اسلام آباد: عالمی ریٹنگ ایجنسی موڈیز نے پاکستان کا آؤٹ لک منفی سےمثبت کر دیا

اسلام آباد: عالمی ریٹنگ ایجنسی موڈیز نے پاکستان کا آؤٹ لک منفی سےمثبت کر دیا ہے۔ ادارے نے اپنے تازہ رپورٹ میں بتایا کہ پاکستان کی بین الاقوامی ادائیگیوں کی صورتحال بہترہوئی ہے اور مستقبل میں بھی مزید بہتر ہوگی۔

موڈیز کے مطابق پاکستان کے زرمبادلہ کے ذخائر میں بتدریج اضافہ ہو رہا ہے اور کریڈٹ پالیسی میں بھی استحکام برقرار ہے۔ رپورٹ میں بتایا گیا ہے کہ ماضی میں روپیہ کمزور ہونے سے قرضوں کا بوجھ بڑھ گیا تھا۔ خیال رہے کہ

عالمی ریٹنگ ایجنسی موڈیز نے دس ماہ قبل پاکستانی بینکوں کا آؤٹ لک مستحکم سے منفی کردیا تھا۔ رواں سال کے آغاز میں عالمی ایجنسی نے اپنی رپورٹ میں کہا تھا کہ پاکستان کو درآمدات اور قرضوں کی ادائیگیوں کیلئے زرمبادلہ کے ذخائر کو بڑھانا ہوگا۔ مختلف ممالک کی معیشت پر جائزہ رپورٹ میں بتایا گیا ہے کہ

پاکستان کا واجب الادا مقامی اور حکومتی قرضوں کا حجم زرمبادلہ کے ذخائر سے زائد ہوگیا، پاکستان کا کرنٹ اکاؤنٹ خسارہ اب بھی بڑا چیلنج ہے۔ امریکی کریڈٹ ریٹنگ ایجنسی نے انویسٹرز سروس میں کہا ہے کہ پاکستان کے زرمبادلہ کے ذخائر نچلی سطح پر ہیں اور ان کا حجم دو ماہ کی درآمدت کے بل سے بھی کم ہے ۔

ایجنسی کے گیارہ ماہ قبل معاشی صورتحال کو دیکھ کر اندیشہ ظاہر کیا تھا کہ پاکستان ایک ناکام ریاست والی صورتحال کی طرف جاسکتا ہے۔

اس وقت کریڈٹ ریٹنگ ایجنسی نے یہ خدشہ بھی ظاہر کیا تھا کہ 2020ء ميں مقامی اور غير ملکی قرضوں کی واپسی کی رقم زرِ مبادلہ کے ذخائر سے زيادہ ہوگی۔ حکومت کی بہتر معاشی پالیسیوں کے سبب 11 ماہ قبل کیے گئے

موڈیز کے بیشتر اندیشے غلط ثابت ہوئے یہی وجہ ہے کہ عالمی ایٹنگ ایجنسی کو پاکستان کا آؤٹ لک منفی سے مثبت کرنا پڑا۔

About The Author

dailyswail

See author's posts