ٹی وی اینکر  مرید عباس  سمیت دو افراد کے قتل  کیس کے ملزم عادل زمان کو جیل بھیج دیا گیا

کراچی: نجی ٹی وی کے اینکر  مرید عباس  سمیت دو افراد کے قتل  کیس کے ملزم عادل زمان کو عدالت نےجیل بھیج دیا۔

سٹی کورٹ کراچی میں مرکزی ملزم  عاطف زمان کے بھائی  عادل زمان کو جوڈیشل مجسٹریٹ ساؤتھ کی عدالت میں پیش کیا گیا۔

تفتیشی افسر  نے بتایا کہ ملزم کے خلاف سندھ آرمز ایکٹ کا مقدمہ درج کیا گیا ہےتفتیش کےلئے  ریمانڈ دیا جائے۔

تفتیشی نے عدالت کو بتایا کہ ملزم عاطف زمان نے عادل زمان کے پستول سے قتل کیا اور خودکشی کی کوشش کی ۔

عدالت نے تفتیشی پولیس  افسر کی استدعا مسترد  کرتے ہوئے عادل زمان کو جیل بھیجنے کا حکم دے دیا ۔

عدالت نے کیس کا چودہ روز میں چالان طلب کر تے ہوئے کیس کی سماعت ملتوی کردی ۔

About The Author

نامہ نگار

See author's posts