سائیں چامسكی كئون ئن؟۔۔۔احسن واگھا

ساڈا گرامیریئنز دا تاں اے اِمام ئے۔ پر ہِك بَئی وَنڈ ئے جیرھی ہنڑ ڈیبیٹ نئیں تھیندی:

میٹیریئلزم یانی مادیئت اَتیں آئییئلزم یانی عینیئت دی فلسفیاتی وَنڈ;

ایں وَنڈ موجِب چامسكی سائیں آئیڈیئلسٹ ہِن۔

ایندا ہك شِمہ اے ہے جو میٹیریئلِسٹ جِتھاں سماجی (طبقاتی) ‘ڈو۔سَنؤ (نابرابری) اَتیں وِرودھ (استحصال, بے انصافی) كوں سِدھا وانج (معاشی قبضے) نال جوڑ كیں ایكوں تاگت نال مٔكاونڑ دی گالھ كریندِن,

أتھاں:

آئیڈیئلِسٹ پیلھو ایكوں رَب دی رضا (destiny) اَتیں نِپَھر طبقے دے گناہیں دی سزا آہدے ہئین,

ۂنڑ اینھیں دی نویں نَسل ایكوں ورودھ تاں مَنیندی ئے, پر ایندا مٔكیوا والنٹیری درستگی وچ ڈیہدی ئے (پاكستان دے جماعتئیں دا مردِمؤمِن ہر ڈٔكھ دا اَمرَت دھارا)۔

اَتیں اے لوك چامسكی سئیں وغیرہ ایں درستگی دا اَہر۔ترلا أپدیش۔تبلیغ كوں سمجھیندِن۔

اَتیں چامسكی سائیں وی پَچھلے تریہہ سالیں (نیو ورلڈ آرڈر دے زمانے) كنوں ایھو كم كریندے آندِن۔

ہك نِشابٔر نكھیڑ:

جِتھاں لیفٹِسٹ یا ریڈیكل میٹیریئلسٹ تِھنكر دنیا دی چنگائی اَجوكے سسٹم, خاصكر ویسٹرن (امریكی) كالونیئلزم دے مٔكیوے وچ ڈیہدِن, اوتھاں چامسكی سئیں امریكی كالونیئلزم, جیكوں او جمہویئت آہدِن, اوندی درستگی راہیں اوندی بقا وچ دلچسپی ركھیندِن اتیں پریشان ئن جو ٹرمپ ایكوں تباہ كر ڈیسی۔

چامسكی دی یونیورسَل گرامر دی گالھ كٔجھ ایں ئے:

بطور ‘فلاسفر’ آپ رائٹسٹیسٹ, ‘سبجیكٹیوسٹ’ ہِن۔

اے لینگوئج كوں (60% گرامر) كوں انسان دی innate وصف گنڑدِن۔

اینھیں دی یونیورسل گرامر UG دی تھیوری كجھ كویسچن پوز كریندی ئے (میڈے شبدیں وچ), مثلا” اے جو:

1. ایندی كیا وجہ ئے جو دنیا دا ہر نارمل بال (irrespective of social progressive) نیویارك دا تیں بھاویں كمال آلے دا, ہك خاص عمرھا ئچ زبان الاونڑ پئے وئیندے؟

2۔ كیا وجہ ئے جو ہر بال دیاں لینگوئج دیاں غلطیاں وی گرامر دے رولز دے اندر ہوندئین ؟

3۔ كیا وجہ ئے جو ہر نیٹیو سپیكر, بغیر تعلیم دے, گرامر دے غلطئیں دا, سپیچ ایررز دا فرق جانڑدے؟

4۔ كیا وجہ ئے جو دنیا دی ہر زبان دے نارمل سینٹینس وچ ‘سبجیكٹ’ پیلھو آندے؟ وغیرہ۔

چامسكی ایندا جواب اے ڈیندے جو:

لینگوئج فیكلٹی innate, genetically wired ability ہے اتیں گرامر دا وڈا حصہ یونیورسل ہے, تیں نیڑے 40% parameters are language specific.

اے آہدے گرامر كاگنیشن وچ ركھی ہوئی ئے۔