دریا کا کنارا اور ڈیرہ وال ||گلزار احمد

رنجیت سنگھ نے اپنے زیر انتظام علاقوں سے ٹیکس یا مالیہ وصول کرنے کے لیے کوئی اکاونٹنٹ اور دفتر نہیں بنایا تھا۔ اس کی عجیب عادت تھی کہ جب اس کو کسی شھر سے مالیاتی رقم ملتی تو اپنے دائیں جانب والے سکھ گھوڑا سوار کے حوالے کر دیتا اور پھر جہاں رقم خرچ کرنی ہوتی اسے رقم ادا کرنے کا زبانی حکم دیتا رہتا۔ وہ سکھ ادا کی گئی رقم کا حساب ایک لکڑی کی لاٹھی پر کھود کے لکھتا رہتا۔جب تمام رقم خرچ ہو جاتی تو وہ رنجیت سنگھ کے پاس آتا اور لاٹھی پر کھدا گیا حساب پیش کرتا۔ رنجیت سنگھ کی یاداشت اتنی تیز تھی کہ تمام آمد و خرچ اسے یاد ہوتا اور جب حساب مکمل ہوجاتا تو وہ حکم دیتا کہ اب لاٹھی کو ٹکڑے ٹکڑے کر کے پھینک دیا جائے۔

یاد رہے ڈیرہ اسماعیل خان 1836 سے 1848 تک تقریبا” 13 سال سکھوں کے زیر نگیں رہا ۔