پارٹی پالیسی دی اہمیت ھوندی اے ||اکبر ملکانی

اکابرین دا احترام اپڑیں جاہ۔مگر پارٹی پالیسی اوں توں وی زیادہ محترم اے۔
۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔
کوئی وی قومی جرم ھووے۔اتھاں ہمیشہ پارٹی پالیسی دی اہمیت ھوندی اے۔
1۔ایویں ہک جرم صدر اے پاکستان فیلڈ مارشل جنرل ایوب خاں نیں سندھ تاس معاہدے دی شکل وچ پاکستان دے ترائے دریا ستلج۔بیاس۔راوی ویچ کیں ہک بہوں وڈا قومی جرم کیتا ھا۔کیا سرائیکی قوم کوں کہیں اوندے ریفرنس وچ شامل شریک تھیونڑاں چاہیدا اے۔ پاکستان عوامی سرائیکی پارٹی دا موئقف نہ وچ ھوسی۔

2۔صدر اے پاکستان جنرل اغا یحی خاں نیں ون یونٹ ترونڑ دے بعد سرائیکیں کوں خود مختیار سرائیکی صوبے دا ناں کیوں نئیں ڈتا۔کیا جنرل صاحب دے نظریں سرائیکی کوئی قوم نہ ھئی۔جنرل صاحب دی نظر وچ صرف سندھی۔پنجابی۔پشتون۔بلوچ قوماں ہن۔
کیا سرائیکی قوم کوں یحی خاں دے کہیں ریفرنس وچ شامل تھیونڑاں چاہیدا اے پاکستان عوامی سرائیکی پارٹی دا جواب نہ وچ ھوسی۔

3۔صدر اے پاکستان جنرل ضیاالحق یا نہ حق نیں جیرھا مویا وی وردی وچ اے۔جئیں ہیں وردی دے ناں تین جو جو ظلم کیتن۔بھلا او بھلانونڑ دے ہن جو بھلا چھوڑوں۔
کیا سرائیکی قوم کوں ایں جنرل ضیاالحق نہ حق دے کہیں ریفرنس وچ شریک تھیونڑاں چاہیدا اے۔ پاکستان عوامی سرائیکی پارٹی دا جواب نہ وچ ھوسی۔

4۔صدر اے پاکستان جنرل پرویز مشرف نیں جیر ھا کجھ تل وطنیں نال کیتے۔گھر کنوں بے گھر کیتے۔پورے وسیب وچ پنجابیں دی در اندازی۔اباد کاری ہیندے دور وچ تھی اے۔جیندا ہر کہیں کوں پتہ اے۔کیا سرائیکی قوم کوں ایں جنرل پرویز مشرف دے کہیں ریفرنس وچ شریک تھیونڑاں چاہیدا اے۔پاکستان عوامی سرائیکی پارٹی دا جواب نہ وچ ھوسی۔

5۔فیلڈ مارشل ایڈ منسٹریر کون ھوندے۔کیا ھوندے۔

6۔عوامی سوچ۔جمہوری سوچ دی نفی دا ناں فیلڈ مارشل ایڈمنسٹریٹر ھوندے۔

کجھ جرم اینجھے وی ھوندن۔جیرھے نہ قابل اے معافی جرم ھوندن۔
ایویں ہک جرم دھرتی جائے خبریں اخبار دے مالک۔مارشلا دی پیداوار۔جرنیلیں دا پلوڑا۔ایجنسیں دے چہیتا بلوڑا سرائکیں کوں ملک دشمن۔را دا ایجنٹ اکھنڑ الے ضیا شاھد نیں وی کیتا ھا۔اوں ضیا شاھد نیں بے جرم وی ڈھیر کیتن۔پتہ نہیں سرائیکی قوم کوں کیرھے کیرھے اعزازیں نال نوازیئے۔اللہ اونکوں معاف فرماوے۔
کیا اوں سرائیکی دشمن ضیا شاھد دے ریفرنس وچ سرائیکیں کوں ونجنڑاں چاہیدا ھا یا ھ۔پاکستان عوامی سرائیکی پارٹی دا جواب ہمیشہ الی کار نہ وچ ھووے ھا یا ھوسی۔
ایہو ہک نتارا ھوندے۔جیندے نال قوماں سنجانڑیاں ویندن۔
پاکستان عوامی سرائیکی پارٹی ہمیشہ اپڑیں سنجانڑ کوں برقرر رکھسی۔کہیں اوں غیر جمہوری عمل دا کڈاہیں وی حصہ نہ بنڑسی۔جیندے وچ پارٹی دا پورھیا ضایو تھیونڑ دا ڈر ھوسی۔
پاکستان عوامی سرائیکی پارٹی کوں نہ خبریں لوانونڑ دا شوق اے۔نہ فوٹو سیشن دا شوق اے۔نہ کہیں ایم این اے ۔ایم پی اے کوں ملنڑ دا شوق اے نہ الیکشن لڑنڑ دا شوق اے۔نہ کہیں جنوبی پنجاب اکھنڑ الی مدر پارٹی دے وارو تھیونڑ دا شوق اے۔اللہ دی رحمت اے ہر کہیں کوں پاکستان عوامی سرائیکی پارٹی دے موئقف دا پتہ اے۔تہوں اے پارٹی کہیں کالونڑ دی بھائیوال کئینی۔نہ کہیں جرم وچ شریک اے۔انتہائی ایمانداری نال وسیب دی جنگ لڑدی پئی اے۔جدو جہد اور مزاحمتی عمل کوں اپڑیں ایمان دا حصہ سمجھدی اے۔جیوو پئے۔سرائیکستان زندہ باد۔جنوبی پنجاب مردہ باد۔
اگر مناسب سمجھو تاں ایں پوسٹ کوں اگوں تین شئیر کر چھوڑو۔تاکہ زیادہ توں زیادہ لوک پوسٹ کوں ڈس کس کر سگن۔رائے دا اظہار کرن۔رائے دا اظہار کرنڑ ہر کہیں دا اخلاقی حق اے۔شکریہ

محمد اکبر خاں زات ملکانڑیں۔قوم سرائیکی
چیرمین پاکستان عوامی سرائیکی پارٹی
ملکانڑیں ھاوس۔مکان نمبر 834 بلاک ای واپڈا ٹاون ملتان۔

اے وی پڑھو:

سرائیکی تحریک دی کہانی۔۔۔اکبر ملکانی

ہک سال پہلے دی ڳالھ۔۔۔اکبر ملکانی

ضلع راجن پور دے سرائیکی قومی سنجانڑ دے تاریخی 5 وڈے ناں۔۔۔اکبر ملکانی

اکبر ملکانی دیاں مزید لکھتاں پڑھو