وسوں واݨ ادا محبوب تابش||سعدیہ شکیل

لکھت:

سعدیہ شکیل

سرائیکی عوامی تریمت تحریک جوائن کرݨ دے بعد ساکوں کُجھ کتاباں پڑھݨ سانگے ݙتیاں ڳیاں، تاں جو ساݙی اپݨے وسیب اتے اوندی سیاسی سماجی تاریخ نال سونہہ سُنڄاݨ تھی سڳے، انھاں کتاباں وچ ہک اہم کتاب ۔ "سرائیکی قومی تناظر” وی شامل ہئی.. جیڑھی جو اساں جہیں طالب علماں سانگے ہک شاندار اتے بہترین کتاب ہئی، ایں کتاب دے لکھاری محبوب تابش ہک منجھیے ہوئے سُڄاک سرائیکی دانشور ہِن، اُنھاں ایں کتاب اچ سرائیکی مقدمہ بھر پور انداز اچ بیان کیتے،

گُزریل ویلے وچ سرائیکی لوکاں نال تھیوݨ والی ولوانج دی ایندے وچ بھر پور عکاسی مِلدی ہے،

جگ مشہور لکھاری ۔دانشور ۔ محقق دا۔ علمی ادبی قد ٻہوں وݙا ھے ابتائئ تعلیم ڈی جی خان شادن لونڈ دے مغرب والے پاسے ہک ݙو کلو ميٹردے فاصلے تے اپنڑی جنم بھومی وستی گھمݨ توں حاصل کرݨ دے بعد ميٹرک شادن لنڈ تےگريجويشن گورمنٹ کالج ڈی جی خان توں کيتا بہاودین زکريا یونی ورسٹی ملتان توں ايل ایل بی ، ایم اے سرائيکی ، ايم اے اسلامک ايجوکیشن ، ایم اےفل اردو اتے قاضی عابد دی نگرانی ءچ پی ایچ ڈی کيتی انہيں دا ایم فل دا مقالہ

آزاد نظموں کے درمیان

( نظم دا تاريخی پس منظر) کتابی شکل ءچ موجود ہے

ايں توں علاوہ انہيں2007ءچ آپنڑاں (سفرنامہ ) لکھيا جيں وچ ادا محبوب تابش لکھئے کہ ميݙی اماں ميݙی آوارگی دی عادت دی وجہ توں میکوں رول گابا سݙيندی ہئئ ايں واسطے انہاں آپڑيں سفر نامہ دا ناں( رول گابا) رکھيا پر حقیقت وچ او نہ صرف اپݨی اماں بلکہ سموریے وسيب٭دا ماݨ ہن ایں ویلھے او مسلم کالج ءچ اردو دے پروفيسر ہن

زبان ،ادب تہزيب اتے کلچر کلاسیکل اادب و نٹر دا رواں اسلوب وسیع مطالعہ انہیں دیاں متحیر کرݨ والی لکھتاں وچ نظر آندے

انہاں دی شايع تھيوݨ والی تصنیف

عيبوں خالی

(سيرۃانبی سرائيکی)

خاص کر

اقبال خوش گمانياں غلط بيانياں جيندے بارے ڈاکٹر مبارک نے آپنڑيں تبصرے ءچ لکھۓ کہ اقبال پرستی تے ہک جامع کتاب ہے محبوب تابش نے کمال بہادری نال اقبال پرستی کوں چیلنج کريندے ہوۓ معاشرے تے اندے اثرات تے مکمل بحث کيتی ڳئئ ہے

نال فريديات تے لکھی کتاب

انہد مرلی

( فريد شناس کا اک نيا دريچہ )

کتاب مير داد

متاع اردو

عشق کے رستے اپنے

( منصور حلاج سوانح اور فلسفہ )

اتے کئئ ٻياں کتاباں وی لکھين جئيں ءچ کئئ کتابئيں دے ترجمے وی ہن گل دائم۔

(ترجمعہ گرور جئينش اوشو )

قلم قبيلے دا سوجھواݨ محبوب تابش ہک وڈا حصہ صحافت دی راہ ءچ گزاريے او عرصہ دراز وسیب رنگ روز نامہ خبريں ملتان دے انچارج رہ ڳين اتے چار سال روز نامہ جھوک وچ وی کم کيتے

سینکڑاں دی تعداد وچ ادب ۔ تاريخ لٹريچر سرائيکی ثقافت تے تہذیبی مضامین لکھنين اتے کئئ دانشوريں اديباں تے شاعراں دےانڑرویوز کيثین

ايں وچ کوئئ شک کينی کہ بحثیت قلم کار انہاں ہر جاہ اپݨا آپ منوا ۓ ہݨ بھانويں او نثر ہووے یا شاعری

آہدن شاعر ٻہوں حساس ہوندے ایندا انداذہ انہاں دی شاعری وچوں ہک شاندار نظم ݙيکھو