محمود نظامی: سرائیکی قومی تحریک دا بانی ا۔گوانڑ تے دانشور||عبدالستار تھہیم

محمود نظامی ہک سوجھل دھرتی واس سیاسی کارکن ، دانشور،ترقی پسند ،روشن خیال ، سیکولر صوفی تے مخلوقِ خدا نال محبت کرنڑ آلا و۔ڈا بندہ ہا ۔ تونسہ شریف ءچ مولوی محمد کا کاجٹ جراح ، انھاں دے ۔ڈا۔ڈا مولانا خدابخش مدرسہ نظامیہ تونسہ شریف دے ہک عالم فاضل دے گھر پیدا تھیونڑ آلا اے جوان پورے سرائیکی وسیب تے ملخ ءچ آپڑیں ترقی پسند سوچ ، سرائیکی قومی مسئلہ تے سیکولر فکر دے حوالے نال نہ صرف مشہور تھیا بلکہ اوکوں آپڑیں مشہوری نال کئی غرض نہ ہئی ، لوک اوندی محکوم تے محروم طبقات کیتے سچی تے کھری محبت دی وکیڑ ءچ آویندے ہن تے اوندی صحبت دے گرویدہ تھیونڑ آپڑیں کیتے فخر ۔جانڑدے ہن ۔

استاد فدا حسین گا۔ڈی سرائیکی قومی تحریک دا بانی وستی گا۔ڈیں (تونسہ شریف ) ترقی پسند شوشلسٹ تحریک دا دانشور، دے نال شوشلسٹ تحریک نال ہک مٹھ تھی تے کم کیتا ۔ استاد فدا حسین گا۔ڈی دی صحبت نے محمود نظامی دی زندگی ءچ انقلاب برپا کیتا ۔ ۔جڈاں استاد فدا حسین گا۔ڈی 1984 ءچ سرائیکی لوک سانجھ دی بنیاد کریم نواز کرائی دی جاء تے (فاضل پور) رکھی جیندے ءچ عاشق خان بزدار ، اسلم رسول پوری ، صوفی تاج خان گوپانگ ،نزیرلغاری ،منظورخان دریشک ،نزیر فیض مگی ،تاج محمد خان برڑہ ، ڈاکٹر احسن واہگہ سمیت محمود نظامی تے سرائیکی وسیب بھر دے ترقی پسند شاعر۔ ادیب ، دانشور تے سیاسی کارکن شامل ہن ۔

4 اپریل 1985ء ءچ سرائیکی صوبہ محاذ وجود ءچ آیا تاں محمود نظامی اوندے ا۔گوانڑاں ءچ وی شامل ہن ۔ قاری نورالحق قریشی ایڈووکیٹ نائب امیر جمعیت علمائے اسلام پنجاب ، پاکستان سرائیکی صوبہ محاذ دے پہلے صدر چنڑیے ۔گئے تے بیرسٹر تاج محمد خان لنگاہ نائب صدر ۔ قاری نورالحق قریشی دے استعفیٰ دے بعد بیرسٹر تاج محمد خان نال صدر چنڑیے ۔گئے ۔

1988ء جنرل ضیاء الحق دا جہاز بھاہ ءچ غرق تھیا تاں ___ پاکستان سرائیکی صوبہ محاذ ءچ شامل پارٹیاں تے عہدیداران آپڑیں آپڑیں جماعتیں دو واپس ٹر ۔گئے ۔ الیکشن دے بعد سرائیکی قوم کو ہک کل وختی پارٹی دی لوڑھ دے پاروں ہک سرائیکی قوم پرست جماعت وجود ءچ لائی ۔گئ ۔ جیندے آہری تے بانی بیرسٹر تاج محمد خان لنگاہ ہن ۔ 7 اپریل 1989ء پاکستان سرائیکی پارٹی دا منڈھ ۔بدھا ۔گیا جیندے پہلے صدر بیرسٹر تاج محمد خان لنگاہ سیکریٹری جنرل منصور کریم سیال منتخب کیتے ۔گئے ۔ تے پہلے مرکزی آرگنائزنگ سیکریٹری محمود نظامی چنڑیے ۔گئے ۔ پاکستان سرائیکی پارٹی نے بیرسٹر تاج محمد خان لنگاہ دی قیادت ءچ سرائیکی صوبے دی تحریک کوں اسمان تے پچا ۔ڈتا ۔محمود نظامی سرائیکی پارٹی دا آئیڈیو لاگ Ideologue ہا ۔ محمود نظامی پڑھدا تاں ہا لیکن لکھنڑ دے پاروں پرے راہندا ہا ۔ اوندی اعلیٰ دماغی تے گفتگو دا دارومدار ذہانت تے یادداشت ہئی ۔ ہک واری منصور کریم سیال نے نظامی کو آکھیا تئیں شکسپیئر دا ڈرامہ merchant of Venice نی پڑھیا تیکوں انگریزی تاں آندی نی ۔ محمود نظامی نے پورا ڈرامہ فارسی زبان ءچ سنڑا ۔ڈتا ۔ ہنڑ منصور کریم کوں فارسی سمنج ناں آوے ۔

ہک واری بیرسٹر تاج محمد خان لنگاہ دے نال تونسہ شریف دا سیاسی دورہ کیتا محمود نظامی تونسہ پریس کلب دے دروازے تے استقبال کیتا ۔پریس کانفرنس دے بعد کھانڑاں کھاونڑ کیتے پجارو ءچ ۔بہہ تے تونسے دے ہک و۔ڈے محل پج ۔گئیوسے ۔ محل دے مالک تے میزبان خواجہ عبد المطلب سجادہ نشین تونسہ شریف نے محمود نظامی دے ۔گو۔ڈیں کو ہتھ لاتے استقبال کیتا ۔ میں آکھیا خواجہ صاحب اے کیا کیتے وے ؟ خواجہ صاحب ولدا ۔ڈتا جو میڈا ابا (و۔ڈے خواجہ صاحب) وی انھاں کؤں ۔گو۔ڈیں تے ہتھ لاتے ملدے ہن ۔

محمود نظامی انٹرنیشنل سرائیکی کانفرنس دلی انڈیا 7 اگست 1997ء ءچ شریک تھئے ۔ انڈین دانشور تے سیاسی رہنما محمود نظامی دی پاکستان انڈیا دوستی بارے بھاشن سنڑ تے گرویدہ تھے ۔گئے ۔ ہندوستان ٹائمز انگریزی اخبار سویلے محمود نظامی دی گفتگو نال بھریا پیا ہئی ۔

بیرسٹر تاج محمد خان لنگاہ تے منصور کریم سیال نال سیاسی تعلقات سنگت تے محبت دے رنگ ءچ تبدیل تھی ۔گئے ، جہڑھے مردیں تک قائم رہیے ۔

پاکستان سرائیکی پارٹی دے مرکزی سیکرٹریٹ نزد ملتان ہائی کورٹ ءچ میں نظامی صاحب دا راہ بھلیندڑ ہوندا ہامیں ۔ ایں دوران پروفیسر محمد داؤد وی پج ونجن ویندے ہن جنھاں کوں نظامی صاحب نال اینجھی محبت تھئی جو ۔ڈوہیں ہک ۔بئے کولوں زری وی نہ ناں وسدے ہن ۔ ملتان توں تونسہ روانہ تھیونڑ توں ہک ۔ڈینھ پہلے پروفیسر محمد داؤد دے نال کالج ءچ کٹھے گزاریا۔ ڈاکٹر عمر فاروق فنانس ڈائریکٹر بی زید یو ،ارشد خان دستی ، پروفیسر محمد بلال ، وجاہت ہاشمی ملتان ءچ نظامی صاحب دے خاص قدردانیں ءچ شامل ہن ۔ انھاں نال میڈے تقریباً 30 سال زندگی دے ۔ڈینھ راتیں کٹھے گزرن ۔

صوبہ سرائیکستان دی تریخ ءچ محمود نظامی ہمیش زندہ راہسی _