راجن پور کی خبریں

آواز حقوق جام پور ضلع صوبہ سرائیکستان ( ان شاءاللہ )

۔۔۔تحریر آفتاب نواز مستوئی ۔۔۔۔۔۔۔

جھاتی ہک پاتی ونج ویندا راہی آ۔۔۔۔۔سرکار سنڑیج اے جو ہک وڈے گودے دے بال دی شادی تے راجن پور تشریف گھدی امدو ۔

اے سچ اے تاں ول گودا سئیں ! ایں گال گوڑ اے ہیلی کاپٹر والی ۔دیرے توں راجن پور تئیں سڑک دا سفر کریں ہا تیڈی جے جیڈی وی لگژری گاڈی اے ول وی تیڈی چیل دے کڑاکے ضرور نکلن ہا تے تیکوں سدھ پووے

ہا جو اساں کینجھے بھوگ بھوگیندے پئیوں ‘ کوٹ چھٹہ ‘جامپور ‘ محمد پور تے فاضل پور ءچوں بغیر پروٹوکول دے گزر ڈکھالئیں ہا تاں تیکوں پتہ لگے ہا ۔۔۔۔

بھل کتھاں او وی ساریاں کمیٹیاں راستے صاف کروا گھنن ہا تے پولیس والے وی روڈ دے نیڑے ناں آنونڑ ڈیون ہا بھل تیڈے وزیر اعلی ا دے قافلے دی زٹک زاں ‘ تے دھوں دھاں سنڑ تے اتھوں دے سدھے سادے

بھولے بھالے لوکی تیڈا اندھا کانڑاں دیدار تاں کر گھنن ہا ذرا لحظے واسطے خش تھی پونون ہا ۔ ۔۔۔بے شک توں پیر پٹھانڑ دی نگری دا وسندڑ ای ۔لیکن اے وی یاد رکھنڑیں جو ۔۔

اے وی اوں ” درویش نارووالے سرکار ” دی دھرتی ہیوی جتھاں خود پیر شاہ سلیمان تونسوی سرکار خندق بنڑا تے اعتکاف باہندے ہن اے نگر ی وی پیریں کنوں پر ہیوی اتھاں سخی لعل پروانہ سید محسن شاہ المعروف مسن شاہ تے خواجہ نورمحمد برڑہ جیہاں ہستیا ں دا فیض عام ہیوی تے

جام پور دا قبرستان ٹھاکریوالہ قران مجید دے حفاظ کرام تے اولیاء اللہ دا مسکن ہیوی ۔۔ایں نگری ءچ اینجھے ملنگ تے فقیر وی ہینوی پئے جنہاں دا دعا پلوتہ ہک اے ۔۔

اللہ سوھنڑاں ہر کہیں کوں اپڑیں امان ءچ رکھے مگر او بے نیاز وی تاں ہے ہر دعا تے بددعا توں پہلے ” آہ ” دا فیصلہ فوری ڈیندے ” آہ ” تاں ” اوں رب ذوالجلال دا عرش ہلا ڈیندی اے ۔۔۔

ایں لاوارث دھرتی دی گنگی مخلوق خدا دیاں آہیں اوں پاک ذات دی عدالت ءچ پجنڑ توں پہلے ایں قاتل روڈ تے جام پور ضلع دا فیصلہ ایں موقعے کیتے ونجو تے دعائیں نال جھولی بھری ونجو ۔۔

ول بے شک جہازیں تے ہیلی کاپٹریں تے اڈردے ودے رہو بلوچ بنڑ گودا ہک پھیرا تاں By Road پاء چھوڑ سکھنڑیں ہک جھاتی

آپڑیں کالے شیشیں والی گاڈی ءچوں پانونڑ نال تیڈی شاہی کوں لوڈا نہ آوسی اللہ کریسی ۔۔۔۔۔۔ ۔حیاتی دا دھاگہ وڈا ہووی جتھ پیر ہووی اتھ خیر ہووی

About The Author

نمائندہ

See author's posts