کنواروں کا دن۔۔۔گلزار احمد

اب ہم واپس پاکستان آتے ہیں اور دیکھتے ہیں کہ ہمارے ملک کے پاس علی بابا کی دولت سے بھی زیادہ وسائل ہیں اور وہ ہم سے لُوٹ لئے گئے ۔ آج قرضوں میں جکڑی اس قوم کے نوجوان در بدر کی ٹھوکریں کھا رھے ہیں۔۔شھری بجلی ۔صاف پانی۔تعلیم اور صحت کی سھولتوں سے محروم ہیں ۔آئیے دیکھتے ہیں اس ملک کو ھوا کیا ھے؟

پاکستان میں سونا۔تانبا۔کوئلہ ۔تیل اور گیس کے اربوں ڈالرز کے ذخائر موجود ہیں۔ حال ہی میں بلوچستان اور KPK میں نئے گیس اور تیل کے ذخائر کا پتہ چلا ھے۔نیوکلر ٹکنالوجی ہمارے پاس موجود ھے۔دنیا کے بہترین پہاڑ ۔دریا ۔چشمے۔نہری نظام زراعت ۔ھیرے جوھرات کی کانیں۔ شیل گیس۔۔سب کچھ ھو نے کے باوجود اس وقت پاکستان کا دنیا کی جی ڈی پی میں حصہ صرف 0.29 فی صد ھے ۔ہمارے مقابلے میں ہمارے پڑوسی اور دوست ملک چین کا حصہ 16 فی صد ھے۔اسکے علاوہ بھارت کا حصہ 3.25% ..ایران 0.48%…اور بنگلہ دیش 0.33% ھے ۔ اس موازنے سے پتہ چلتا ھے کہ ہم اپنے ارد گرد کے ممالک حتی کے بنگلہ دیش سے بھی پیچھے رہ گئے ہیں۔ اس کی بڑی وجہ جو سامنے آتی ھے وہ ناقص سیاسی نظام۔۔۔بیڈ گورنس ۔جنگیں۔ فرقہ واریت۔ تعلیم کی کمی اور امن وامان کی خرابی ھے۔ ہم پر بار بار جنگیں مسلط کی گئیں جن سے ابھی تک چھٹکارا نہیں مِل سکا۔ 1965 کے بعد 1971.پھر 1979 روسی افغان وار جب سے 30 لاکھ افغان مھاجرین ہمارے پاس ہیں۔پھر امریکہ میں 9/11 کا واقعہ ہوتا ھے اور ایک دھشت گردی کی جنگ ہمارے سروں پر مسلط کر دی جاتی ھے جو اب تک جاری ھے۔قوم کے ہر فرد کا یہ فرض بنتا ھے کہ وہ سوچے کہ ہم پُر امن تعلیم یافتہ ملک بن کر ہی آگے بڑھ سکتے ہیں ۔اگر گورنس ٹھیک نہ کی تو بدامنی اور کرپشن کے جِن پر قابو پانا بھت مشکل ھے۔