جامعہ بنوریہ کے مہتمم مفتی نعیم کی مدارس کے طلبہ کے آزادی مارچ میں حصہ لینے کی مخالفت

کراچی: شہر قائد کراچی میں  دیوبند مکتب فکر کے سب سے بڑے مدرسے  جامعہ بنوریہ کے مہتمم مفتی نعیم  نے آزادی مارچ اور دھرنے میں مدارس کے طلبہ کو بھیجنے کی مخالفت کردی  ہے۔

انہوں نے یہ بات وفاقی وزراء علی زیدی اور پیر نورالحق قادری کے مدرسہ کے دورہ کے بعد ذرائع ابلاغ کے نمائندوں سے کی ہے ۔

مفتی محمد نعیم نے کہا ہے کہ مدارس غیر سیاسی ہوتے ہیں ان کے طلبہ کسی مارچ یا دھرنے میں شریک ہوئے تو والدین کو کیا پیغام جائے گا ؟

انہوں نے کہا کہ جامعہ بنوریہ میں تریپن  ممالک کے طلبہ زیر تعلیم ہیں ،اگر طلبہ سیاسی مقاصد کے لئے استعمال ہوئے تو ان ممالک کو کیا پیغام جائے گا؟

مفتی نعیم نے کہا کہ کسی بھی سیاسی سرگرمی کے لئے طلبہ کا استعمال ہرگز مناسب نہیں ہے۔

About The Author

ویب ڈیسک

See author's posts