مانے دی سیاست تے پاکستانے دی چِٻری|| ذلفی

ڳلہپ دی ہیک خوبی اے وی ہوندی ھے جو اے کہیں پیمانے دا متہاج نئیں ہوندا۔ اے اتنا فلیکسیبل ہوندے جو اے ہر ڳاٹے فٹ تھی ویندے۔ مانے دی سیاست چبری ریاست دے ڳاٹے تاں فٹ تھائی ھے پر اے اوں گلہپ کولو کوئی اُتیں دی چیز ھے جیرھی دنیا اچ اج تک ڈیکھݨ کوں ملی ھے۔

پاکستانے دی ریاست اپݨے کیریکٹر اچ ہیک اینجھی چٻری ھے جیرھی ڈیہنہ رات اُلٹی لڑکی راہندی ھے تے ایکوں سدھیاں چیزاں اُلٹیاں ڈسدن مانے کیا کیتے جو او وی اُلٹا لڑک ڳئے تے ریاست دی اوں سوچ کوں اوویں ڈیکھ سگدے جیویں ریاست آپ پچھلے پچھتر سال کولو ڈیہدی آئی ھے۔ نہ ایں چبری ریاست کوں تل وطنی وزڈم، تریخ، ثقافت، تہذیب تے مقامی روییں دی سُدھ ٻُدھ ھے تے نہ ہی مانے کوں ھے۔ ڈوہیں ہیک ڈوجھے کوں سوٹ کریندن تے ڈوہیں اینٹی کلچر تے اینٹی تل وطنی ہن۔ مانے وی کڈاہیں اتھوں دی تل وطنی تریخ، تہذیب تے ثقافت کوں اہمیت نئیں ڈتی تے پاکستانے دا وی ایہو رویہ رہ گئے، ریاست وی اپݨی بقا واسطے اینجھی اسلامائزیشن دا سہارا گھدے جیرھی مقامیت دا ہر حوالے نال استحصال کریندی ھے تے مانا وی ریاست مدینہ دے ناں تیں لوکیں دیاں پاڑاں پٹیندا رہ ویندے۔

مانے ہیک ٻیا وادھوں کم اے کیتے جو او یورپ دیاں مثالاں دا تٓڑکا لیندا آئے، نہ ریاست کوں ایں چیز دا احساس ھے جو وادی سندھ دی اپݨی تہذیب دنیا دی مہذب ترین تے قدیم ترین تہذیب ھے لہذا ایندی مثال ڈے کے کوئی مقامیت دی گالھ کروں۔ پاکستانے تے مانے دراصل ڈوہیں امپیرئیلزم دی ہیک اینجھی شکل ہن جیرھے ہر ڈو صورتیں اچ تل وطنی مخالف مزاج رکھدن اے کہیں صورت اتھوں دے اصل وسنیکیں دے وارث تے نمائندے نئیں تھی سگدے۔ دنیا دی پالیٹکس دا ہیک اصول ھے جو او تل وطنی لوکیں کوں مستقل طور تیں نظر انداز نئیں کر سگدی تے آخری فتح ہمیشہ مقامیت تھی تھیندی ھے۔