مارچ 29, 2024

ڈیلی سویل۔۔ زمیں زاد کی خبر

Daily Swail-Native News Narrative

سرائیکی عوامی تریمت تحریک ہک سال ہک جائزہ۔۔۔سعدیہ شکیل

پروگرام دا ساراانتظام ادا رانا نعیم۔ادا ملک۔طاہر ادا نزر عباس تے ٻیے ٻہوں سارے بھراویں دالکھ تھورا ۔اساݙے کیتے ہک یادگار پروگرام ہا ۔

سعدیہ شکیل 

۔۔۔۔۔۔۔۔۔۔۔۔۔۔۔۔۔۔۔۔۔۔

اڄوکے ݙھینہ 22 .11.2019کوں سرائیکی عوامی سنگت دی بنیاد رکھی گئی ۔سرائیکی عوامی سنگت دے اگواݨ ادانزیر لغاری ۔ادا مشتاق فریدی ادا شاہد جتوئی ادا قاسم خاں لاشاری تے سیئݨ’ادی عابدہ بتول دی سربراہی وچ سرائیکی عوامی سنگت اتے بھیݨیں دی ہک میٹنگ شادمان ٹاون اچ سنگت دے ہک بھیرا ادا طارق دے گھر رکھی ڳئی جیں وچ بھیݨیں دی ہک تنظیم دا علان کیتا گیا جیندا ناں سرائیکی عوامی تریمت تحریک رکھیا گیا ہا ۔اتے مشاورت دے بعد عہدیاں دا وی علان کیتا گیا ہا
ادی عابدہ بتول چیر پرسن تے راہبر ہن
صدر ۔ادی کرن لاشاری
سینئرصدر ۔۔
نادیہ پرویز اتے ادی اصفا ملک
نائب ادی نینا ۔تے ادی رخسانہ حمید علی
ادی سعدیہ شکیل جنرل سیکریٹری
ڈپٹی سیکریٹری جنرل ادی انیلہ عابد ۔۔رخسانہ عاشق
رابطہ سیکریٹری ۔ادی ممتاز ملک تے ادی صغریٰ تے ٻیاں کارکنان بھیݨیں نادیہ رشید ۔ادی شہربانو ۔ادی ساجدہ پروین ۔ادی کبریٰ ۔ادی عاصمہ ملک ۔ادی عاصمہ شبیر ۔ادی ثمینہ شبیر ۔ادی سمیرا سلیم ۔ادی فاطمیہ رشید
ادی رابعیہ نوشین ۔ادی ارشاد بشیر ۔ادی مہرونسا۶ ۔ادی ممتاز بی بی ۔ادی زوبیدہ ملک ادی نوید جتوئی ادی شائستہ جتوئی ۔ادی صائمہ تے ٻیاں ݙھڳ ساریاں بھیݨیں شریک تھیاں
۔ادا سیئیں نزیر لغاری ادی عابدہ بتول اساں بھݨیں کیتے تنظیم بݨا تے ول اساکوں اے سوبھ ݙتی جو بحثیت سرائیکی ہوݨ ہݨ اساݙا اے فرض ہے جو سب توں پہلا کاز سرائیکی صوبہ کیتے مسلسل جدوجہد کرݨ دے نال ہݨ اساں اپݨیاں بھیݨیں اندر تعلیمی ۔سماجی تے سیاسی شعور پیداکرݨ دی وی جدوجہد کرݨی ہے ۔ایں کیتے اساکوں ہݨ ہر دم تیار راہوݨے ۔۔۔۔وسیب تے وسیب واسیں دے حق حقوق نال حکومتی ول وانجھ برداشت کینا کیتی ویسی ۔۔
سرائیکی عوامی تریمت تحریک دے بݨݨ دے ہک ہفتے دے اندر ای اندر کراچی دے مقامی ہوٹل( پرل کانٹی نینٹل pc ) دے وچ سینٹ دی قائمہ کمیٹی دے اگوں سرائیکی صوبہ دی قرارداد پیش کیتی گئی جیں وچ سرائیکی عوامی تریمت تحریک دی اگوان ر۔ہبر چیر پرسن ادی عابدہ بتول اپݨا موقف مقدمہ پیش کیتا ۔۔
۔کمال تقریر کر تے سو فیصد ثابت کیتا کہ سرائیکی عوامی تریمت تحریک ۔بݨݨ دا مقصد تے منزل تے پڄݨ دی راہ مل گئی ہے .ول جیویں ہک شعر ہے جوب
ڳالھ ٹر پئی ہے تاں پندھ کریندا ݙیکھیں
بلکل ایویں ہی ۔سلسلہ ٹر پیا
21فروری کوں عالمی دنیا دے وچ ما۶ ٻولی دا ݙنھیہ منایا ویندے ۔ہک واری ول سرائیکی عوامی تریمت دی میٹنگ وچ فیصلہ تھیا جو اساں ہک وݙا پروگرام کرݨے جیکوں ادا نزیر لغاری سیئں ادا سیئں مشتاق فریدی ادا قاسم شاری تے سرائیکی عوامی سنگت دے بھراویں بسم اللہ پڑھی ۔تے ہک شاندار پروگرام کراچی آرٹ کونسل وچ کیتا گیا ۔۔جیندی کمپیرنگ( میں) ادی سعدیہ شکیل۔تے ادی نینا کیتی ہئی ادی عابدہ بتول ادی کرن لاشاری ادی ساجدہ بتول ۔ادی رخسانہ حمید ادی شائستہ جتوئی ادی نوید جتوئی تقریراں کیتاں ہن ۔ادا امان اللہ ارشد سمیت ڈھیر سارے شاعر بھرا تے گلوکار وسیب توں خاص طور تے شرکت کیتی ہئی اخیر وچ جگ مشہور سنگر ادا ساجد اجمل محفل سڄائی ۔۔کجھ عرصے بعد ولا سرائیکی عوامی تریمت تحریک سرائیکی دی مہان ہستی عظیم۔دھرتی ڄاے سیئں میر حسان الحیدری نال کراچِی آرٹ کونسل انہاں دے عزاز وچ ہک شام منائی ۔جہڑھی جو اساݙے کیتے ہک بہوں وݙا ماݨ ہے ۔سرائیکی تریمت تحریک ہمش یاد رکھسی ’ہر ہفتہ سرائیکی عوامی سنگت تے سرائیکی عوامی تریمت تحریک دی میٹنگ تھیندی ہے جیں وچ ادا نزیر لغاری ادا سیئیں مشتاق فریدی ادی عابدہ بتول بھیݨیں کوں ہر وار ہک نواں درس نواں جوش نویں سوبھ ݙیندے رہ ویندن سرائیکی عوامی تریمت تحریک دیاں بھیݨیں جتھاں ہر علاقے وچ بھیݨیں نال ملدین اویں او شوشل میڈیا تے وی ہر موقعہ ہر اشو تے الیندیاں رہ ویندین ۔خاص ادی نینا ادی تے کرن دیاں کمال لکھتاں ۔کجھ تھوڑیاں ماڑیاں میݙیاں وی تحریریاں ۔۔۔
جاص کجھ عرصہ پہلے مروہ نال زیادتی تے قتل تے سرائیکی عوامی تریمت تحریک نے کراچی پریس کلب اگوں جلوس دی شکل وچ پرزور مذمت کیتی کہ مروا دے قاتل کوں فوری گرفتار کرݨ دے نال سر عام پھاسی ݙتی ونڄے ۔نشوم۔ٻال تے ٻالڑیاں نال ظلم تے جبر دا انصاف کیتا ونڄے ۔کجھ عرصہ پہلے سرائیکی عوامی سنگت دے سینئر کارکن ادا ملک اکبر رضا تھی گیے ہن انہاں دے ورہنݨا وسیب وچ انہاں دے بائی گھر خان پور وچ کرݨ دا فیصلہ کیتا گیا ہا ۔ایں سلسلے وچ میٹنگ دے دوران دھرتی دے عظیم پتر سیئی ادا ظہور دھریجہ تشریف گھن آئے تے خاص طور سرائیکی عوامی تریمت تحریک کوں داعوت ݙتی انہاں سرائیکی تریمت کنونشن دا انقاد کیتا ۔۔سرائیکی عوامی سنگت اتے سرائیکی تریمت تحریک دا قافلہ وسیب روانہ تھیا ۔ خاں پور وچ ادا ملک اکبر دی یاد وچ جہڑا کٹھ رکھیا گیا ہا ۔اوں وچ ٻہوں وݙی تعداد وچ بھیݨیں شرکت کیتی ہائی ۔اتے کمال تے خوشی دی گالھ اے ہائی جو ہک اتھوں دی مقامی ٻالڑی تقریر وی کیتی ہائی ۔سرائیکی عوامی تریمت تحریک دا وسیب وچ ہک کامیاب جلسہ تھیا ۔جہڑھا جو ہک وݙی کامیابی ہائی ۔۔اوں پروگرام دی کمپیرنگ وی میں تے ادی نینا کیتی ۔
پروگرام دا ساراانتظام ادا رانا نعیم۔ادا ملک۔طاہر ادا نزر عباس تے ٻیے ٻہوں سارے بھراویں دالکھ تھورا ۔اساݙے کیتے ہک یادگار پروگرام ہا ۔
ول۔ٻئے ݙیہاڑے دھریجہ نگر دے وچ اداسیئیں ظہور دھریجہ سرائیکی عوامی تریمت تحریک لیوں تریمت کنونشن رکھیا ہا ۔ہک شاندار توں وی ودھ شاندار استقبال دے نال نیلی اجرک پھلاں دے ہار تے یاد گاری شیلڈ پیش کیتے گیئے ۔۔پر اساڈے کیتے سب توں وݙی کامیابی اے ہئی جو اتھاں دھریجہ نگر دیاں بھیݨیں نے پہلی واری وی حصہ گھدا ۔ ادی میمونہ ۔ادی مہرونسا ۔تےٻیاں ٻالڑیاں نے خطاب کیتے ۔۔مطلب لایا سڄایا تھیا ۔۔۔
ہݨ’واقعی اساں آکھ سگدے ہیں
گالھ ٹر پئی ہے تاں پندھ کریندا ݙیکھیں اے نہ سمجھیں میݙی منزل کوں زمانے لڳسن
اڄ 22.11.2020 سرائیکی عوامی تریمت تحریک دی سالڳنڈھ دا ݙینھ ہے ۔۔ساریاں بھیݨیں کوں نو لکھ مبارکاں دے نال نال سرائیکی عوامی سنگت دے سارے بھراویں ۔ادا نزیر لغاری ادا مشتاق فریدی ۔ادا قا سم۔لاشاری ادا ۔شاہد جتوئی ۔ادا ملک اچھا ادا خورشید انجم۔۔ادا عابد ڈاکٹر طارق خان ۔ادا زاہد ۔ادا رشید جّراݨی ۔ادا سلطان لاشاری تے خاص طور آپݨے سرتاج ۔سئیں شکیل انجم۔لاشاری دا لکھ تھورا ۔جہاں دے ساتھ نال اڄ اساں ایں مقام تے ہیں
جیوے سرائیکی جیوے سرائیکی عوامی تریمت تحریک

%d bloggers like this: