دیرہ غازی خان دے سرائیکی قوم پرست جماعتیں دے اگوانیں نال سوال ||اکبر ملکانی

دیرہ غازیخاں دے سرائیکی قوم پرست جماعتیں دے اننتہائی معزز عہدیداریں اور انہیں دے انڑ پڑھ ورکریں نال ہک سوال۔
۔۔۔۔۔۔۔۔۔۔۔ ۔۔۔۔۔۔۔۔۔۔۔ ۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔
کاوڑ نہیں کرنڑیں۔غصہ نہیں کرنڑاں۔مندے نہیں کڈھنڑے۔لہجہ کوڑا نہیں کرنڑاں۔شرمسار وی نہیں تھیونڑاں۔
کیوں جو میں جیرھی گال جناب دے گوش کرنڑ الاں۔ او ھ جیرھی توھاڈے ساڈے ساریں دے فایدء دی اے۔ کیوں جو جڈاں ساڈے دیرہ غازیخاں۔سخی سرور۔چوٹی زیرین۔کرم داد قریشی۔بصیرہ ۔مظفرگڑھ دی معیشت۔روز گار تیں کوئی حکومت اگر حملہ کرے۔بلکہ حملہ تھی چکے۔۔۔۔۔۔۔پورے ترائے چار مہینے سخی سرور وچ تھیونڑ الے وساخی میلے کوں یک بہ جنبش۔حکم اے حاکم کرونا دا بہانہ بنڑا کیں بند کر ڈتا گئے۔میں سمجھداں یقینن توھاکوں ایں گال دا چنگیں طرانویں پتہ ھوسی پیا۔اگر کیناں وی ھا ۔میں توھاکوں ڈس ڈتے ۔سرائیکی وسبے نال روزی رزق کھسنڑ دی وت ہک نویں واردات تھی چکی اے۔جیندے واسطے مزاحمت بہوں ضروری تھی گئی اے۔کرونا کمینیں کوں جھلنڑ روکنڑ حکومت اے وخت دا فرض اے۔ایندا اے مقصد کئینی بجائے کہیں حل ڈھونڈھنڑ دے۔غریبیں دی سال بھر دی روزی تین شب خون ماریا ونجے۔کوئی پچھے ایں جہلا دی حکومت کنوں لاھور وچ کرونا داتا دربار دا مرید اے۔اوں کوں تین کڈاہیں نہیں بند کرایا گیا۔لاھور دا چراغاں میلہ۔میلہ مادھولال۔گردوارہ صاحب دی شیت کرونا صاحب نیں اپ اجازت ڈتی ھوئی۔حکومت اپوزیشن دے دھرنیں۔مولیں دے مسیتیں وچ جلسے۔اسمبلیں دے اجلاسیں وچ بلخصوص کرونا واسطے دفعہ 144 نافظ اے۔کرونا قانون دا احترام کریندے۔تہوں اوڈیں مونہنہ نئںں کریندا۔لگدے کرونا دا مسکن رے سینکیں جہیں تیں ھوندے۔رے سینکے لوکیں کوں گولیندے۔رے سینکی دھرتی سخی سرور۔کوٹ مٹھن۔مرشد حمزہ سرکار سلطان۔ابھڑنگ سلطان سرکار۔اچ شریف۔تونسہ شریف۔حق باھو سرکار۔پیر عادل۔شھر سلطاں۔روہی تھل دامان اہدن کرونا دے پورے کنٹرول وچ ان۔تہوں ایں نہ اہل حکومت دی ساری توجع ساڈے وسیب تین لگی کھڑی اے۔بھانویں جو اے بکھ مر ونجن۔کرونا کوں انہیں دے نیڑے نہیں انونڑ ڈیونڑاں۔
گال ٹوری ہم اپڑیں قوم پرست جماعتیں دے عہدیداریں تیں ورکریں کنوں جیرھے سارا سارا ڈیہنہ تیں ادھ ادھ رات تک زرتاج گل۔امجد فاروق خاں کھوسہ۔سردار احمد علی خاں دریشک۔ حنیف خاں پتافی۔ڈاکٹر شاہینہ نجیب کھوسہ دی خشامد کوں لگے رہندن۔اجرکاں وی پویندن۔سہرے وی پویندن۔گوڈیں تین ہتھ وی رکھدن۔گلکڑیاں پا کیں عوام تین اپڑیں دھاک بلہانونڑ سانگے اپڑاں چھبے جیڈا بتھاڑ وی عوام دی طرف کر گھڑدن۔گال چا کروں تین اہدن سرائیکی صوبے دا یاد ڈیوانونڑ گئے کھڑے ھاسے۔بھانویں جو اپڑیں واسطے کوئی فنڈ منگنڑ گئے کھڑے ھوندن۔یا وت پتر دی چپراس دے راہ تین بوتھی چبی کیتی کھڑے ھونون۔یا وڈی کھنو کوئی سپاہی دی سفارش کرانونڑیں ھوسنیں۔اے ھن اتھو دے میڈے قوم پرست پارٹیں دے عہدیدار۔اگر کہیں کوں کوئی اعتراض ھوسی۔ول ساریں دے ثبوت پیش کریساں۔کمزور لوک ان۔وساخییں دا سہارا گھنندن۔کجھ تربیعت دی کمی وی ضرور اے۔پولیٹیکل ورکر مہان ھوندے۔قوم دا مقدمہ لڑدے۔کم از کم ورکر کوں کھیر دھوتا ھونونڑاں چاہیدا۔مہور مرے صوبہ تساں منگییے انہیں ڈتے۔چھوڑو ایں قصے کوں اے بہوں پرانڑاں تھی چکے۔ایندے واسطے ہک طویل جدو جہد کرنڑیں پوسی۔ توھاڈے چھڑیں خشامتیں نال صوبہ نہیں ملڑاں۔
اگر تھی سگدے توھاڈے کولھو۔ڈھیر حجیتے ھووے وی سہی۔ونجہ اکھو زرتاج گل صاحبہ کوں۔سردار امجد فاروق خاں کھوسہ کوں۔سردار احمد علی خاں دریشک کوں۔حنیف خاں پتافی کوں۔ڈاکٹر شاہینہ نجیب کھوسہ کوں۔اے سارے ایں حکومت دا حصہ ان۔تساں انہیں دے خشامتی او۔ایہا ہک گال تین منوا او۔سخی سرور سرکار دے زائرین کوں ایں وساخی میلے کنوں محروم نہ کرن۔اے غریبیں دی سال دی روزی اے۔اینکوں بند نہ کرانون۔زائیرین دیا منتاں منوتیاں ھوندن۔انہیں کنوں دھرتی جئیں کوں محروم نہ کرن۔اگر توھاڈی گال نہیں منیندی۔او انہیں کوں ملنڑ کنوں توبہ تائب تھیوو۔چاو قسم اساں بھل کیں وی انہیں دے در تین نہ ویسوں۔صرف مزاحمت کریسوں۔صرف مزاحمت کریسوں۔سرائیکستان زندہ باد۔جنوبی پنجاب مردہ باد۔

اے وی پڑھو:

سرائیکی تحریک دی کہانی۔۔۔اکبر ملکانی

ہک سال پہلے دی ڳالھ۔۔۔اکبر ملکانی

ضلع راجن پور دے سرائیکی قومی سنجانڑ دے تاریخی 5 وڈے ناں۔۔۔اکبر ملکانی