سندھ حکومت آوارہ کتوں کے لئے پناہ گاہیں بنائے گی

سندھ حکومت نے آوارہ کتوں کو کنٹرول کرنے کے پروگرام کو وسعت دیتے ہوئےکراچی میں جانوروں کی سرکاری پناہ گاہ تعمیر کرنے کا فیصلہ کیا ہے ،

جانوروں کی پناہ گاہ کیسے چلائی جائے گی اور وہاں کونسی سہولیات مہیا کی جائیں گی اس ضمن میں پالیسی بنالی گئی ہے۔ سندھ میں آوارہ کتے ایک مسئلہ بن چکے ہیں ، حکومت سندھ نے آوارہ کتوں کو کنٹرول کرنے کے لیے 50 کروڑ کی لاگت سے پروگرام شروع کیا ہے ۔۔

لاوارث اور بیمار جانوروں کی دیکھ بھال کے لئے پناہ گاہ کا قیام بھی اسی منصوبے کا حصہ ہے ، سیکرٹری بلدیات روشن علی شیخ کے مطابق منصوبے کا پی سی ون تیار ہو چکا ہے ۔

پناہ گاہ کی تعمیر کے لئے جانوروں سے پیار کرنے والے مخیر شخص نے نادرن بائی پاس پر 30 ایکٹر زمین سندھ حکومت کو دی ہے ۔۔

پناہ گاہ میں جانوروں کا اسپتال اور ایک ہاسٹل بھی بنایا جائے گا ۔۔ روشن علی شیخ کا کہنا ہے کہ پناہ گاہ بنانے کا ایک مقصد شہریوں میں جانوروں سے محبت کا شعور بیدار کرنا بھی ہے ۔

About The Author

نمائندہ

See author's posts