آصف علی زرداری نے پارک لین ریفرنس کا ٹرائل روکنے کے لئے درخواست دائر کر دی

سابق صدر آصف علی زرداری نے پارک لین ریفرنس کا ٹرائل روکنے کے لئے احتساب عدالت میں نئی درخواست دائر کر دی۔

اسلام آباد کی احتساب عدالت میں پارک لین ریفرنس پر سماعت ہوئی۔

نیب پراسیکیوٹر نے سابق صدر آصف زرداری کی نئی درخواست پر اعتراض اٹھایا

اور کہا آصف زرداری کی نئی نئی درخواستوں کا مقصد تاخیری حربے اپنانا ہے،

آصف زرداری کو خواب آجاتا ہے کہ صبح نئی درخواست دائر کرنی ہے،

بھاری جرمانے کے ساتھ آصف زرداری کی درخواست مسترد کی جائے۔

دوران سماعت سابق صدر آصف زرداری کے وکلا اور نیب پراسیکیوٹر میں گرما گرمی ہوئی،

جج اعظم خان نے آصف زرداری کے وکلا کو جھاڑ پلا دی اور کہا آپ کیوں شور کر رہے ہیں ؟

یہاں کسی کو سیاست نہیں کرنے دوں گا، فاروق نائیک صاحب آپ نے آج دلائل مکمل کرنے کا وعدہ کیا تھا،

آپ پہلی درخواست پر دلائل دیں۔

About The Author

نمائندہ

See author's posts