اسدبزدار
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سرائیکی تحریک کوں اڳو وَدھاوݨ وچ سرائیکی لوکیں دے نال نال پی پی دا ٻہوں اہم کردار ہے۔ بھٹو صاحب کوٹے دی صورت سرائیکی وسیب دی پسماندگی مُکاوݨ دا اہر کیتا، اینھ دور وچ ہی یونیورسٹیاں ݙتیاں ڳئیاں، سرکاردی منشاء نال سرائیکی کانفرس تھئی۔ پی پی وسیب واسیاں کوں اہم عہدے ݙتے، سرائیکی لینگوئج دے ڈیپارٹمنٹ ݙتے ڳئے۔ پی پی جو جو سرائیکی وسیب واسطے کیتے، اُوندی ہک لمبی لسٹ اے۔ کیڑھا کیڑھا کم اِتھاں لکھوں۔ پر سب توں ودھ اہم پی پی دا صوبے کیتے پارلیمانی کم ہئی ڄیندے وچ ناں دے اڑتلے، جغرافیے دے رولے کوں ہک اٹکل نال ایڈریس کیتا۔ اونھ پارلیمانی کمشن دی رپورٹ دی بنیاد تیں سینیٹ وچوں ݙو ترہائ اکثریت نال آئینی ترمیمی بل پاس کرایا۔ قومی اسمبلی وچ ݙو ترہائ اکثریت ناں ہونڑ پاروں پیش ناں کر سڳی۔ ایندے کُجھ عرصے بعد پی پی دئ حکومت دی مدت پوری تھی ڳئی اتیں گیلانی کو سرائیکی ایشو چاوݨ پاروں سخت سزا ݙتی ڳئ۔ پچھیں پنج سال نون لیگ دے آ گئے۔ اینھ دوران پی پی گھٹ فریکونسی نال سرائیکی صوبہ دا مطالبہ کریندی رہ ڳئی۔ پر ڄݙاں 18 دا الیکشن نیڑے آیا تاں سرائیکی وسیب وچ پی پی کوں ݙکݨ سانگے صوبہ محاذ ستریا گیاء۔ وعدہ صوبے دا ہا بعد وچ ݙتا عثمان بزدار گئیا۔ ن لیگ دی سرائیکی صوبے بارے مخالفت ݙھکی چُھپی کینی۔
اڄ الیکشن کولو ݙو سال باقی ہن پر پی پی پاسوں وی سرائیکی صوبے بارے چُپ ہی ویندی پائی اے۔ میݙے نزدیک اشو سئیں کوں کلچرل ونگ دا صدر ٻڑاوݨ چنگا اہر اے پر پی پی کوں اتھو زیادہ اگو ودھنڑاں پوسی۔ سرائیکیاں کیتے، آپڑایں کیتے (میڈی مراد آوݨ آلا الیکشن)۔ میکوں حیرانگی تھیندی اے جو پی پی اپڑاں کیتا ہویا پارلیمانی کم کوں وی نئی چیندی۔ پی پی کوں اینھ کم دا ڄتنا کریڈٹ ݙتا ونجے او ڳھٹ اے ۔ فرحت اللہ بابر لوک سانجھ دے ہک کٹھ وچ (ڄتھاں پی ٹی آی دا آفضل ݙاھنڈلا صاحب وی موجود ہن) پی ٹی ای کوں اے دعوت ݙتی ڄو او پی پی دے دور وچ پاس تھئے ہووے سرائیکی صوبے دے بل کوں چاون، اُوندے تیں حکومت اپڑاں ناں سٹے اور پارلیمنٹ وچ گھن آوے، ڄتھاں پی پی بل کوں سپورٹ کریسی۔ پی پی اے تجویز بہوں واری ݙتی۔ ݙوڄھے پاسوں ایندے تیں کوی ولدا نہ آیا۔
پی پی اپڑاں پاس کرایا ہویا بل ہک واری وت آپ چاوے، اکوں پارلیمنٹ وچ گھن آوے اتیں جو جو اوندی مخالفت کرے اُکوں سرائیکیاں دے سامنڑے ایکسپوز کرے۔
اِڈو گیلانی صاحب کولو سینٹ وچ سبھ تو اہم اپوزیشن لیڈر دا عہدہ ہے۔ گیلانی صاحب کوں وی ماضی وانگ ہک واری وت سرائیکی صوبے بارے کلئیر سٹانس ڳھنڑ دی لوڑھ اے۔ ایکوں میڈی ہج سمجھو یا ڈیمانڈ تہاݙی مرضی۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اے وی پڑھو:
مشتاق گاڈی دیاں بیاں لکھتاں پڑھو
یہ بھی پڑھیے
”اوکھڑا حال اوّلڑے دل دا“ (وسیب یاترا :3)||سعید خاور
سِک متراں دی ودھیری ہے (وسیب یاترا :2)||سعید خاور
سُنجاݨ بنا کیڑھی سانجھ میاں مردانے آ؟۔۔۔||اسد جوتہ