ہم سارے یکی ہیں!۔۔۔||یاسر جواد

یہ آپ کے معاشرے کے غالب بیانیے کے دو پہلو نہیں۔ یہ ایک ہی پہلو ہے۔ رابی پیرزادہ خوشی سے نہیں کہہ رہی، اُسے پتا ہی نہیں کہ وہ کیا کہہ رہی ہے۔ وہ رٹو طوطا ہے جس نے اس دنیا میں سروائیو کرنا ہے۔

عورت مارچ کے دنوں میں ہم اس رائے کو مختلف رنگوں اور پیکیجز میں بار بار سنیں گے۔ یہ مقدس بیانیہ ہے۔ اِسے صدیوں کی تعظیم حاصل ہے، تمام ادارے اور ریاست کی ساری قوت اِس کے پیچھے ہے۔ پھر بھی یہ اتنا ناتواں ہے کہ دو چار سو کا اجتماع اور ایک درجن پلے کارڈز اِسے ہلا کر رکھ دیتے ہیں۔ میں نے جہالت کو ہمیشہ بہت کمزور پایا۔ یہی وجہ ہے کہ اِسے مستحکم بنانے کے لیے اتنے زیادہ قوانین اور اخلاقی ضابطوں کی ضرورت ہوتی ہے۔