مارچ 29, 2024

ڈیلی سویل۔۔ زمیں زاد کی خبر

Daily Swail-Native News Narrative

"سینگھی میڈا بوچھنڑ ہیوی بوچھنڑ دی گنڈھ کُنجیاں ہِنی”||ثقلین قیس

ول کہیں واری ساکوں اللہ سئیں دے ملخ دیاں بیریں تے جالھیں ڈِکھا آوے ایویں سنڑدیں سنڑدیں بندہ خیالیں وچ پوری وسوں اچوں جھات پا گھندا ہئیپوسٹ دا مقصد وسوں دی ثقافت کوں زندہ رکھنڑاں ہے

ثقلین قیس

۔۔۔۔۔۔۔۔۔۔۔۔۔۔۔۔۔۔

اج توں کوئی پنج ہک سال پہلیں دی گال ہے پہلی واری سئیں فاروق محرم دی آواز ءچ سُنڑی ہئی ایں توں پہلیں سیف اللہ آصف صاحب ہوراں نال کوئی تعارف کئے نہ ہا پیا. لیکن اے پہلا تعارف ہی کوئی اینجھا جادو بھریا ہا کہ کوئی وی بندہ اگر ممولی جیا ذوق رکھنڑ آلا ہووے تاں ایندے سحر ءچوں نہ نکل سکے .جیویں سوہنڑیں شاعری ہئی اوویں ہی سوہنڑی کر کے گائی گئی ہئی.ایندے بعد آصف صاحب ہوراں کوں جانڑناں ساڈے کیتے ایویں تھی گیا ہئی جیویں کہیں تسے کوں تھل ءچ پانڑیں دی گول ہووے
ساڈا پھر یوٹیوب تئیں تھیندا ہا اوں ویلے سرگودھا رہندا پیا ہم تھل توں پہلی وار نکھیڑیا ہامی .بس ول وسوں دی مونجھ مناونڑ دا ہک منتر جانڑ گھِدا او منتر کڈاہیں ساکوں "روہ تھل "تئیں گھِن ونجیں کڈاہیں "سِندھ بنی "پھرا آوے. کہیں ویلے ساکوں کُٹ دا منگر تے گاوی لسی یاد ڈیوا ڈیوے.
ول کہیں واری ساکوں اللہ سئیں دے ملخ دیاں بیریں تے جالھیں ڈِکھا آوے ایویں سنڑدیں سنڑدیں بندہ خیالیں وچ پوری وسوں اچوں جھات پا گھندا ہئی
میں اج تئیں اکھیں نال نہ روہی ڈِٹھی ہے نہ دمان ڈِٹھا ہے. لیکن آصف صاحب ہوراں دی شاعری دامان روہی تھل پوری وسوں دی ہِک اینجھی تصویر ہے جیکوں پڑھ تے پوری وسوں. اوندا سُنڑہپ اوندے نال جُڑیاں ساریاں شئیاں کانیں کانہیں .بیٹ ,چیتر وساخ دے رنگ ,بوئیاں لانڑیں ہر شۓ کوں محسوس کیتا ہے
بیلی او بیلی
جی میڈا بیلی
کھوہیں اِچوں کھو
جالیں اِچوں جال
قصیں اچوں قصہ
گالھیں اچوں گال
پینگھیں اچوں پینگھ
ونگیں اچوں ونگ
سارے تیڈے رنگ (سیف اللہ آصف)
سئیں ہوراں دی کتاب میں کول پہنچی ہے.اے انہاں دی محبت ہے .میں فقیر کوں ایں قابل سمجھے نے .لیکن کتاب دا ہک ہک لوظ پڑھنڑ توں بعد مونجھ ودھی ویندی ہے. اللہ کریسی ساہ باقی تاں کڈانہہ درشن وی تھی پوسِن
درشن کوں حالیں دیر ہے
مونجھی نہ تھی دل خیر ہے
(سیف اللہ آصف)
آصف سئیں ہوراں دے ناویں ……
تیڈی بیر تے رہوِن بیر سدا
تیڈی جالھ تے پیلھ کھڑی رہوے
تیڈی روہی نال دمان وسے
تیڈا مال وسے
تیڈے نال وسے
توں آپ وسیں
بہوں چِرکے تئیں
No photo description available.

ثقلین قیس دیاں لکھتاں پڑھو

%d bloggers like this: