قوم پرست چخے تھیون||اکبر ملکانی

سرائیکی قوم پرست چخے تھیون۔

۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔

سرائیکی لوک سانجھ جنوبی پنجاب دے نویں بنڑنڑ الے صدر جناب اشو لعل نیں سرائیکی قوم پرستیں دے بارے مغروری وچ نازیبا کلمات الا کیں اپڑیں وزن قد کاٹھ وچ جیرھی کمی کیتی اے۔اوندا میں پوری زندگی ارمان کریساں۔

محترم اشو لعل سئیں دے بیان نیں اپڑیں پیپلز پارٹی تیں قوم پرستیں کوں امڑیں سامڑہیں کھڑا کر ڈتے۔جیرھا کم پیپلز پارٹی دا وڈا دشمن نہ کر سگیا ھا۔او جزبات وچ اکیں اشو لعل نیں ہک منٹ وچ کر چھوڑیئے۔اشو لعل دے بیان دا خمیازہ وسیب وچ پیپلز پارٹی کوں انونڑ والے الیکشن وچ بھگتنڑاں پوسی۔پیپلز پارٹی واسطے ناگہانی صدمہ ھوسی۔جیندا میکوں دلی ارمان تھیسی۔

اشو لعل ہک مہان محبت کرنڑ شاعر اے بس۔نہ کہ پولیٹکل سوچ رکھنڑ الا سیاسی رہنما اے۔

میڈی دوستیں نال عمر خاں بزدار۔روف خاں لنڈ۔سید مالک اشتر۔عاشق خاں بزدار۔ملک سلیم بھٹہ ایڈوکیٹ۔سجاد اکبر خاں ملکانڑیں نال زاتی اور نجی محفلیں وچ اکثر ایہا گال تھیندی رہ ویندی ھئی۔سرائیکی لوک سانجھ پیپلز پارٹی اور قوم پرستیں دے درمیان مظبوط ترین پل اے۔جیندے وچ شاعر۔دانشور۔بہوں پڑھیئے لکھیئے لوک اہل اے علم اور شاندا لوک موجود ان۔گال وی ٹھیک کریندے کھڑن۔

ایندے بر عکس سرائیکی لوک سانجھ دے نویں بنڑنڑ الے صدر سئیں اشو لعل نیں غیر ذمے واری دا مظاہرہ کریندیں ھوئیں اینجھا پھل غلاب دا ماریئے۔جیندا زخم دشمن دے ماریئے ھوئے پتھر کنوں وی زیادہ تھئے۔

قوم پرستیں کوں کہیں پیپز پارٹی دے نویں پرانڑیں رہنما دے ہتھو سند سر ٹفیکیٹ دی نہ ضرورت اے۔ نہ کہیں گھننڑ دا اظہار کیتے۔پیپلز پارٹی واسطے قوم پرستیں دیاں قربانیاں بہوں زیادیاں ان اور کہیں کنیں گھٹ وی کئینی۔اج دے پیپلز دے عہدیداریں کنوں ھوسگدے قوم پرستیں دے جیلیں دی گڑنتری زیادہ ھووے۔

اج وی ہر گھر وچ پیپلز پارٹی ھ پئی۔ہر گھردے ڈو چار فرد اج وی پیپلز پارٹی نال منسلک ہن پئے۔اج وی میڈا ہک چھوٹا بھرا اسلم خاں ملکانڑیں ایں وقت پیپلز پارٹی دا جیالا اے۔جان قربان کریندے۔جینکوں دیرہ غازیخاں۔راجن پور دی پوری پارٹی جانڑدی اے۔میڈے گھر وچ ادھ کنوں زیادہ پیپلز پارٹی اے۔

لیکن میں اپڑیں واسطے کہیں اعزاز کنوں اے گھٹ نہیں سمجھدا کہ میں دیانتدار سرائیکی قوم پرست اں۔میں سمجھداں اشو لعل نیں میڈا اکھیئے چخے تھیون۔ایں گالھوں جو میں وی ہک قوم پرستاں۔تہوں میں جواب ڈیونڑ تیں مجبور تھی گیاں۔میں صرف اونکوں سرائیکی قوم پرست سمجھساں جئیں جناب کوں چخے تھیونڑ دا جواب ڈتے یا جیرھا ڈیسی۔جیرھا جناب کوں جواب نہ ڈیسی۔او اج دے بعد میڈی نظر وچ قوم پرست نہ ھوسی۔نہ اوندے نال میں کڈاہیں بہنڑ پسند کریساں۔اے میڈا اٹل فیصلہ اے۔مگر جواب دائرے دے اندر رہندیں ھوئیں ڈیسی۔

مگر ایندا ہک سلیس اور خوبصورت حل وی ھ۔یا جناب اشو لعل اپڑاں اے الفاظ سوشل میڈیا دے زریعے واپس گھنے۔نہ اے کوئی بے عزتی دی گال اے۔بیان اکثر واپس تھیندے رہ ویندن۔ایندی وچ کوئی ھار جیت دی گال کئینی۔وسبے دے احترام دی گال اے۔

میڈا جواب ایں گالھوں ضروری بنڑدا ھا۔جناب دی ایں پیپلز پارٹی وچ ڈھیر سارا حصہ پاترا میڈا وی ھ۔

بیا ایں گالھوں جواب ضروری ھا۔میڈی تربیعت وچ سرور کربلائی۔رمضان خالد برمانی۔حمید اصغر شاہین دی تربیعت شامل اے۔ میڈی چپ گناہ وچ شامل تھیندی ھئی۔تہوں الانونڑ دی گستاخی تھئی اے۔معزرت۔

ایں میڈی پوسٹ دے بعد میکوں سو فیصد یقین اے۔جناب دیاں فوجاں ظفر موجاں جنہیں وچ اکثر میڈے اپڑیں عزیز دی. اے۔انہیں دے نظریں صرف ڈو چیزاں اہم ان۔ہک پیپلز پارٹی۔بیا اشو لعل۔جڈاں ڈوہیں چیزاں انہیں کوں ہکی جاہ تین مل ونجن۔ایڈو جناب نال جیویں مخا طب تھیاں۔میں انسان اں۔جان دی امان منگنڑ میڈا حق اے۔جناب دے احترام وچ جیرھی گال میڈے اندرو کھٹکدی کھڑی ھئی۔میں او کیتی اے۔

جیلھے جناب نیں میکوں چخے اکھیئے۔ظاہر اے جناب دی اندھی تقلید کرنڑ الی فوج پتہ نہیں میڈا کیا حشر نشر کریندی اے۔اگو میری بہتری ہیندے وچ اے ۔جناب دی مسلح فوج دا کوئی جواب نہ ڈیواں۔متاں پردا رہ ونجے۔

سیاست وچ مرشد جزبات نہیں ھوندے۔جیجڑی ھوندی اے۔عاجزی ھوندی اے۔انکساری ھوندی اے۔چونکہ پیپلز پارٹی پارلیمانی پارٹی اے۔پارٹی دا مورال بلند کرنڑیں۔ووٹ ودھانونڑیں۔لوک دڑکیں نال یا چخے کرنڑ نال ووٹ نہیں ڈیندے۔جناب نیں بلحاظ اے عہدہ ووٹ گھننڑ کیتے کالیں۔کوجہیں گندیں کنوں وی ووٹ گھننڑن۔

جناب تیں پارٹی نیں اے جیڈا وڈا اعتماد کیتے۔انہیں جناب کوں ایں عہدے دے لائق سمجھے۔جناب کوں عہدے دا احترام ملحوظ خاطر رکھدیں ماکھی لہجہ برقرار رکھدیں ھوئیں محبت مفت منڑیں دے حساب نال تقسیم کرنڑیں چاہیدی اے۔شکریہ