شہید عارف وزیراپنے قاتلوں کو بے چین چھوڑگئے۔۔۔ رؤف لُنڈ

شہید عارف وزیر ۔۔۔۔۔۔۔۔۔۔ اپنے قاتلوں کو بے چین چھوڑ کر ہمیشہ کیلئے آرام کرنے چلے گئے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عمر تقریباً 28 سال۔ ان اٹھائیس سالوں میں اپنے خاندان کے ان سترہ افراد کی لاشیں اٹھائیں۔ جو ان کی طرح ٹارگٹ کئے گئے اور شہید ہوئے۔ اپنے بے شمار زخمی سیاسی دوستوں کا سہارا بنتا رہا۔ کئی دفعہ گرفتار ہوا ۔ متعدد بار جیل میں قید وبند رہا۔۔۔۔

عارف وزیر کو ” آرام کرو "کے مشورے ملتے رھے مگر وہ نہیں مانا۔ تو پھر خود قاتلوں کو عارف وزیر کے آرام دلانے کا خیال آیا۔۔۔۔ اس کو ٹارگٹ کیا، زخمی کیا اور مار دیا۔ مگر قاتل اب تک بے چین ہونگے اور شاید کبھی چین نہیں پا سکیں گے۔ کیونکہ جسم کی موت سے ہر کوئی مر بھی نہیں جاتا۔۔ عارف وزیر وانا/وزیرستان سے ممبر قومی اسمبلی کامریڈ علی وزیر کے کزن تھے، دوست تھے اور یار تھے۔ ان بھائیوں کے سیاسی پلیٹ فارم بھلے الگ الگ تھے۔ مگر طبقہ ایک تھا اور خون کا رشتہ و رنگ بھی ایک۔۔۔۔۔۔۔۔۔۔
ھم عارف وزیر کے قاتلوں اور حملہ آوروں کی تلاش اور ان کو کیفرِ کردار تک پہنچانے کے کسی پھیکے اور بے معانی مطالبے کے تکلف کو برطرف رکھتے ہوئے کامریڈ علی وزیر سے تعزیت کرتے ہیں۔ اور اس کے دکھ میں برابر کے شریک ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

About The Author

ویب ڈیسک

See author's posts