مختصرمختصر| منچن آباد کے دریچوں سے

محمد عمران سعید

تقسیم سے پہلے کے بہاولنگرکا ذکرہے، ناگرمل اوربھجن لال دوبھائی تھے، سوداگران وآڑھتیان جن کاتعلق نامی گرامی اگروال خاندان سے تھا اور پیسےکی ریل پیل تھی۔

ایک روایت یہ بھی ہے کہ یہ رقم انہیں اپنے والد سے ترکے میں ملی۔
اس بات سے قطع نظرکہ رقم کہاں سے آئی، اگروال برادرزنے اسےخرچ کرنے کے لیے منچن آباد کا انتخاب کیااوردولت کی نمائش کے لیے ایک پرتعیش حویلی نما گھرسے بہترکیا ہوسکتا تھا، مگربات صرف نمود ونمائش کی نہیں تھی یہاں جمالیاتی ذوق کا بھی سوال تھا۔ 

افسوس کہ تاریخ کے دھندلے اوراق ہمیں اس کاریگرسے متعارف نہیں کرواتےجس کا یہ شاہکارہے۔ 

اب یہ مقامی معمارکی کرشمہ سازی ہے یا یورپین مستری کے ہاتھ یہ ہم نہیں جانتے، مگرکل کا محل ناگرمل اورآج کی سکھیریاں دی حویلی منچن آباد کے ماتھے کا وہ جھومرہے جسمیں دونوں رنگ نمایاں ہیں ۔

روایتی طرزتعمیرکی جھلک بھی ہے اور ولایتی خاص کراطالوی عمارت سازی کا عکس بھی نمایاں ہے۔ 

عمارت میں داخل ہوتے ہی بیرونی دورویہ مہمان خانوں کی قطار سےآپ کا تعارف ہوتا ہے جن کے بعد آپ دالان سے گزرتے ہوئے ایک سنگ مرمرکی محراب سے جا ٹکراتے ہیں جس کے دونوں اطراف نٹ کھٹ کرشن بنسی سنبھالے کئی سالوں سے اسی آسن میں محو ہیں ۔

ایک طلسم ہے کہ ٹوٹتا ہی نہیں ، سنگ مرمربےجان سہی مگردورکہیں سے بانسری کی آوازآتی ہے

About The Author

ویب ڈیسک

See author's posts