ساڈی واری کڈنڑ اوسی ||اکبر ملکانی

۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔ ۔۔۔۔۔۔۔۔۔۔
کرونا ویکسین بھجوانڑ الے ملخ دا بہوں بہوں شکریہ۔حالی حالی توھاڈی ویکسین حشرات العرض کنیں زیادہ وزیریں مشیریں کوں لگدی پئی اے۔غریب عوام کرونا نال انویں دی انویں مردی پئی اے۔جیویں پہلے مردی پئی اے۔سکول بند ان۔دربار بند ان۔شادیاں غمیاں بند ان۔میلے ملھلڑیں۔جھمراں تاڑیاں بند ان۔بازار بند ان۔چوک بند ان۔گھرو باہرو نہ انونڑ دے اعلان وی تھیونڑ الے ان۔انسانی ابادی کوں تھوڑا کرنڑ دا بہترین فارمولا اے۔مرنڑاں ہر کہیں اے ۔کوئی اگو مرے تیں بھانویں کوئی پچھو مرے۔جواب ہر کہیں اپڑاں ڈیونڑیں۔لیکن کرونا نال مرنڑ الیں دی
جواب دہ صرف حکومت اے وخت ھوسی۔
کرونا ویکسین لوانونڑ دی ترتیب زرا ملاحظہ فرما گھنو۔1 جی ایچ کیو کنوں گھن پوری فوج۔بری۔بحری۔فضایا۔2 ایوان اے عدل۔3 ایوان اے صدر۔4 ایوان اے وزیر اے اعظم۔5 ایوان اے سینٹ۔6 حشرات العرض کنوں زیادہ وزیر۔مشیر۔معاون اے خصوصی۔چھڑے معاون۔7 پوری قومی اسمبلی ۔پورا سینٹ۔8 چارے صوبائی اسمبلیاں۔9 پوری ازاد کشمیر دی حکومت۔اسمبلیاں ادارے۔10 پوری گلگت بلتستان دی حکومت ۔ادارے۔11 ایویں چارے صوبائی حکومتیں دے ادارے پلس اے کلاس۔مصنوعی معزز موھاندے۔چاپلوس
ایں ترتیب نال ڈسو کرونا ویکسین لوانڑ دی اساں غریبیں دی واری کڈا اوسی۔جڈاں اساں مر گئے ھوسوں۔

اے وی پڑھو:

سرائیکی تحریک دی کہانی۔۔۔اکبر ملکانی

ہک سال پہلے دی ڳالھ۔۔۔اکبر ملکانی

ضلع راجن پور دے سرائیکی قومی سنجانڑ دے تاریخی 5 وڈے ناں۔۔۔اکبر ملکانی

اکبر ملکانی دیاں مزید لکھتاں پڑھو