جی آیاں کوں تریمت !!
اساں تریمت دے نعرے ’میݙا جسم میݙی مرضی ’ دی تائید کریندے ہیں ۔ مردانہ ݙڈھپ دے سماج وچوں تریمت دی ایہ الاوݨی اوندا سچ اے ۔ ایں ٻول دے شیشے وچ ٻہوں سارے لوکیں تے اداریں کوں اپݨے چہرے دا وِڳاڑ پیا نظردے تاں تریمت تیں کیہاں ݙوہ اے ۔ ایہ اپݨی رادھی دے ٻَنے ٻاہوݨ والی ڳالھ اے ۔ تریمت نال صدیاں دی گزران وچ جو تھئے اوندے ساہمیں اڄ اوہ ٻولی ہِے تاں کاوڑ کیوں ؟ کیا ایہ سچ نئیں جو تریمت دا بدن اوندی اپݨی مِلک اے ؟ کیا ایندے اپٹھ ’ تیݙا جسم میݙی مرضی ’ دا وِہار چالو رہوے ؟ کیا انسانی جسم وی کوئی ٹوٹا بھوئیں دا ہے جیندی کاشت دا جھیڑا ہووے ؟ ایں موقعے تے مرد تے اوندے ٻہوں سارے اداریاں کوں حوصلہ کرݨا پوسی جو عورت اپݨی تقدیر دا بینر آپ لکھݨ جوگی تھئی ہِے ۔ جی آیاں کوں تریمت !!
یہ بھی پڑھیے
”کوئی خواب میکوں اُدھارا نہ ݙیویں“ (وسیب یاترا :12)||سعید خاور
”بدن دی بھوئیں تے مُونجھ دا متام“ (وسیب یاترا :11)||سعید خاور
””سندھو سکرات وِچ اے“ (وسیب یاترا :10)||سعید خاور