پنجاب حکومت ساؤنڈ ایکٹ میں ترمیم کرکے فنکاروں کو معاشی بدحالی سے بچائے، اجمل ساجد،افرا خان

رحیم یار خان:معروف سرائیکی گلوکار اجمل ساجد اور گلوکارہ و اداکارہ افرا خان نے وزیر اعظم پاکستان عمران خان اور وزیر اعلی پنجاب سردار عثمان بزدار سے اپیل کرتے ہوئے کہا ہے کہ حکومت فنکاروں کی سرپرستی نہیں کر سکتی تو کم از کم ان کا گلہ بھی نہ گھونٹے۔

اجمل ساجد نے کہاہے کہ ساؤنڈ سسٹم پر پابندی کی وجہ سے سرائیکی خطے کے فنکار معاشی بد حالی کا شکار ہو چکے ہیں کئی فنکاروں کے گھروں کے چولھے تک ٹھنڈے ہو گئے ہیں.

انہوں نے اپیل کی ہے کہ حکومت ساؤنڈ ایکٹ میں ترمیم کرکے نرم پالیسی اختیار کرے فنکاروں کو بھوکا نہ مارے. مناسب ضابطہ اخلاق بنا کر اور ٹائم کا تعین کر دیا جائے.

اجمل ساجد نے کہا ہم سب فنکار اس کی پابندی کریں گے.جا بے جا پولیس چھاپوں سے فنکاروں کی بے عزتی ہو رہی ہے اور زندگی اجیرن ہوتی جا رہی ہے.

About The Author

ویب ڈیسک

See author's posts