پاکستان اچ لینگوئج کمیشن فوری بنایا ونجے، سرائیکی لوک سانجھ

پاکستان اچ لینگوئج کمیشن فوری بنایا ونجے، سرائیکی لوک سانجھ

گذریل ڈینہہ ملتان پریس کلب اچ سرائیکی لوک سانجھ ولوں وسیب کٹھ تھیا، ایں کٹھ اچ

سرائیکی وسوں دے ضلع ڈیرہ غازی خان ، ڈیرہ اسماعیل خان، راجن پور، بہاولپور، میانوالی،

رحیم یار خان ، مظفر گڑھ ، لیہ ، بکھر ، میانوالی ،خانیوال ، وہاڑی ، لودھراں ، بہاولنگر،

وہاڑی دے نال نال اسلام آباد توں آون والے سرائیکی سوجھواناں ، سیاسی کارکناں شرکت کیتی

ایں موقع تے گالھ مہاڑ دے علاوہ کجھ قرارداداں وی پاس کیتیاں گئین جیڑھیاں ہیٹھ ڈتیاں ویندیاں پین
وسیب ملتان کٹھ قرارداداں

1. اَڄ جیرھے شَبد دے ناں تیں اساں کٹھے ہئیں، او شبد ۔ لفظ سرائیکی اے۔ سرائیکی زبان اتیں

ٻیاں پاکستانی زباناں کیا ہن اتیں اے کیویں بچ سگدئین؟ ہر رلوڑ زبان والے جمہوری ملک وچ

زباناں دا آدر کریندے۔ ایندے کیتے انڈیا تے ملائیشیا وچ لینگوئیج کمیشن بݨائے ڳئین۔ پاکستان

وچ وی لینگوئیج کمیشن دی لوڑھ اے۔ سرائیکی لوک سانجھ آپݨی حد تائیں لینگوئیج کمیشن بݨاوݨ

دا اعلان کریندی اے اتیں گورنمنٹ کنوں کمیشن بݨاوݨ دا مطالبہ کریندی اے۔

2. سندھ گورنمنٹ کݨک دی سپورٹ پرائس (امدادی قیمت) 4000 روپے مقرر کیتی اے۔ پنجاب 3000 روپے مقرر کیتے۔ کیوں؟

پنجاب سرکار کݨک دی درآمد دا کمیشن کھاوݨ دی بجائے کاشتکاریں کیتے کݨک دا ریٹ وَدھاوے اتیں غریبیں کوں سستا اَݨ ݙیوݨ کیتے سبسڈی ݙیوے۔

3. فلڈ دے مارے لوکیں دی امداد کیتے پنجاب سرکار ہک بجٹ پلان کریندی پئی اے۔

ایں اقدام کوں اصل لوکیں تائیں پچاوݨ دا اَہر صاف شفاف ہووے۔ صوبہ بݨن تائیں پنجاب ہݨ بجٹ وچ ٹرانسپیرینسی رکھے۔

4. سرائیکی موومنٹ 60 سالیں کنوں مادری زبانیں کوں منڈھلی پرائمری ذریعہ تعلیم بݨاونڑ

دے آہر وچ ہے۔ اول تاں رابطے دی زبان لوک آپ چُݨدین۔ جیکر ایں ملک دی کوئی فطری

لینگوافرانکا بݨدی اے تاں او سرائیکی ہے۔ سرکاری اتیں پرائیوٹ میڈیا ساݙی دھرتی دے کلچرز کوں وی پروموٹ کرے۔

About The Author

نمائندہ

See author's posts