رفعت عباس
۔۔۔۔۔۔۔۔۔۔۔۔۔۔۔۔۔۔۔۔
جَمݨ وچ نجات اے
جَمݨ وچ ݙینہ ہے
جَمݨ وچ بارش اے
جمݨ دی گلی وچ
جَمݨ دا بوہا اے
کاڳت اے
کاڳت تیں شبد اے
رنگ ہِن
ڄَمݨ وچ پریت اے
دل دی پِیڑ اے دارو اے
پندھ اے
نویں دوست تے جاہیں
اکھیں
جنگل دے ݙوجھے پاسے
پاݨیاں دے گھر وچ ٻیڑی
لولی
ما تے پری دا جنم
جنگ رک سڳدی
تلوار تے بندوق کوں
تروڑیا ونج سڳدا ہے
ول ول ڄَمدے رہو
جمݨ وچ نجات اے
About The Author
اے وی پڑھو
رفعت عباس دے ناول ’’مسخریاں دا میلہ‘‘ تے گالھ مہاڑ
ریاض ہاشمی دی یاد اچ کٹھ: استاد محمود نظامی دے سرائیکی موومنٹ بارے وچار
خواجہ فرید تے قبضہ گیریں دا حملہ||ڈاکٹر جاوید چانڈیو