نانوں گیا ملتان نہ کجھ نے تے نہ کجھ آن ||اکبر ملکانی

لال حویلی آلا پنڈی وال شیخ ملک عبدالرشید خاں جگ مشہور شیدا ٹلی قسمت نال پہلی واری وزیر اے داخلہ بنڑیئے۔ اللہ کرے ھوندے ہیں سیٹ دے مستقل آڈر ھونون۔ وڈا وزیراے، وڈا عہدہ اے، اہدن ایں وزارت ملنڑ تیں ڈاڈھا خش تھیا ودے۔ وزیر اے داخلہ بنڑنڑ نال شئیت ایہو سوچا ھوسس جو ہنڑ میں حکومت مخالف لوکیں کوں تہس نہس کر ڈیساں، اے پتہ نہ ہس جو اللہ دی گنڑی اپڑیں ھوندی اے،

ایڈو جو ایں حلف چاتے اگو وت ہک وڈی مصیبت منتظر ہس۔ لبیک یا رسول اللہ آلے سڑکیں تیں ہن۔ انہیں دا مطالبہ ہا فرانس دے سفیر کوں ملک کنوں باہرو کڈھو۔ ایڈو ریاست اے مدینہ الے ضدی ہن۔ جڈاں ڈوہیں ضدی آمڑیں سامھڑیں ٹکرین۔ ڈونہائیں دی بقا دا مسئلہ بنڑ گئے۔ ایڈو پلھانڑ باریں کوں موقعہ مل گئے۔کمی انہیں وی کئینی کیتی۔ ایڈو لبیک یا رسول اللہ الے ھن۔انہیں کوں وی علامہ خادم رضوی سرکار دی دعا ھئی ۔ ڈونہائیں پاسو دعوی اسلام دا ھا۔لڑائی شروع۔رزلٹ دیاں ڈونہانئیں پاسو ہینڑیں ڈاڈھے تھیونڑ دی دعا۔ ایڈو ایڈو نہتا لبیک دا لشکر ھا۔ اوڈو ریاست دی پوری فورس ھئی۔ بندوخاں ہن۔

مگر بندوخاں ہن فقط ڈراوے کیتے۔ مارنڑ کیتے نہ ہن۔ تہوں پولیس شودی کٹیندی وی رہی اے۔ مریندی وی رہی اے۔ جیلھے پانڑیں سر توں ٹپیے ۔ملک دا پہیہ جام تھیندا جو ڈٹھے۔ وزیر اے داخلہ صاحب دا پٹیے چیتا۔ تیں فی الفور اپڑیں وزارت دا پہلا حکم جاری کیتے۔فیالفور نہ اہل کابینہ دا اجلاس سڈییے۔ حکم حاکم شاھانہ جاری کیتا۔ لبیک یارسول اللہ کالعدم ۔ اونکوں شئیت اے پتہ کئیناں ھا۔ ملاں وی جن دی ناوڑی ان۔ انہیں تیں وی کہیں دا ہتھ اے۔ کنڈورانڑیں اے وی کئینی۔ نہ رے سینکے ان۔ اے وی تاں تاں وت ہک ملک دی منظم فورس ان۔بھٹو کنوں جو اے بھڑنڑ کھڑن اجاں تک ونج ویندڑ ان۔

انہیں کوں فوج جھلے تیں جھلے بیا کہیں دا کم نئیں۔ مگر فوج نال تیں انہیں دی بھائی چارے دی فضا قائم اے۔ نہ اے انہیں دے راہ ہن نہ او انہیں دے راہ ہن۔ کیندی طاقت اے کوئی انہیں دے اگو پر مارے۔ فتوے انہیں دے گھر دے ان۔ جیلھے مرضی آوے کہیں راہ ویندے بندے تیں جو فتوی لا ڈیون کون پچھ سگدے، تحقیق دی ضرورت ای کئینی۔ اتھائیں سر قلم۔ اسلام دا حکم اے ۔ اے مارکہ اگو دی جواب داری تیں سمجھدے نئیں۔

کہیں سوچے کیندا ملک اے۔ کیوں رتول تھیندی پئی اے۔ سارے مسلمان ان۔ سارے کلمہ پڑھنڑ الے ان۔ سارے نبی پاک نال پیار کرنڑ آلے ان، پاکستان اے، مسلمانیں دا ملک اے، کوئی ھ ملک دا قایدہ قانون، کیڈیں گئی اے بھائی چارے دی فضا، کیوں مسلمان مسلمان کوں مارنڑ تین تلیا ودے، کیوں کہیں دی لج محفوظ کئینی، کہیں دا گھر محفوظ کئینی، بھرا بھرا دا دشمن بنڑیا کھڑے، کوئی بکھ دے تتے بال سڑک تیں ویچنڑ آیا کھڑے، کہیں دی دھی دا جہیز دے راہ تیں سر چٹا تھی گئے، کوئی بکھ دے تتے مرگئے، کہیں دے بال دے کینسر دی وجہ نال اخری ساہ ہن، مسیت دے بہانے ملاں دا محل اسر گئے، ھے کہیں دی طاقت ایندے کولھوں پچھے ۔ اے راتوں رات محل جناب دا کیویں بنڑ گئے۔پچھدوں جیونڑ دا حق مردے۔

ایڈو ول داخلے دے زورے ور وزیر داحال ڈیکھو۔ ڈیہنہ دا تحریک کوں کالعدم قرار ڈتے ، رات کوں لال حویلی گھر نہ ونج سگدا ھا، ڈیہنہ جو تھئے پیریں پئین۔ معافی منگی ۔ سو وصل کھادھے۔ سو کھلا کھا دھے۔ چوتھی انویں تاک تیں۔جیلیں دے در کھولیے گئے ۔قیدی رھا۔مقدمات واپس۔ کیڈیں گیا پابندی دا حکم۔ کیڈیں گئی ریاست دی رٹ۔ حکومت دے سارے حکم ہوا وچ اڈ گئے۔
نانوں گیا ملتان نہ کجھ نے نہ کجھ آن۔
زندہ باد پاکستان

محمد اکبر خاں زات ملکانڑیں۔قوم سرائیکی
چیرمین پاکستان عوامی سرائیکی پارٹی
ملکانڑیں ھاوس۔مکان نمبر 834 بلاک ای واپڈا ٹاون ملتان۔

اے وی پڑھو:

سرائیکی تحریک دی کہانی۔۔۔اکبر ملکانی

ہک سال پہلے دی ڳالھ۔۔۔اکبر ملکانی

ضلع راجن پور دے سرائیکی قومی سنجانڑ دے تاریخی 5 وڈے ناں۔۔۔اکبر ملکانی

اکبر ملکانی دیاں مزید لکھتاں پڑھو