اج گال مکیندے پیوں||اکبر ملکانی

اکبر ملکانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آج گال مکیندے پیوں۔انڑ پڑھ اکھو۔جاہل اکھو۔ہٹھل اکھو۔ھوڈل اکھو۔ضدی اکھو۔افہام فہیم دا منکر اکھو۔
جو کجھ اکھو اکھو پئے۔نہ میڈا کہیں نال جھیڑا اے۔نہ شر اے۔
میڈی اپڑیں گال اے۔میڈا اپڑاں فیصلہ اے۔میں تن تنہا کھڑاں۔جو سچ سمجھداں۔اوھو کجھ لکھداں۔اوھو کجھ کرینداں۔محمد و آل اے محمد نیں در۔درسالیں۔درباریں کنوں بچا چھوڑیئے۔قوت اے فیصلے دی طاقت عطا کر چھوڑی اے۔مشاورت بیشک سنت اے محمدی اے۔اوندے کولھو انکاری کئینی۔میڈا اپڑاں چند دوستیں تیں مشتمل قوم پرستیں دا ہک گروپ اے۔جیرھے سارے میڈی الی کار ان۔ایویں سمجھو قوم پرستی دے معاملے وچ انتہا پسند اوں او ہک بے کنوں اتر منگدوں۔لیکن ول وی ہر فیصلہ اساں اپت وچ مشاورت نال کریندے ہیں۔
گروپ ۔پارٹی نیں فیصلہ کیتے۔پاکستان عوامی سرائیکی پارٹی جے تک تنظیمی امور مکمل نہ کریسی۔او تک کہیں الیکشن دا حصہ نہ بنڑسی۔ساڈا کوئی عہدیدار جنوبی پنجاب اکھنڑ آلے ایم،این،اے۔ایم،پی،اے نال با امر مجبوری وی ملاقات نہ کریسی۔جنوبی پنجاب اکھنڑ الی کہیں وی وفاقی پارٹی واسطے کتھائیں وی نرم گوشہ اختیار نہ کریسی۔
جڈاں اے گالہیں اساں لکھدوں یا کریندوں ساڈے انہیں گالہیں تیں ساڈے کجھ دوستیں کوں پتہ نئیں مرچاں کیوں لگ ویندین۔جیرھے دوست میڈے سچ کوں برداشت نئیں کر سگدے۔پچہیں اہدن گلانی جاہ تیں تساں ایں کھڑے ھاوے۔فلانی جاہ تیں تساں ایں بیٹھے ھاوے۔پتہ نئیں40 سال دیاں تصویراں کتھوں گول اندن۔جڈاں کھڑا وی میں پیپلز پارٹی وچ ھم۔جڈاں سرائیکی قومی مسئلے دی الف ،بے کوں وی نہ جانڑدا ھم۔
میں اج دی گال کھڑا کرینداں۔تساں وی میڈے تیں آج دا الزام لاو۔سٹیج تیں عام روٹین وچ گفتار کردار وچ کوئی تظاد اے۔میڈی مرچی مارو۔میڈا گریبان پکڑو۔میڈے خلاف پوسٹاں لاوو۔لکھو۔اے توھاڈا جینین حق بنڑدے۔ایویں خواہ مخواہ ھوا وچ ڈانگاں مارنڑ مناسب نئیں۔میں ہرکہیں دی عزت کرینداں۔میکوں وی عزت درکار اے۔
اے کڈاہیں نئیں تھی سگدا بندہ آپ کوں سرائیکی رہنما وی کلیم کراوے۔کٹر جنوبی پنجاب اکھنڑ آلیں نال سماجیات۔اخلاقیات۔تعلقات دی بنڑیاد تیں بھائی چارے دا ڈھوونگ وی رچائی رھوے۔عوام نال بیشک محبت کرو ۔او بھانویں جیرھی پارٹی وچ وی ھونون۔کیوں جو کجھ انہیں دی مجبوری وی ھوندی اے۔کجھ انہیں کوں پتہ وی نئیں ھوندا۔اجاں او پورے سرائیکی نئیں بنڑیئے۔میں اپڑیں پوسٹ وچ جڈاں وی کوئی گال کیتی۔او ایلیٹ کلاس دی گال کیتی اے۔ہیں میڈی گال کوں سمجھنڑ بہوں ضروری اے۔شکریہ۔
کک تھی گیوں 73 سال تھیندے پئین۔رواداری دا مظاہرہ کریندیں ھوئیں۔برداشت دی ہک حد ھوندی اے۔
اے مذاق آج تئیں کہیں بے نال وی تھئے۔یا صرف ساڈے نال کھڑا تھیندے۔
غصے کاوڑ کرنڑ دی کوئی لوڑھ نئیں۔ہک دا ہک آپشن اے۔جیندا آج اساں فیصلہ کرنڑیں۔
سرخ لکیر اے۔ڈو خانے ان۔فیصلہ توھاڈے تیں ھ۔ہک خانہ سرائیکستان دا۔اے۔
ڈوجھا خانہ جنوبی پنجاب دا اے۔
سوچ سمجھ تیں فیصلہ کرو۔ڈسو تساں جیرھے خانے وچ رہنڑ چاہندو۔
تساں اکھو اساں ڈونہائیں خانییں وچ رہنڑ چاہندوں پچہیں میں ایہو کجھ اکھساں۔توھاڈے کولھو وڈا بئیمان ۔بدیانت بیا کوئی کئینی۔
جڈاں ہر کہیں کوں پتہ اے۔ اے ساریاں وفاقی پارٹیاں جنوبی پنجاب آلے خانیں وچ رہندین۔ول کہیں سرائیکی کوں اوں خانیں دا حصہ نئیں بنڑنڑاں چاہیدا۔
اکٹر دوستیں نال میڈا قلائیش کیوں پیدا تھیندے۔ہیں گال تیں تھیندے۔میں اللہ دی قسم اے سچ لکھداں۔میڈا کوئی ٹارگٹ ہک بندہ نئیں ھوندا۔بلکہ کردار ھوندے۔نظریہ ھوندے۔کردار ٹھیک نئیں کریندے۔نظریہ ٹھیک نئیں کریندے۔ودھ گھٹ میکوں الیندن۔اخر کیوں.؟
سرائیکستان بنڑنڑ دا سارا دارو مدار توھاڈے تیں ھ۔ساڈے تیں ھ۔
جے اساں ایویں رول گابے بنڑیئے رھسوں۔میکوں نئیں لگدا اساں اپڑیں منزل پا سگوں۔
مہربانی کرو کاوڑ غصے کوں مٹھا کرو۔میڈی کہیں نال ذاتیات کئینی۔نہ میں کہیں دی کئی شئے ڈیونڑیں اے۔نہ گھنڑیں اے۔ہک نظریئے دا رشتہ اے۔اونکوں کیوں خراب کروں۔لوک کیوں کھلم ساڈے تیں۔
سخت بہوں گزر گئے۔خانے دا فیصلہ کرنڑ بہوں ضروری اے۔اگر اساں آپ کوں ایویں گڈ مڈ کیتی رہ گیوسے۔اے روز دا تماشہ ایویں لگا رہسی۔
ساڈے گودے۔فیوڈل۔نواب۔خان۔سردار اے کوئی صاحب اے رائے نئیں ھوندے۔انہیں دیاں واگاں بنہیں دے ہتھیں ھوندین۔اے شودے بے وس ان۔انہیں کوں اتو حکم ملدے۔اے حکم دے غلام ھوندن۔اے شودے ڈیہنہ کوں رات اکھ سگدن۔رات کوں ڈیہنہ اکھ سگدن۔انہیں کنیں کوئی شئے بعید کئینی۔بہتر اے سرائیکی اپڑاں کوئی وقتی فیصلہ کر گھنن۔ساڈے نال رلن اپڑیں وطن وسیب دی تحریک وچ شامل تھیون۔شکریہ

توھاڈا اپڑاں۔محمد اکبر خاں ذات ملکانڑیں۔قوم سرائیکی۔چیرمین پاکستان عوامی سرائیکی پارٹی ۔
سرائیکستان ھاوس دیرہ غازیخاں۔

About The Author

dailyswail

See author's posts