پروفیسر شوکت مغل||سعدیہ شکیل

سرزمین آوليا ملتان جتھاں آپڑی درگھی تاریخ دی امین ہے اتھاں ماء لکھ پال نے ایجھے لال و گہر پیدا کیتن جيڑھے آپݨی ماء بھاویں او ماءدھرتی ہووے یاماء ٻولی ݙؤہں دا حق ادا کرݨ سانگۓ آپنڑی ساری حياتی اندی خدمت ءچ گزارݨ توں منہ نی وٹايا

ماء دھرتی دے سڄاک پتر بھانوں او احمد خاں دی شمشیر ہووے ہووے یا وت شوکت مغل دا قلم آپݨی سچی پریت نال ماء دی لڄ رکھیندے ریندے رہین آمدڑ نسلاں سانگے سوجھل راہ ݙیکھاوݨ والے سرائيکی زبان و ادب دا ہک معتبر ناں پروفيسر شوکت مغل 4 جون 1947) پاک گیث ملتان ءچ حسین بخش دے گھر ڄمے

1963ءملت ہائئ سکول کچہری روڈ توں میثرک کيتا

1965 ءچ ایف اے اتے 1967 ءچ گریجويشن دی ڈگری گورمنٹ ايمرشن کالج ملتان توں کرݨ دے بعد 1968 ءچ بی ایڈ کر تے شعبہ تدریس نال وابستہ تھی ڳۓ اتے نال و نال آپݨی تعلیم وی جاری رکھیندے ہوۓ پنجاب یونی ورسٹی توں ایم اے علوم اسلامیہ اتے 1971 ءچ ايم اے اردو کیتا اتےاخیر ایجوکںشن کالج ملتان وچ بطور اردو لکچرار بھرتی تھۓ بیشک جو انہاں دی اردو نال گہری وابستگی ہئ پر آپݨی دھرتی تے دھرتی وا سییں دی محرومی توں کݙاہں اوک چک نی کیتی انہہں کوں اے خیال مونجھا کر ݙیندا ہا کہ میݙی ماء ٻولی کوں اندے حق توں محروم رکھیا ویندا پۓ ایں بارے ݙھیر کم دی لوڑ ہے ایں سانگے انہاں سرائيکی اکھاݨ تے تحقيقی کم شروع کيتا اتے پنج ہزار ضرب لمثل کٹھے کرتے کو عظيم کم کيتا جیندی نظير نی ملدی ایں تو علاوہ پروفںسر شوکت مغل ہک سںياسی تنظیم سرئيکستان قومی کونسل بطور چیرمین سرگرم کارکن رہ ڳین

سیاسی شعور رکھݨ والی نشابر شخصیت پروفیسر شوکت مغل جننہیں دا علم و ادبی قد ٻہوں وݙا ہے ۔پنجاہ توں ودھ کتاباں لکھݨ والا اوسچا قلم قار جیں تنقید و تحقیق نگاری ہوے ترجمہ نگاری ووے سفر نامہ ہووے گرامر توں گھن تے لغت تئیں ٻالیں دے ادب ہووے یا تنقد نگاری ہر جاہ تے اپݨی انڄ سنڄاݨ رکھیندا دھرتی دا سجھ اڄوکے ݙینہ ماء دی ٻکل ءونڄ لکیا ہا پر اوں سجھ دیاں لاٹاں اڄ وی دھرتی دے اندھر نگری ءچ اویں سوجھلا کریندیاں رہسن بيشک آپݨی ٻولی دی بقا قاائم رکھݨ والے قلم قبيلے دے ایں مجاہد کوں اساں کݙہیں نا وسرںسوں