خانیوال میں یوٹیلٹی اسٹورز پہ چینی اور آٹے کی خریداری کے لیے شہریوں کی لمبی قطاریں

خانیوال عامر حسینی سے

خانیوال میں یوٹیلٹی اسٹورز پہ چینی اور آٹے کی خریداری کے لیے شہریوں کی لمبی قطاریں، چینی، آٹا بلیک کرنے کا الزام، انچارج یوٹیلٹی اسٹور کا شہریوں پہ تشدد

خانیوال میں رمضان المبارک کے آخری عشرے میں یوٹیلٹی اسٹورز پہ چینی اور آٹا خریدنے کے لیے شہریوں کی لمبی قطاریں لگی ہوئی ہیں، انچارج، عملہ یوٹیلیٹی اسٹورز کی شہریوں سے بدسلوکی کی شکایات عام ہیں، کورونا ایس او پیز کی کوئی پابندی دیکھنے کو نہیں مل رہی – خانیوال کی تحصیل کبیروالہ شہر کے اندر بنے ایک یوٹیلیٹی اسٹور کے انچارج نے ایک عمر رسیدہ شہری اور ایک نوجوان کو اُس وقت شدید تشدد کا نشانہ بنایا اور دھمکیاں دیں جب انھوں نے انچارج یوٹیلٹی اسٹور پہ چینی اور آٹا بلیک میں دکانداروں کو فروخت کرنے اور عام شہریوں کو محروم رکھنے کا الزام لگایا – شہریوں پہ یوٹیلیٹی اسٹور مالک کے تشدد کی ویڈیو بھی سامنے آگئی – شہریوں نے ڈی سی خانیوال آغا ظہیر شیرازی سے اس صورت حال کا نوٹس لینے کا مطالبہ کیا ہے اور شہریوں پہ تشدد کرنے والے یوٹیلیٹی اسٹور انچارج پہ مقدمہ درج کرنے کا مطالبہ کیا ہے –

About The Author

dailyswail

See author's posts