کم آمدن والے افراد کو گھروں کی فراہمی کیلئے 2ہفتوں میں قابل عمل پلان بنایا جائے، سردار عثمان بزدار

لاہور:وزیراعلیٰ پنجاب سردار عثمان بزدار کی زیرصدارت اعلیٰ سطح کا اجلاس ہوا ہے جس میں سیکرٹری ہاؤسنگ کی طرف سے نیا پاکستان ہاؤسنگ اسکیم پر تفصیلی بریفنگ  دی گئی ہے ۔

وزیراعلی پنجاب سردار عثمان احمد خان بزدار نے کم آمدن والے لوگوں کو جلد ازجلد گھر فراہم کرنے کے لئے قابل عمل پلان تیارکرنے کی ہدایت کردی ہے ۔ قابل عمل پلان کی تشکیل کے لئے 2ہفتے کی مدت مقرر کی گئی ہے۔

سردار عثمان احمد خان بزدار نے فوری طورپرکمیٹی تشکیل دینے کا حکم دے دیا-

اس موقع پر وزیراعلی پنجاب نے کہا کہ پبلک سیکٹر بزنس ماڈل اور سوشل ہاؤسنگ کے لئے مربوط پلاننگ کی جائے-کم آ مدن والے لوگوں کیلئے ترجیحی بنیادوں پر ہاؤسنگ پالیسی مرتب کی جائے گی-

عثمان بزدار نے کہا کہ خط غربت سے نیچے زندگی گزارانے والوں کے لئے نجی شعبہ کے اشتراک سے گھر بنائیں گے -مخیر حضرات اور ڈونرز بھی کم آ مدن والے لوگوں کے لئے گھر کی فراہمی میں اپنا کردار ادا کریں –

انہوں نے کہا کہ کم آمدن والے لوگوں کے لئے گھروں کی تعمیر کے منصوبے کو جلد ازجلد پایہ تکمیل تک پہنچانا چاہتے ہیں –

صوبائی وزیر ہاؤسنگ میاں محمود الرشید، صوبائی وزیر خزانہ ہاشم جواں بخت، مشیر ڈاکٹر سلمان شاہ، چیف سیکرٹری، چیئرمین لاہورمنصوبہ بندی و ترقیات اجلاس میں شریک ہوئے ۔

پرنسپل سیکرٹری وزیراعلیٰ، سیکرٹریز خزانہ، ہاؤسنگ، سپیشل مانیٹرنگ یونٹ کے سربراہ اور اعلیٰ حکام  بھی اجلاس میں موجود تھے ۔

About The Author

ویب ڈیسک

See author's posts