ہک چتانونڑیں،ہک اعلان ||اکبر ملکانی

اج دے بعد اگر کہیں میڈی شناخت وٹائی۔تبدیل کیتی۔اوندا زمے وار او اپ ھوسی۔ایندے بعد اوندا ناں وٹانونڑ میڈا وی انویں حق ھوسی۔اوندا ناں میں ضرور وٹیساں۔ایندے وچ کوئی شرا شرم الی گال کئیناں ھوسی۔عزت ہر کہیں دی برابر اے۔اور ہر کہیں کوں مطلوب اے۔
میڈی اپڑیں ہک شناخت اے۔میڈا ہک اپڑاں ناں اے۔
اے جو جیڈو کیڈو جنوبی پنجاب الی کتے بھونک شروع تھی کھڑی اے۔اخر کیوں۔
اساں وی کڈاہیں پنجاب۔سندھ۔بلوچستان۔خیبر پختونخواہ۔گلگت بلستتان۔ازاد کشمیر دا کتھائیں ناں وٹائے۔
جے نہیں وٹایا تیں ول ساڈے سر تیں کیہاں قہر ترٹا کھڑے۔سرائیکستان دی جاہ تیں ساکوں جنوبی پنجاب کیوں اکھیا ویندے۔او ایں گالھوں جو اساں شرپسند نسے۔لڑاکے بھڑا کے نسے۔امن پسند ہیں۔امن دے داعی ہیں۔شرافت نال اپڑاں مدعا بیان کریندے کھڑے ہیں۔وگرنہ قومیں دے قومی مقدمے کڈاہیں کمزور نہیں ھوندے۔کہیں قوم دی شرافت کوں کمزوری نہیں سمجھڑاں چاہیدا۔
میں جناب دے ایں دہرے معیار کردار دی بھر پور مزمت کرینداں۔کہیں دے ناں وگانڑنڑ دا ساکوں وی ڈا اندے۔لیکن اساں اپڑیں ایں پیارے ملک پاکستان دی فضا کوں خراب نہیں چاہندے۔
امید اے پاکستان وچ 8 کروڑ رہنڑ الیں سرائیکیں دی گال تساں چنگیں طرانویں سمجھ گئے ھوسو۔ایں بلدے بھانبھنڑ تیں پٹرول نہ سٹو۔مزید تیلی نہ لاوو۔پانڑیں سٹنڑ دی کوشش کرو۔
اگر تساں ایں بھانبھنڑ کوں وسمانونڑ دی کوشش نہ کیتی۔ہر المیے دے زمے تساں اپ ھوسو۔جڈاں قوماں مایوس تھیندین۔تڈاں ملکی سالمیت خطرے وچ پندی اے۔ملک دی اندرونی خلقشار دی وجہ نال ہمیشہ بنگلہ دیش جنم گھندن۔
ساڈے صوبہ سرائیکستان دے صوبائی دارالخلافہ ملتان وچ ساڈے میانوالی نال تعلق رکھنڑ الے محترم وزیر اے اعظم محمد عمران خاں نیازی وزیر اے اعظم بنڑنڑ دے بعد پہلی واری اپڑیں وسیب دے وڈے شھر وچ تشریف گھدی اندن۔جیرھی اساں سرائیکیں واسطے انتہائی خشی دی گال اے۔
سجنڑ انون۔اکھیں ٹھرن۔
یقینن انہیں دے نال تونسہ دیرہ غازیخاں دے نال تعلق ر کھنڑ الے ساڈے محترم وزیر اے اعلی سردار محمد عثمان خاں بزدار وی نال ھوسن۔ھو سگدے گورنر چوہدری سرور جیندا تعلق ساڈی سرائیکی دھرتی پیر محل دے نال اے۔او وی نال ھونون۔
یقینن ساڈا سارا وسیب خش ھوسی۔پوراملتان سڑکیں تین ھوسی جیرھا اپڑیں قایدین دا استقبال کریسی۔استقبال وچ سرائیکی قوم پرست وی شامل ھوسن۔
اے وی سنڑیسے تحریک اے انصاف ملتان دے لٹ مار کرنے والے رہنما اپڑیں قربانی ڈیسن۔گگھدام بے زبان اٹھیں کوں کوہیسن۔کوئی پچھے انہیں لیڈریں کنوں حکومت دے وچ رھ کیں لٹ مار تین تساں کریندے او۔گڑا اٹھیں تیں کیوں پیا ڈھاندے۔ہیں گالھوں جو او شودے حلال ان۔
اچھا جیرھی گال کریندا پیا ھم او اے ھ۔ اے پوری حکومت 3 بندیں تین مشتمل اے۔وزیر اے اعظم ۔وزیر اے اعلی۔گورنر۔ اے تریئے رہنما سرائیکی وسب نال تعلق رکھدن۔وسیب دے وڈے شھر ملتان وچ پئے اندن۔پورا وسیب کٹھا ھوسی۔اساں وی ھوسوں پئے۔کرن وسیب دا حق اد ۔کرن سرائیکی صوبے سرائیکستان دا علان۔کوئی نہیں کھندا انہیں کوں۔کہیں دے حق ڈیونڑ وچ کیا قباحت اے۔پوری زندگی زندہ باد تھی ویسن۔اے چھڑا میڈا مطالبہ نئیں۔پور ے وسیب پوری قوم دا مطالبہ اے۔
کہیں لولی پاپ سیکٹیریٹ دا افتتاح قبول کئیناں کریسوں۔صرف صوب او وی صرف سرائیکستان۔
اگر ایں مجمعے وچ کہیں حکومتی زمے وار وزیر اے اعظم۔وزیر اے اعلی۔گورنر نیں جنوبی پنجاب دا ناں گھدا۔اوندے زمے وار او اپ ھوسن۔پچہیں ساکوں وی حق حاصل ھوسی۔اساں وی انہیں کوں جیرھے ناں نال سڈوں۔ٹپے مارنڑ کوڑ ھوسی۔
اے مثال تین ہر کہیں نیں سنڑی وئی اے۔
ڈاڈھے دی مار۔
ہینڑیں دی گال۔
امید اے انہیں میڈے کوڑیں کھٹیں گالہیں دل وچ جاہ ڈیسو۔شکریہ۔سرائیکستان زندہ باد۔جنوبی پنجاب مردہ باد۔سیکٹریٹ مردہ باد۔

محمد اکبر خاں زات ملکانڑیں۔قوم سرائیکی
چیرمین پاکستان عوامی سرائیکی پارٹی
ملکانڑیں ھاوس۔مکان نمبر 834 بلاک ای واپڈا ٹاون ملتان۔

اے وی پڑھو:

سرائیکی تحریک دی کہانی۔۔۔اکبر ملکانی

ہک سال پہلے دی ڳالھ۔۔۔اکبر ملکانی

ضلع راجن پور دے سرائیکی قومی سنجانڑ دے تاریخی 5 وڈے ناں۔۔۔اکبر ملکانی

اکبر ملکانی دیاں مزید لکھتاں پڑھو