موتو قبل از موتو۔۔۔ اشولال

موتو قبل از موتو

(A sublime state of Mind)

خانقاہی بداعمالی توں بُلند صوفی دا جو مقام اے اوندے نال تہذیبی اوصاف اے ہن:

1۔ جوگ (Eveness of Mind)

2۔ سپردگی (Devotion/Bhakti)

3۔ مونجھ

4۔ جھک نوائی

5۔ نمانتا

6۔ انسان دوستی

7۔ سریرتا

8۔ وسمارا

9۔ امان

10۔ محبت وغیرہ وغیرہ

بھائی ول ڈیورنٹ دے خیال اچ اے ترقی دا منفی جدول اے ۔

ول ڈیورنٹ بھائی جیڑھے تہذیبی اوصاف گنویندن او اصل اچ محض تمدن دے اوصاف ان ۔ صرف جدلیاتی کارنامے ۔

میں ولا ولا دوستاں اگوں اے سوال رکھدا آنداں جو تمدن دی ایں عظیم الشان اُساری اگوں تہذیب دا سوال کتھوں شرو کریجے ؟

میڈے خیال اچ جاتکا کہاں تہذیب دے ابتدائی خدوخال بیان کرن جوگیاں ہن ۔

صوفی شاعر اچ اے گُن جا پجاہ کھنڈیے پین۔ موت توں پہلے مرن دا سوال تصوف دا مُنڈھلا سوال ہے ۔ اساں مونجھ اتے وسمارے کو تہذیب دا اُتم درشن جانڑدے ہیں اتے ایہو ہی ’’گوتم نال جھیڑا ‘‘ دا کوڈ نمبر اے۔

شاعری اتے کہانی میڈے خیال اچ ایں جھیڑے کوں دریافت کرسگدی ہے جیڑھا بالکل جدلیاتی نئیں۔ ڈھیر نئیں پچھلے 6سو سال دی صوفی شاعری در اصل بھگتی اتے انسان دوستی دا ہی درشن ہے ۔ جو بیلی مارن تو مریجن کینویں چنگاں ہے؟ گوتم بدھ دا وسمارا (Nirvana)ایندا سبھ توں اُتم استعارہ ہے۔

ابن العربی دی ’’امان‘‘ اتے منصور حلاج دا ’’میں حق ہاں‘‘ وی ایں سوال دا جواب ڈے سگدن ۔جیندی مروجہ نصاب اچ کوئی جاہ نئیں۔ وحدت الوجود کنوں مروجہ سرکاری نصاب ہمیشاں توں خوفزدہ ہے ۔

کیوں جو اے نصاب بندے نال اوندی حیوانی اتے جدلیاتی جبلت کوں ملیامیٹ کرسگدے۔ شاید بندے کو مہذب وی بنا سگدے ۔ جے تئیں اساں نصاب اچ تمدن دی جاہ تہذیب کوں نئیں ڈیندے ساڈا مہذب ہوون مشکوک ہے ۔ کہیں عالم پنڈت بھوپے اگوں کیا آکھ سگدے ہیں؟

من اپنے دے متر اتے گرو بھگت کبیردے لفظاں اچ

تو کیتا کاغذ کی لیکھی

میں کیتا آنکھن کی دیکھی

میں کیتا سلجھاون ہاری

تو راکھیو ریجھائی رے

ویب ڈیسک

See author's posts