سرائیکئیں دی راند۔تنڑمار آیا تھار گئی ئے؟||احسن واگھا

جیرھلے تساں اے آپت۔کسیدے آہدے ائو میکو۔ چنگے وی لگدین، پر مونجھ، بلکہ ڈر ڈھیر لگدے اجو، آیا بس تھی گئی ئے جو سنگت 70s سرائیکی مہاندرئیں کوں سورنڑ شورو کر ڈتے۔ (طارق تاں 70s دے وی نہیں). ایں کنوں وڈا بھئو اےگدے جو: آیا سرائیکی کلچرل موومنٹ تاریخ دا کئی وڈا اتیں ودھنڑ۔ہار (پروگریسینگ) فنامنا نہ ہائی ! ! ؟
آیا اڑدو دا لوڑھ۔فلڈ ئی ایں ریجن انڈس ویلی دا تگیل سچ ئے !؟
آیا سینیئرز دی مہان۔سازی دی ریت دے ودھنڑ وچ کوئی ہرج کے نی !؟
ہرج ہے۔
جیرھلے کہیں لوکیں دی کھیڈ
مکدی ئے، اونھیں دے کرت۔کار (men of action) پیلھو آئیڈیئلائیز تھیندین، پچھیں دیوتا بنڑدین، وت پوجا شورو تھیندی ئے، اتیں پوجا کیتلی ڈراکلی شئے ہے، ایندے زکرے تیں میڈا اے بھاشن لمبا تھی ویسی۔
جیکر پوجا کوں ۔ ۔ ۔ تساں ‘ماتا’ (چیچک کوں ماتا آہدین) دی بیماری سمجھ گھنو، تاں اے ایتلی ڈراکلی ئے جو ایکوں ‘ماتا’ من کیں appease کیتی رکھنڑا پوندے۔ اتیں اے بیماری سرائیکئی دی ہسٹری دے پورے چیپٹر دے مونہہ تیں چگھ۔دانگ چتر ڈیسی۔
جیرھلے بس ایھا دیوتائیں دی پوجا ریہہ ویسی تاں پچھیں اے تھیسی جو اڑدو دی کچھ وچ وڑی ماتا دی چتری سرائیکی کھڑی ہوسی۔
ایں تاریف۔بازی دا اسئل نکسان نشابر ئے۔
لکھارئیں، مانڑھوئیں دی تاریف دا کلچر بنڑاونڑ دا ہکو متلب ئے: کریٹیکل سٹڈی، سودھنڑ۔پرکھنڑ اتیں بہتر کرنڑ دا بوہا بند کرنڑ۔
ہنڑ طاوق اسماعیل احمدانڑی کنوں مزید تہکیک تسنیف دی تانگھ نہ رکھوں!؟
مسنفیں دے ریفیرینس، تاریفی۔کٹھ تاں اونھیں دے بہوں بڈھا تھی ونجنڑ، کم کنوں ریٹائر تھی ونجنڑ اتیں یا گزر ونجنڑ دے بعد تھیندین۔
۔ ۔ ۔ ۔ ۔
ہنڑ بہوں نہ کوڑیج ونجاہے، اتیں سہندے گلے۔مندے سیہہہ ویسوں۔ا