت حال سوویت یونین دے ڈھہہ تے وݨئییں تھیوݨ نال پیداتھی ہے پرہک شئے میکوں ڈھیر مانداتھیوݨ کنوں جھلیندی ہے اواے ھے جو امریکہ دے لوک ایں صورتحال کوں منݨ سانگے تیار کائنی اوبنھیں دے کم کاراچ ٹبھک تھیوݨ کوں چنگا نہیں سمجھدے ۔امریکہ صومالیہ گئے امریکہ دے لوکیں دھاڑ دھاڑ کیتی جڈاں کتھائیں وی کوئی امریکی مریخ ونجے یا پھٹو ڑی تھی ونجے تاں امریکی کوڑیج پوندن اواہدن جو ساڈے لوکیں کوں ٻنھیں ملکیں اچ مرݨ سانگے کیوں پٹھیندو یوگوسلاویہ وچ وی ایویں تھیا جے انھیں دے آپݨیں کوں کوئی حینس تھیوے تاں امریکہ اچ لڑھ مچ ویندے امریکی ویت نام کنوں پہلے چھنو مارویندے ہن کہیں ٻے دی خینس تھیوے ہا تاں امریکی مپ ماربہندے ہن پرہݨ اواہدن جو ٻے دے جھیڑے اچ اساں کیوں دھوکروں ’’’امریکہ دی ری پبلکن تےڈیموکریٹک پارٹی کوں برطانیہ دی کنزرویٹو پارٹی اتے لیبرپارٹی دے سانویں یا مٹ شانی آکھ سگدو ں کائنا ایڈوں تے اوڈوں دیاں وڈیاں پارٹیاں ڳنڈھ ڳپ ہن ڈوہیں حکمران ٹولے دیاں پچھلگ ہن ڈوہیں ہکو جیہاں ہن تساں ڈیموکریٹک پارٹی کوں لیبر پارٹی نال نوھے رلاسگدے ری پلبلکن پارٹی تے ڈیمو کریٹک پارٹی دا نکھیڑ ا کریجے تاں اے گالھ ونج نترسی جو ڈوھیں حکمران ٹولے دے آپت دے بھرپی آلے جھیڑ ے اچ ہک ہک دے واروں ہے تے بی کیا ہݨ ایں ڳالھ دا پک تھی گیا جو امریکہ بھوئیں تے بھا نہ ملݨ ڈیسی کہیں کوں ساہ نہ پٹݨ ہݨ تاں اہدن سادی دنیاہکا وستی تھی گئی ہے اتے ایں وستی دی ٻدھی چھوڑی امریکہ دے ہتھ اچ آڳئی ہے نیوورلڈآرڈر ہک ایٹمی دہکے دی ڈیوائس بݨائی ہے تاں ساری بھوئیں ہوندے وس اچ آونجے ہر شئے ولھٹیج تے اوندے پیریں اچ آپووے اے صورت حال سوویت یونین دے ڈھہہ تے دݨئیںیں تھیوݨ نال پیداتھی ہے پرہک شئے میکوں ڈھیر مانداتھیوݨ کنوں جھلیندی ہے اواے ھے جو امریکہ دے لوک ایں صورتحال کوں منݨ سانگے تیار کائنی اوبنھیں دے کم کار اچ ٹبھک تھیوݨ کوں چنگانہیں سمجھدے امریکہ صومالیہ گئے امریکہ دے لوکیں دھاڑ دھاڑ کیتی جڈاں کتھائیں وی کوئی امریکی مریج ونجے یا پھٹوڑی تھی ونجے تا ں امریکی کوڑیج پوندن اواہدن جو ساڈے لوکیں کوں ٻنھیں ملکیں اچ مرݨ سانگے کیوں پٹھیندو یوگوسلاویہ وچ وی ایویں تھیا جے انھیں دے آپݨیں کوں کوئی خیݨس تھیوے تاں امریکہ اچ لڑھ مچ ویندے امریکی ویت نام کنوں پہلے چھئو مارویندے ہن کہیں ٻے دی خیݨس تھیوے ہا تاں امریکی مپ مارٻندے ہن پر اوا ہدن جو ٻےدے جھیڑےوچ اساں کیوں دھوکروں امریکہ دی ری پبلکن تے ڈیموکریٹک پارٹی کوں برطانیہ دی کنزرویٹو پارٹی اتے لیبر پارٹی دے سانویں یا مٹ شانی آکھ سڳدوں کائنا ایڈوں تے اوڈوں دیاں وڈیاں پارٹیاں ڳنڈھ کپ ہن ڈوہیں حکمران ٹولے دیاں پچھلگ ہن ڈوہیں ہکوجیہاں ہن تساں ڈیموکریٹک پارٹی کوں لیبر پارٹی نال نوھے رلاسگدے ری پبلکن پارٹی تے ڈیموکریٹک پارٹی دا نکھیڑا کریجے تاں اے گالھ ونج نترسی جو ڈوھیں حکمران ٹولے دے آپت دے بھرپی آلے جھیڑے اچ ہک ہک دے واروں ہے تے بی ٻے دے واروں تساں اے ڈسو کیا مارکسی فلسفہ نواݨ نہیں منگدا مارکس تے اینگلزدئیں ڳالھیں دا نتارا اتے انھیں دا نظریہ تاریخ دے لیکھے نال ٹھیک ہے وچلے طبقے دے ٹرڑے اہدن جومارکس کنوں چکاں تھئن پر اصل گالھ اے ھے مارکس چھڑا وہاج دی گالھ نہیں کیتی اوں پورھیئے دی چوری دی گالھ وی کیتی ہے انسان دی تاریخ ٻان مارݨ دی تاریخ ہے ویورا اے ڈسیندے جو جے مارکسزم کھٹ نہیں سگی یا کتھائیں کھٹ تے توڑنہیں پنی تاں ایندا دعوی مارکس آپ وی کائنا کیتا ہا اوں کوئی گݨ مݨ تے انقلاب دا ویلھا کائنا ڈسایا ہا وڈے انقلاب تاں صدئیں تائیں ٹردے رہ ویندن صدئیں تائیں حالتاں پکدین ول انقلاب آندن ول اے وی ڈیکھو جو انقلاب کہیں ہک ڈینہہ اچ ہک مہینے اچ یا ہک سال اچ پورا نہیں تھیندا انقلاب اݨ کھٹ عمل ہے ایشیا دے ڈھیر سارے ملکیں وچ تاں کھٻی ٻانہہ آلیاں پارٹیاں آپت اچ بھڑدیاں رہ ویندین ۔۔۔ایشیا دئیں کمیونسٹ پاریئیں دے ڈھیر بھوگ ہن اوکئی گیڑ ڳچی اچ پاقی ودین پراصل گالھ اے ھے جو ا گواݨیں دا جھیڑا طبقئیں دا جھیڑانئیں ہوندا طبقئیں دے جھیڑے تے طبقئیں دیاں بھڑانداں حالتاں پیدا کریندین یورپ دیاں ٻتھیاں ٻدھیاں تے پروتھیاں پارٹیاں وی کوئی اینجھی گالھ کرسگدین جیرھی نویں ہووے جیرھی اساری دی گالھ ہووے پر نویں ڳالھ کرݨ یا اساری دی گالھ کرݨ نال او اسریاں پارٹیاں نہیں تھی ویندیاں اوکڈاھاں وی پورھیتیں دیاں پارٹیاں نہیں تھی سگدیاں لیبر پارٹی دی حکومت ہمیش پورھتیں دے ووٹیں کوں تاڑی رہ ویندی ہے ھیں سانگے اونکوں پورھتیں دا تا وی رہ ویندے

کیا تساں انٹر نیشنل کا نگریس دی لوڑھ سمجھدو؟۔۔اساڈا انٹر نیشنل تھیوݨ نال کوئی ویرکائنی اساں انٹر نیشنل دے ویری وی کائے نسے پر میڈا خیال ہے کمیونسٹ پارݨئیں دا کوئی ہک مرکزی نہیں ہووݨا چاہیدا ہووݨا ہی نہیں چاہیداکیوں جوہر جاہ دے ہر ملک دے گیڑتے بھوگ انجوانج ہن ہر کوئی آپݨے گھر دے جیڑھے آپ نبیڑ ے ٻاہردے لوک آتے کہیں دا جھیڑا نہیں نبیڑسگدے انٹر نیشنل اوں ویلھے تھی سگدی ہے جڈاں حکومتی پارٹیاں اوندی پٹھ بھرائی کرن رشئین فیڈریشن اچ سائیگا نوف دی پارٹی آئی ہے اساں اوندے واروں کائے نسے اولوبھی تے لوثی ہن اتھوں دی لیڈرشپ یلسن دے واروں تھئی کھڑی ہے اوکیرھی کمیونسٹ پارٹی ہے جیرھی یلسن دی پٹھ بھرائی کرے جیڑھے اصلی کمیونسٹ ہن اوونڈیئے پئن او ات جوگے وی کائنی جوہکی جاہ تے بہہ سگن او روس دے لوکیں دا سبدھ نئیں بݨا سگدے رشئین کمیونسٹ ورکرز پارٹی نیناڈرئیوادی آل یونین کمیونسٹ پارٹی آف بالشویکس پارٹی یونین آف کمیونسٹ رشئن ورکرز فیڈریشن وکٹردی ورکرز رشیااے سارے ونڈیئےکھڑن ہک ٻے دے پچھوں دگا چاتی ودن ہک ٻے دیاں لتاں چھکیندے کھڑن اتھوں دی جھیڑے اے ہن جولوک ذاتی بھڑانداں کھڑے بھڑدن کتھائیں کتھائیں لوک علاقے دے پچھوں بھڑدے پئن اتھاں لوک کٹھے نہیں پئے تھی سگدے انھیں دا سبدھ ایں ڳالھ تے تھی سگدے جو روس اچ حالتاں کیرھا پاسہ پتریندین آوݨ آلے ڈینہیں اچ چنڳائی دی آس رکھیج سگدی ہے ۔کجھ لوک آپ کنوں آپے ہک ٻے دے کٹھے تھی ویسن اے بہوں اوکھا کم ہے ۔اتھوں دے لوک اصلوں انج پنج رہندے رہ ڳئن ۔کمیونسٹ پارٹئیں دی اگوانی بتھے تے پروتھے خیال دے لوکیں دے ہتھ آگئی ہے تساں انھیں تے وسانوھے کرسگدے اتھاں مذہب دے ایرے تے وی اساری تھیندی پئی ہے اتےمارکا تحریکاں چلائی کھڑن دنیا جہان دے کمیونسٹیں سبدھ اچ اوکھ پئی تھیندی ہے تھی سگدے جو کمیونسٹیں دے سبدھ اچ ۶۰۵۰ سال لگ ونجن ۔پراساں ایں ڳالھ کوں فارمولا نہیں بنا سگدے اساں پوتھیا ں نہیں پھول سگدے اساں اگاتریاں ڳالھیں نہیں کرسگدے انقلاب دے ڈر بھئو کنوں یورپ دیاں ریاستاں کے تائیں منہ دیاں کولیاں بݨیا ں رہ ویسن اتے کےتائیں ڳلھاں پٹویسن ویلفئیراسٹیس کے تائیں دھن واری کوں مونڈھے تے چاتی کھڑیاں رہسن ؟میں تاں آکھیم جو اساں پوتھیاں نہیں پھول سگدے ٹونی بلئیر تے بل کلنٹن ہکی جاہ تے کھڑن تھئے جے انھیں ہٹکیا چااتے آکھ ڈتونے جو اساں ویلفئیر اسٹیٹس دا بارنسے چاسگدے اواہدے وی کھڑن جو اساں کنوں اے بارنہیں چوودا ٹوری پارٹی تے لیبر پارٹی ڈوہیں ایں ڳالھ تے کٹھیاں تھیاں کھڑین جو لوکیں تے ٹیکس لاو ہݨ لیبرپارٹی اہدی کھڑی ہے جو ہݨ غریب کنوں غریب وی ٹیکس ڈیوے ہݨ ٹونی بلئیر وی گیڑ وات آیا کھڑے اساں ٹھاہی آلی گالھ تے انھیں نال نسے ٹھہندے میں امریکہ تے برطانیہ دی اے گالھ نہیں منیندا جو عراق کوں کڑا چاڑھ کھڑیجے اتے اوندے اگوں کڑوکی اڈسٹیجے ۔اساں ۱۹۹۰ اچ آکھ ڈتا ہا جو اساں کڑا چاڑھݨ دے واروں کائے نسے پرچاچے سام دے راج اچ ایویں تھیندے پرتساں تاں عراق دی کمیونسٹ پارٹی دی پٹھ بھرائی کائے نوھے کریندے
اوں بھڑانددی پٹھ بھرائی کیتی ہے تے صدام دے پچھوں دگا چاکھڑن میں یاد ڈیواوں جڈاں جاپان چیانگ کائی شیک نال بھڑاندکیتی تاں ماو سبدھ چاکیتا اتے چیانگ کائی شیک دی پٹھ بھرائی کیتس چیانگ کائی شیک کنیں امریکی اسلحہ ہا ول وی جڈاں کمیونسٹیں نال بھڑاندکیتس تاں ہر گیا کیوں جو ماو دی لائن ٹھیک ہئی ہک ویلھا او وی ہا جڈاں اساں ایران دے انقلاب دے واروں ہوندے ہاسے ساکوں سدھ ہئی پئی جو ساڈی خمینی نال سنگت نہیں تھی سگدی ول وی اساں اے جاݨدوں جو ایرانی سرکار سامراج دی پچھلک کائنی بس ھیں ڳالھ تے ساڈا سبدھ ہا ایران دا انقلاب قومی انقلاب ہا اومارکسی انقلاب کائنا ہا جے اساں ایرانئیں کوں آکھوں جو اساں کمیونسٹ ہاں تاں اومذہب دیاں ڳالھیں کریندن پرجے اساں آکھوں جو ساڈا مذہب عیسائی ہے تاں سامراج دے ویری بݨ ویندن اتے سامراج نال بھڑݨ دیاں ڳالھیں کریندن اینڈی بروکس نال گالھ مہاڑ کرتے میں لاشاری صیب دے گھروں اٹھی تے ایسٹ ہیم اسٹیشن تے آیاں اتھوں میکوں وکٹوریہ اسٹیشن ونجݨے جتھاں جاوید سومرونال درائی ہئی
جاری ہے ۔۔۔۔

اے وی پڑھو:

سینے جھوکاں دیدیں دیرے(15)۔۔۔ نذیر لغاری

سینے جھوکاں دیدیں دیرے(14)۔۔۔ نذیر لغاری

سینے جھوکاں دیدیں دیرے(13)۔۔۔ نذیر لغاری

سینے جھوکاں دیدیں دیرے(12)۔۔۔ نذیر لغاری

سینے جھوکاں دیدیں دیرے(11)۔۔۔ نذیر لغاری

سینے جھوکاں دیدیں دیرے(10)۔۔۔ نذیر لغاری

سینے جھوکاں دیدیں دیرے(9)۔۔۔ نذیر لغاری

سینے جھوکاں دیدیں دیرے(8)۔۔۔ نذیر لغاری

سینے جھوکاں دیدیں دیرے(7)۔۔۔ نذیر لغاری

نذیر لغاری سئیں دیاں بیاں لکھتاں پڑھو

%d bloggers like this: