میں این آر او نہ ڈیساں۔۔۔رانا ابرار خالد

خبردار۔۔۔۔۔کسی کواین آر نہیں ملے گا!!
افتخار پھوتاں مریندا ہا میکوں بوٹی اٌکا نی چڑھدی، ہٌنالے دی ہک ݙوپہر افتخار دی سختی جاڳی سنگتی مامے حاجی کنوں پکی ہوئی بوٹی گھن آئے تے بیٹھک وچ پروگرام بنڑایونے۔۔۔۔رڳڑا وی لیندے رہ ڳئے نال ای اہدے رہے اڄ پتہ لڳسی جو افتخار کوں کیویں نی چڑھدی، افتخار وی وݙا تڈی ہا ول ول اہدا رہ گیا میکوں اٌکا نی چڑھدی۔۔۔۔۔جئیں ویلھے گرین وہسکی تیارتھی ڳئی تاں سنگتیں ساقی کوں اکھ ماری، ساقی افتخار کوں گھاٹی بٹ دا پیالہ ݙٹ ݙتا ت باقیں کوں کنگا۔۔۔۔ول ݙوجھا تریجھا دور چلیا تاں سنگتی افتخار کنوں ہرواری پچھدے رہ جو سٌݨا چڑھدی تاں نی پئی؟
افتخار ہر واری ہکو جواب ݙیندا رہیا نہ میکوں نئیں چڑھدی، نہ میکوں نئیں چڑھدی!
جݙاں چوتھا دور چلیا تاں ساقی تل وچوں گھروڑ کے پیالہ ݙٹ کے افتخار کوں ݙتا نال ای سنگتیں نعرہ لایا پیو پیو آلا ہکی سہی وچ مٌکیسی۔۔۔۔افتخار پیالا تاں چھک چھوڑیا ول کندھ دی ٹیک لاکے سر بیٹھا مریندا ہا ت نال آکھے بیٹھا۔۔۔۔۔میکوں نی چڑھدی، میکوں نی چڑھدی، میکوں نی چڑھدی۔۔۔۔۔۔۔۔!!!!
اونکوں نہ پتہ ہائی جو لوک چسکے پئے لیندن، لوک جواہدے ہن خیالا کریں چھوڑ تاں نہ ݙیسیں، این آراو تاں نہ ݙیسیں چا۔۔۔۔۔۔۔او وی تاں بھولوں اے، ہتھوں پکا تھیندا ڳئے، ”میں کسی کو نہیں چھوڑوں، این آراو نہیں دوں گا۔۔۔۔۔۔۔۔سب کوجیل میں ڈالوں گا۔۔۔۔۔۔۔۔کان کھول کر سن لو این آراو نہیں ملنے والا“
ول ڈیکھو جو این آراو نہ ڈیندا اینجھا بھوڑئیے سدھا سر دے بھرنے آئے ت بھوئیں تے کِلا بنڑ کھڑئیے، پر جوان ہٹھ دا پورا اے، کہیں جو آکھیس اے کیا چا کیتی، کہیں کوں این آراو نہ ڈیندا نیب ترمیمی آرڈیننس جاری کرکے سبھڑائیں دا ڳلہاواں کڈھ چھوڑی۔۔۔۔۔سݨ کے وت زٌوکݨ پئے ڳئے۔۔۔۔۔۔خبردار، کسی کواین آراونہیں ملے گا!!
توڑے جو پھکا نسی رہ گیا جوان ضد دا افتخار ای نکلیے، کندھ دی ٹیک لاکے سربیٹھا مریندے۔۔۔۔۔۔۔ نہ میں این آراو نہ ݙیساں۔۔۔۔۔نہ میکوں نی چڑھی، ، نہ میں این آراو نہ ݙیساں۔۔۔۔۔نہ میکوں نی چڑھی، ، نہ میں این آراو نہ ݙیساں۔۔۔۔۔میں این آراو نہ ݙیساں!!!!!!!!

About The Author

ویب ڈیسک

See author's posts