ڈیرہ غازیخان :
تھانہ شاہصدر دین کی حدود میں پولیس مقابلہ بدنام زمانہ ڈاکو ہلاک۔ تفصیلات کے مطابق پولیس شاہصدر دین روز مرہ گشت پر مامور تھی کہ تین کس مشکوک اشخاص بسواری موٹر سا ئیکل آئے
پولیس نے رکنے کا شارہ کیا تو ملزمان پولیس پر فائررنگ کرتے ہوئے فرار ہو گئے۔ ایس تھانہ شاہصدر دین انعام نبی نے مزید بتایا کہ پولیس نے ملزمان کا تعاقب کیا
تو ملزمان بخوف گرفتاری چاہ گاجری والا موضع ہوت آبادی میں فائررنگ کرتے ہوئے اپنا موٹر سائیکل چھوڑ کر محمد حنیف کی حویلی میں داخل ہوئے۔
ملزمان کی گرفتاری عمل میں لانے کے لیے پولیس نے ملزمان کو چاروں طرف سے گھیر لیا ملزمان نے یکے دیگر بعد پولیس پر شدید فائررنگ جاری رکھی
کچھ دیر بعد جب فائررنگ رکی تو پولیس محمد حنیف کے گھر پہنچی تو ملزم دوران مقابلہ ہلاک ہو چکا تھا جس کا نام نادر معلوم ہوا اور ملزم سابقہ ڈکیتی کے مقدمات 264/19بجرم 392اور 266/19بجرم 392تھانہ شاہ صدردین کا ریکارڈ یافتہ تھا۔
فرار ہونے والے دیگر ملزمان کی گرفتاری عمل میں لانے کے لیے ڈی ایس پی صدر مہر ناصر کی سربراہی میں پولیس ریڈ کر رہی ہے
اس تمام تر مشن کو ایس پی انوسٹی گیشن حفیظ الرحمان بگٹی خود سپروائز کر رہے ہیں تھانہ شاہصدر دین پولیس نے ملزم نادر کی نعش کو قبضہ پولیس میں لیتے ہوئے مزید قانونی کاروائی عمل میں لا رہی ہے۔
ایس ایچ او تھانہ شاہصدر دین انعام نبی نے کہا کہ شاہصدر دین پولیس عوام الناس کے تحفظ کو مدنظر رکھتے ہوئے تمام وسائل بروئے کار لا رہی ہے
اور جرائم پیشہ عناصر کے ناپاک اردوں کو ناکام بنانے کے لیے ڈی پی او اختر فاروق کی ہدایت پر ڈسٹرکٹ پولیس ڈیرہ غازیخان کے جوان ہر محاذ پر پورا اترتے ہوئے
جرائم پیشہ عناصر کے مذموم عزائم کو ناکام بنا رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ غازیخان :
ضلعی انتظامیہ ان ایکشن منافع خوروں کے خلاف پرائس کنٹرول ایکٹ کے تحت کارروائی کرتے ہوئے 12 دکانداروں کے خلاف مقدمات درج کر کے 16 افراد کو گرفتار کر کے بھاری جرمانے کیے گئے ہیں
تفصیل کے مطابق مجسٹریٹ پرائس کنٹرول نے ڈیرہ غازی خان شہر اور اس کے گردونواح کے تھانوں کو تحریری درخواست دی ہے کہ
ملزمان مذکورہ عبدالعلیم وغیرہ 4 کس ،مزمل حسین، محمد وسیم، محمد سلیم، محمد بلال، محمد ناصر، نصراللہ، منور حسین ، محمد طاہر،
خادم حسین 3 کس، محمد عثمان، محمد سہیل، سعید اختر، محمد رمضان، نے مچھلی مارکیٹ کے اندر مرغی کا گوشت اور فروٹس حکومت کے مقررہ ریٹ سے
زائد مرغی اور فروٹس مہنگے داموں فروخت کر رہے تھے اور انہوں نے اپنی دکانوں پر مارکیٹ کمیٹی کی ریٹ لسٹ آویزاں تک نہیں کی ہوئی تھی
جس پر پرائس کنٹرول ایکٹ کے تحت کارروائی کرتے ہوئے شہر کے مختلف تھانوں میں مقدمات درج کیے گئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ غازیخان :
ایس ایچ او تھانہ سٹی افتخار احمد ملکانی نے مختلف مکتب فکر سے تعلق رکھنے والے علماء کرام سے ملاقات کے بعد مختلف امور پر میٹنگ کی۔
اس موقع پر حافظ محمد عمر فاروق مکی، علامہ قاری عبدالغفور سیفی، حاجی لطیف سپل، مخدوم محمد زاہد قریشی، ڈاکٹر فدا حسین ملکانی،
قاری عبدالرحیم، ملک کریم بخش گاذر و دیگر معززین موجود ہیں۔ ایس ایچ او علماء سے خطاب کرتے ہوئے کہا کہ امام و خطیب اور انتظامیہ مسجد کمیٹی پولیس سے مکمل رابطہ رکھیں
اور ہرممکن مکمل تعاون کریں۔ حکومت کی طرف سے دی گئی ہدایات کے مطابق مسجدوں میں کررونا کے حوالے سے احتیاطی تدابیر ضروری ہیں،
آپس میں فاصلہ رکھیں، فرش پر نماز ادا کی جائے تو سب سے بہتر ہے۔ ایس ایچ او نے علماء کرام کو حکومت پاکستان کی جانب سے جاری کردہ پمفلٹ بھی تقسیم کئے علماء کرام نے پولیس سے
مکمل تعاون کی یقین دہانی کرائی۔آخر میں ایس ایچ او افتخار ملکانی کو تھانہ سٹی تعیناتی پر مبارکباد دی گئی اور پھولوں کے ہار پہنائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ غازیخان :
یکم جون سے تمام پرائیویٹ سکول مناسب ایس او پیز کے ساتھ کھول دیئے جائیں، 15 جولائی کے حکومتی فیصلے کو مسترد کرتے ہیں نااہل وزیر تعلیم پنجاب مراد راس کو بر طرف کیا جائے
پورے پاکستان میں سکولز تنظیمیں احتجاج اور ہنگامی پریس کانفرنس کر رہی ہیں ان خیالات کا اظہار چیئرمین پاکستان الائنس آف انڈیپنڈنٹ سکولز (پائس) شیخ محمد اکرم نے دیگر عہدیداران ملک عثمان سعید، محمد خالد شیخ، عامر محمود کھتران،
اے ڈی کھوسہ، ابوبکر قریشی، محمد عرفان پتافی کے ہمراہ پریس کانفرنس سے خطاب کرتے ہوئے کیا انہوں نے مزید کہا کہ جہاں تمام کاروباری مراکز کھول دئیے گئے ہیں
وہاں سکولز بند کرنا بچوں کے مستقبل کو نقصان پہنچا نے کے مترادف ہے ایس او پیز کے ساتھ صبح سات بجے سے گیارہ بجے تک کھولنے کی اجازت دی جائے تاکہ
بچوں کی تعلیم کا نقصان نہ ہو سکے ہم 15 جولائی تک سکول بند کرنے کے فیصلے کو مسترد کرتے ہیں حکومتی لاک ڈاؤن کی وجہ سے اساتذہ کے گھروں میں فاقوں کی نوبت آچکی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ غازیخان :
جنرل بس سٹینڈ ڈیرہ غازی خان کو جدید طرز کا انٹر سٹی ٹرمینل بنایا جائیگا منصوبہ پر تین کروڑ روپے کا تخمینہ لگایا گیا ہے تعمیراتی کام کیلئے سات جون کو ٹینڈر طلب کرلیے گئے ہیں.
یہ بات کمشنر ساجد ظفر کی زیرصدارت ترقیاتی منصوبوں کے جائزہ اجلاس میں بتائی گئی. اجلاس میں سی ایم پیکج،سی ایم انیشیٹیوز،اے ڈی پی کے منصوبوں پر پیشرفت کا جائزہ لیا گیا
ڈپٹی کمشنر طاہر فاروق، ڈائریکٹرکوہ سلیمان ڈویلپمنٹ اتھارٹی بابر بشیر، ڈی جی پی ایچ اے ڈاکٹر عابد محمو دملک، ڈائریکٹر ڈویلپمنٹ عبید الرشید، ڈپٹی ڈائریکٹر ڈویلپمنٹ وسیم اختر جتوئی،
ڈائریکٹر لائیو سٹاک ڈاکٹر توصیف طاہر اور دیگر افسران موجود تھے. کمشنر ساجد ظفر ڈال نے اجلاس سے خطاب کرتے ہوئے کہا کہ
ترقیاتی منصوبوں پر کام کی رفتار تیز کی جائے تاہم مٹیریل کے معیار پر سمجھوتہ نہیں کیا جائیگا۔ تمام ترقیاتی سکیموں کی موجودہ صورتحال کا تصویری اور ویڈیو ریکارڈ مرتب کیا جائے۔
اجلاس میں بتایا گیا کہ تونسہ شہر اور بارتھی میں سٹریٹ لائٹس اور دیگر کام کیلئے 62 کروڑ روپے مختص کئے گئے ہیں تونسہ شہر کے داخلی و خارجی مقامات کو خوبصورت کرنے کے
ساتھ سیوریج واٹر سپلائی کے مسائل حل ہوں گے ٹریفک روانی کا خلل دور کرنے کیلئے 16 کے بجائے 32 فٹ کے اونچے کھمبے لگانے کا فیصلہ کیا گیا
جس کیلئے سکیم میں ترمیم کرائی جائے گی۔سٹریٹ لائٹس کیلئے چھ کروڑ روپے،سیوریج واٹر سپلائی کیلئے دس کروڑ روپے مختص کئے گئے ہیں
ہائی ویز کی 19 سکیموں پربارہ ارب چودہ کروڑ روپے خر چ ہوں گے۔ لوکل گورنمنٹ کی 23 سکیموں پر 59 کروڑ 60 لاکھ روپے اور بلڈنگز کی 30 سکیموں پر پانچ ارب 54 کروڑ روپے مختص کئے گئے ہیں۔
اجلاس میں نئے مالی سال کی اے ڈی پی کیلئے ترقیاتی منصوبوں کی تیاری کا بھی جائزہ لیا گیا.
علاوہ ازیں اجلاس کے دوران ڈی جی پی ایچ اے ڈاکٹر عابد محمو دملک کی ہمشیرہ کے انتقال پر فاتحہ خوانی بھی کی گئی.
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ غازیخان :
ڈسٹرکٹ ایمرجنسی آفیسر ریسکیو1122ڈیرہ غازیخان ڈاکٹر حسین میاں نے کہا ہے کہ عیدالفطر کے ایام میں ریسکیورز نے فرائض منصبی جانفشانی سے سرانجام دیئے
اور مجموعی طو رپر 425افراد کو ریسکیو کیاگیا. انہو ں نے بتایا کہ زیادہ تر ٹریفک حادثات نوجوانوں کے تیز رفتاری سے موٹر سائیکل چلانے سے ہوئے اور متاثرین میں زیادہ تعداد بھی نوجوانوں کی ہے
انہوں نے کہا کہ حادثات تیز رفتاری،ٹریفک قوانین کی خلاف ورزی، کم عمر ڈرائیورز اور احتیاطی تدابیر پر عمل نہ کرنے کی وجہ سے رونما ہوتے ہیں انہو ں نے یہ بات اس سلسلے میں
منعقدہ اجلا س سے خطاب کرتے ہوئے کہی. انہو ں نے بتایا کہ عید کے اجتماعات پر عید گاہوں اور مساجد پر خصوصی ریسکیو1122کی پوسٹیں بنائی گئی تھیں۔
ضلع بھر میں عید کی چھٹیوں کے دوران روڈ ٹریفک حادثات میں اضافہ ہونے کے پیش نظر ریسکیورز کی چھٹیاں منسوخ کر کے ایمرجنسی ڈیوٹیاں لگائی گئیں۔
ریسکیو1122کے بہترین ریسپانس ٹائم کی وجہ سے حادثات میں زخمی ہونے والوں کو بر وقت ہسپتال پہنچایا گیا
عید الفطر کے تینوں دن ریسکیو1122کی ہیلپ لائن پر کل 3008کالز موصول ہوئیں جن میں حقیقی ایمرجنسی کی416 کالزتھیں
جن میں 93 حادثات کی ایمرجنسی کو بروقت ریسپانس کرتے ہوئے 209زخمیوں کو بروقت طبی امداد فراہم کی گئی
اور قریبی ہسپتال منتقل کیاگیا ٹریفک حادثات میں زیادہ تر موٹر سائیکل کے 106حادثات شامل ہیں.
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ غازیخان :
منڈیوں، ٹرانسپورٹ اور مارکیٹ کھلنے کے باوجود سکول کو بند رکھنا تعلیم دشمنی ہے 15 جولائی تک سکول بند رکھنے کی پالیسی مسترد کرتے ہیں،
ان خیالات کا اظہار آل پاکستان پرائیویٹ ایسو سی ایشن کے مرکزی چیئرمین ضیاء السلام زاہد قریشی، ضلعی صدر شفقت بلال،
کنویئر الیکشن سیل عامر لغاری، واحد بخش کورائی، سمیت دیگر پرنسپلز نے پریس کانفرنس کرتے ہوئے کیا ان کا کہنا تھا کہ
سکولز کی بندش سے لاکھوں اساتذہ کے روزگار مسائل کا شکار ہیں، طالب علموں کا تعلیمی سال ضائع ہو رہا ہے،
کرونا کے ایس او پیز کے مطابق سکول کھولنے کی اجازت دی جائے، ہم حکومت کے تمام ایس او پیز پر مکمل عمل کرنے کی یقین دہانی کراتے ہیں پنجاب بھر میں سکولز کھولنے کی اجازت دی جائے،
جب بازار، منڈیاں اور ٹرانسپورٹ کے ایس او پیز جاری ہو سکتے ہیں تو سکولز کے ایس او پیز کیوں جاری نہیں ہو سکتے، سکولز فوج کے بعد واحد ادارہ جہاں ڈسپلن موجود ہوتا ہے
لیکن جہاں ڈسپلن موجود ہے وہاں پابندی ہے اور جہاں ہجوم کی کیفیت ہے اور کسی بھی ایس او پیز پر عمل در آمد ممکن نہیں انہیں کھولنے کی اجازت دے دی گئی ہے
اس پالیسی کو ہم تعلیم دشمنی کے مترادف سمجھتے ہیں ہمارا مطالبہ ہے تمام سکولز فوری کھولنے کی اجازت دی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ غازیخان :
آر پی او ڈی جی خان عمران احمر کی زیر صدارت ریجن بھر کے پاکستان سیٹزن پورٹل کے فوکل پرسن اور سٹاف کے ساتھ ماہانہ پرفارمینس میٹنگ کا انعقاد ۔
تفصیلات کے مطابق آر پی او ڈی جی خان عمران احمر نے ریجن بھر کے پاکستان سیٹزن پورٹل کے فوکل پرسن اور سٹاف کے ساتھ ماہانہ پرفارمینس کی میٹنگ کا انعقاد کیا
میٹنگ سے خطاب کرتے ہو ئے آر پی او عمران احمر کا کہنا تھا کہ پاکستان سٹیزن پورٹل کے ذریعے آن لائن شکایات کی صورت میں شہروں کو فوری انصاف کی فراہمی کے لیےکویئک رسپانس دیا جائے
شہریوں کی آن لائن شکایات پر فوری ازالہ کے لیے متعلقہ افسران ہرممکن تعاون کو یقینی بنائیں شہریوں کی شکایات کے ازالہ کے لیے مزید جدید صلاحیات کو بروئے کارلاتےہوئے
پازٹیو فیڈ بیک کو ہرممکن حد تک بہتر بنایا جائے انہوں نے مزید کہا کہ پولیس کی طرف سےفوری رسپانس کے ذریعےعوام میں نیگٹیو فیڈ بیک کی شرح میں خاطرخواہ کمی لائی جائے
جھوٹی شکایات کی صورت میں ذمہ داران کے خلاف موئثر کارروائی عمل میں لائی جائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ غازیخان :
عوام الناس سے براہ راست رابطہ اوران کی فوری داد رسی کیلئے ایس پی انویسٹی گیشن حفیظ الرحمان کی طرف سے کھلی کچہری کا انعقاد کیا گیا
دوران کھلی کچہری شہریوں کے مسائل جس میں ضلع کی مختلف جگہوں سے آئے ہوئے سائلین نے اپنے مسائل پیش کئے۔
ایس پی انوسٹی گیشن نے فردا ً فرداً شہریوں کے مسائل سنے اور انکو درپیش مسائل کے حل کے لئے موقع پر ہی متعلقہ افسران کو احکامات جاری کئے ایس پی کا کہنا تھا کہ
فوری انصاف کی فراہمی اور میرٹ انکی اولین ترجیحات میں شامل ہے۔
میرے دروازے عوام الناس کے لئے ہر وقت کھلے ہیں فوری انصاف فراہم کرنے کے لئے تمام وسائل بروئے کار لائے جائیں گئے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ غازیخان:
ایس پی انوسٹی گیشن ڈی جی خان ڈاکٹر حفیظ الرحمن کی ایس ایچ اوز اور ہیومی سائیڈ سرکل صدر اور تونسہ سے کرائم میٹنگ کی گئی
اس دوران ایس پی انوسٹی گیشن نے تمام ایس ایچ او کو ہدایت جاری کرتے ہو ئے کہا کہ اپنے تھانہ کے مقدمات کو بروقت اور انصاف کے تقاضے پورے کرتے ہوۓ حقائق پر یکسو کریں جتنے
بھی پینڈنگ چالان ہیں انہیں فی الفور جمع کرائیں تاکہ پیڈنسی ختم ہو۔ان کا مزید کہنا تھا کہ مجرمان اشتہاریوں کے خلاف خصوصی مہم شروع کرتے ہوۓ
زیادہ سے زیادہ گرفتاریاں عمل میں لائیں اس سلسلہ میں مشاورت کی گئی تھانہ میں آنے والے سائلین کے ساتھ خوشی اخلاقی سے پیش آنے کے ساتھ ساتھ ان کے مسائل انتہاٸ توجہ سے
سنتے ہوۓ بروقت انصاف کی فراہمی کو یقینی بنائیں جبکہ ناکہ بندی پوائنٹس پر شہریوں کے ساتھ اپنا رویہ مثبت رکھیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ غازیخان :
بارڈر ملٹری پولیس تھانہ فورٹ منرو کی حدود سے سیر و تفریح کے لیے آنیوالوں کی دو موٹر سائیکلیں چوری، بی ایم پی کی فوری کاروائی ،
چور گرفتار، موٹر سائیکلیں برآمد گزشتہ شب چوری ہونے والے فورٹ منرو تھانہ کی حدود سے دو موٹر سائیکل چوری کئے گئے
بروقت وائرلیس میسج پر ایس ایچ او کھر حبیب لغاری نے پورا علاقہ سیل کردیا اور کھر کے تمام داخلی اور خارجی راستوں پر بروقت ناکہ لگادیا
جبکہ ایس ایچ او فورٹ منرو نصراللہ خان نے اپنی ٹیم کے ہمراہ کاروائی کر تے ہو ئے چند گھنٹوں میں دونوں وارداتوں میں ملوث ملزمان پکڑ لئے اور چوری شدہ موٹر سائیکلیں بھی برآمد کرلی گئی ہیں
ایس ایچ او کھر حبیب خان لغاری اور ر ایس ایچ او فورٹ منرو نصراللہ لغاری نے صحافیوں سے گفتگو کرتے ہوئے کہا کہ
گرفتار ملزمان میں تین مقامی افراد سخی جان ولد مٹھا، عبدالمجید ولد روزے خان، اللہ داد ولد محمد بخش جبکہ ایک ملزم نور زمان کھیتران کا تعلق رکنی بلوچستان سے ہے انہوں نے مزید کہا کہ
رسالدار اعجاز خان لغاری کے حکم پر سماج دشمن عناصر کے گھرد گھیرا تنگ کر دیا ہے
سیر و تفریح کے لیے آنیوالے سیاحوں کی جان و مال کی حفاظت میں کوئی کسر نہیں چھوڑی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ غازیخان :
معروف فزیشن وسابق ایم ایس نشتر ہسپتال ڈاکٹر عبدالرحمن قریشی کے والدو مشہور سماجی شخصیت حذیفہ رحمان کے دادا حاجی عبدالحمید قریشی کی وفات پر صدر مسلم لیگ ن و اپوزیشن لیڈر محمد شہباز شریف،
سابق اسپیکر قومی اسمبلی ایاز صادق، سابق وفاقی وزیر اویس لغاری، مشیر صحت حنیف پتافی، سینیٹر پرویز رشید،شیر علی گورچانی، نصراللہ دریشک،
صدر چیمبر آف کامرس ڈی جی خان سردار ذوالفقار علی خان نصوحہ سمیت سینکڑوں شخصیات نے گہرے دکھ اور افسوس کا اظہار کیا
محمد شہباز شریف نے اپنے ایک بیان میں کہا ہے کہ مرحوم کے اہلخانہ کو اللہ صبر عطا کرے تفصیلات کے مطابق حاجی عبد الحمید قریشی کے ایصال ثواب کے لئے آبائی علاقے گدائی میں دعا کروائی گئی
جس میں سابق وفاقی وزیر سردار اویس خان لغاری، مشیر صحت وزیر اعلی پنجاب حنیف پتافی، سابق ممبرقومی اسمبلی سردار عبدالغفار ڈوگر، سابق ڈپٹی اسپیکر پنجاب اسمبلی سردار شیرعلی خان گورچانی،
ممبر قومی اسمبلی سردار نصراللہ خان دریشک، سابق مئیرڈیرہ غازی خان شاہد حمید چانڈیہ، سینیٹر حافظ عبدالکریم کے فرزند اسامہ عبدالکریم، سینئر مسلم لیگی رہنما میاں سلطان ڈاہا،
امجد سردار، طارق علی خان کاکڑ، اکرم سیال، زبیر خان،چیمبر آف کامرس کے صدر سردار ذوالفقار علی خان نصوحہ سمیت سینکڑوں افراد نے گہرے دکھ اور افسوس کا اظہار کیا۔
جبکہ بہت سی شخصیات نے کرونا کی وجہ سے ویڈیو لنک کے ذریعے دعا میں شرکت کی جن میں سابق اسپیکر قومی اسمبلی سردار ایاز صادق، سابق وزیر صحت خواجہ سلمان رفیق، سابق آئی جی پرویز راٹھور، سینیٹر پرویز رشید، ڈاکٹر آصف کرمانی،
سابق پرنسپل سیکریٹری وزیراعلی امداد اللہ بوثال، ڈاکٹر توقیر شاہ، سابق چیئرمین نیب چوہدری قمر الزمان،ایڈیشنل چیف سیکریٹری طاہر خورشید، سکیریٹری اطلاعات پنجاب راجہ جہانگیر،
سی پی او راولپنڈی احسن یونس سمیت سینکڑوں سیاسی و بیوروکریسی کی شخصیات نے بھی گہرے دکھ کا اظہار کیااس موقع پر مرحوم کے ایصال ثواب کے لیے خصوصی دعا میں
عوام کی کثیر تعداد نے شرکت کی جبکہ اپوزیشن لیڈر شہباز شریف نے ٹیلی فون پر حذیفہ رحمان سے تعزیت کرتے ہوئے کہا کہ
مرحوم حاجی عبدالحمید کی سماجی خدمات کو ہمیشہ یاد رکھا جائے گا اور مرحوم کے خاندان کے لیے نیک خواہشات کا اظہار کیا۔
About The Author
اے وی پڑھو
سیت پور کا دیوان اور کرکشیترا کا آشرم||ڈاکٹر سید عظیم شاہ بخاری
موہری سرائیکی تحریک دی کہاݨی…||ڈاکٹر احسن واگھا
محبوب تابش دے پرنے تے موہن بھگت دا گاون