دہلی :
گذشتہ پانچ برس میں ایک ہزار سے زائد بچوں کی موت خودکشی سے ہوئی
دہلی حکومت "صحت مند معاشرتی ماحول فراہم کرنے میں ناکام ہے”
بھارت کے دارالحکومت نئی دہلی میں پچھلے پانچ برس میں مجموعی طور پر1294نابالغوں نے خودکشی کی۔
دہلی پولیس نے ملک میں خودکشیوں کی روک تھام کے لئے صحت عامہ کے پروگرام کو موثر انداز میں نافذ کرنے کی درخواست کے جواب میں سپریم کورٹ کو آگاہ کیاکہ
پچھلے پانچ سالوں میں بھارتی دارالحکومت میں مجموعی طور پر1294نابالغوں نے خودکشی کی۔
عدالت عظمیٰ میں دائر حلف نامے میں ، پولیس نے کہا کہ وہ مینٹل ہیلتھ کیئر ایکٹ ، 2017 کے مینڈیٹ کی پیروی کررہی ہے۔
ذرائع کے مطابق سالانہ اعداد و شمار دیتے ہوئے دہلی پولیس نے 2014 میں188 ، 2015میں211 ، 2016میں227 ، 2017میں242 ، 2018میں277 اور 2019میں149 میں خودکشی سے ہلاکتوں کی اطلاع دی ۔
تاہم ، پولیس نے کہا کہ پچھلے پانچ سالوں میں 15 ستمبر 2019 تک ، دہلی کے این سی ٹی میں 18 سال سے کم عمر بچوں کی خود کشی کی کوشش کا کوئی واقعہ سامنے نہیں آیا ہے۔
یہ بیان حلفی نام دہلی پولیس نے ایڈووکیٹ گوراو کمار بنسل کی ایک درخواست کے جواب میں دائر کیا ہے ، جس نے خودکشیوں کے شکار افراد کو کال سنٹرز اور ہیلپ لائنوں کے ذریعے مدد اور مشورے فراہم کرنے کے لئے ایک پروجیکٹ شروع کرنے کے لئے تمام ریاستوں اور مرکزی علاقوں کو بھی ہدایت کی ہے۔
القمرآن لائن کے مطابق امکان ہے کہ یہ درخواست 24 جنوری کو جسٹس ارون مشرا کی سربراہی میں بنچ کے سامنے سماعت کے لئے پیش کی جائے گی ، جس نے گذشتہ سال مرکز اور تمام ریاستوں اور یونین ٹیریٹیرزسے جواب طلب کیا تھا۔
بنسل نے قومی دارالحکومت میں بچوں کی خودکشیوں کا ذکر کرتے ہوئے اپنی درخواست میں الزام لگایا ہے کہ دہلی حکومت "صحت مند معاشرتی ماحول فراہم کرنے میں ناکام ہے”۔
درخواست میں کہا گیا ہے کہ تمام ریاستیں ذہنی صحت کی دیکھ بھال ایکٹ کی دفعات پر عمل درآمد کرنے میں ناکام ہیں اور انہیں اپنے دائرہ اختیار میں خودکشیوں کی روک تھام کے لئے اقدامات کرنے کی ہدایت کی جائے۔
القمرآن لائن کے مطابق اس میں کہا گیا ہے کہ حکام کو خودکشیوں کی روک تھام کے لئے صحت عامہ کے پروگرام کو نافذ کرنے کے لئے اٹھائے گئے اقدامات کے بارے میں اسٹیٹس رپورٹ فراہم کرنے کو کہا جائے۔
عالمی ادارہ صحت کی رپورٹ ‘پریوینٹیو سوسائیڈ ا گلوبل ایمپریٹو’ کا حوالہ دیتے ہوئے درخواست گزار نے کہا کہ نوجوان سب سے زیادہ متاثر ہیں اور خود کشی اب عالمی سطح پر 15 سے 29 سال کی عمر کے افراد کی موت کی دوسری بڑی وجہ ہے۔
About The Author
اے وی پڑھو
بدلتے موسم میں گیس کی قلت کے ساتھ ہی ایل پی جی کی قیمتوں میں اضافہ
رود کوہیوں سے متاثرہ لوگوں کوبھی سیلاب زدگان تسلیم کیا جائے۔۔۔۔||غضنفرعباس
ضلع ڈیرہ غازی خان کا قبائلی علاقہ ۔۔۔۔||غضنفرعباس